***
Svart á hvítu ♥ MKA Olsens
Var á búðarrölti í allan dag á Laugaveginum og þar í kring.
Eigum við eitthvað að ræða það hvað Einvera er falleg búð, systurnar greinilega vel með á hreinu hvað er helst í tísku í dag. Svo gaman af öllum nýju búðunum líka í miðbænum.
Hef reyndar ekki komið þangað í nokkra mánuði svo það var margt nýtt að sjá fyrir mig.
Vil svo benda á rosa skemmtilegan markað á Hressó þar sem ungir hönnuðir eru að selja vörurnar sínar, flíkur, skart og spil. Margt mjög flott þar til sölu:)
Svo á miðjum Laugaveginum er líka markaður í stóru rými hliðina á Spútnik og Skífunni? En þar er einn yndælis strákur að selja rosa rosa kúl plastúr á 1500kr!!! Sá að það er verið að selja eins í Gyllta kettinum á 4þús… Til í mörgum litum, ég fékk mér svart og vinkona mín fékk sér hvítt. Mæli með að kíkja þangað líka!:)
Svo ilmaði vinkona mín alveg hrikalega vel í dag mmmm.. Bað hana að segja mér hvað hún væri með á sér og var það nýja línan frá Dolce and Gabbana.
Man ekki nr.hvað ilmurinn var en það er bleiki ilmurinn.
Ég man að ég var að skoða þetta í París í vetur og þessi ilmvötn eru alveg málið.
Ein besta lykt sem ég hef fundið hingað til namminamm!!:)
-S
Skrifa Innlegg