Nei haldið þið ekki að ég hafi fundið fallegt innlit frá mínum gamla heimabæ, Eindhoven. Þetta er heimili innanhússstílistans Renee Arns eiganda lífstílsverslunarinnar Out of the blue. Stíllinn er mjög hrár og iðnaðarlegur, en annað væri nú ekki í boði í iðnaðarborginni Eindhoven. Það er mjög hátt til loft og risastórir svartir gluggar, ég get reyndar ímyndað mér hvar þessi bygging er staðsett í borginni, en þessar gömlu verksmiðjublokkir með stærðarinnar gluggum eru helsta kennimerki borgarinnar.
Það er ekki oft sem maður gæti sætt sig við að búa í svona hrárri íbúð, en Renee tekst alveg ótrúlega vel til að gera íbúðina heimilislega þrátt fyrir mikla lofthæð og grófa veggi.
Ljósmyndari:Paulina Arcklin
Þessi íbúð er algjör draumur! Það væri reyndar líka draumur ef sama húsnæðisframboð í Eindhoven væri í boði hér heima, þar er hægt að búa í gömlum verksmiðjum eða jafnvel í gömlum kirkjum! Þvílíkur draumur fyrir innanhússhönnuði:)
Nei, við skulum bara ekkert ræða framboð af húsnæði hér heima.. ég gæti nefnilega farið að grenja.
Skrifa Innlegg