Hönnunarmars er svo sannarlega skolllinn á og ég er eins og undin tuska eftir daginn. Byrjaði daginn á mjög skemmtilegum morgunfundi með Emmu og fórum svo á fjölmargar opnanir ásamt fyrirlestrum í Þjóðleikhúsinu á vegum Hönnunarmiðstöðvarinnar.
Sýningin Skepnusköpun í Spark design space er mjög flott, og áhugaverð nálgun á vöruhönnun.
Vöruhönnuðurinn Anna Þórunn kynnti þessi borð í Epal + Hörpu.
Marmaraborð eftir Ólöfu Jakobínu voru líka í Epal.
Tinna Gunnardóttir sýnir þessa gordjöss geometrísku lampa í Þjóðmenningarhúsinu, þar er Vík Prjónsdóttir einnig að sýna nýjann Selsham í samstarfi við Eley Kishimoto. Á fyrstu hæðinni er svo sýningin Flétta.
Einnig kíktum við á opnun sýningu vöru- og iðnhönnuða í Hörpu, þar er einnig sýning á húsgögnum frá öllum helstu húsgagnaframleiðendum og húsgagnahönnuðum á Íslandi sem kom mér skemmtilega á óvart.
Það sem hefur heillað mig mest enn sem komið er (og þá er ég bara að tala um nýja hönnun) : Lampar Tinnu Gunnarsdóttir, Marmaraborð Ólöfu Jakobínu og hliðarborð Önnu Þórunnar í Epal.
En það er margt eftir að sjá, og sumt í annað sinn til að njóta betur.
p.s. takk þið sem hafið pikkað í mig og heilsað mér á sýningunum, það kemur mér alltaf jafn mikið á óvart að hitta lesendur mína en ég kann virkilega að meta það.
xxx
Skrifa Innlegg