Þetta einstaklega hlýlega og haustlega heimili fær mig bara til þess að langa að liggja undir teppi og fletta bók, helst með kveikt á kertum. Á haustin er tilvalið að græja heimilið og gera það eins hlýlegt og hægt er því við sækjum töluvert meira í inniveru, skipta út litríku sumarkertunum í stjakanum fyrir haustlega tóna, fylla sófann af fallegum púðum og teppum, setja gæru á svefnherbergisgólfið (til að stíga ekki á kalt gólfið), stafla af bókum á stofuborðið, dimma ljósið og kveikja á ilmkerti… ahh ljúfa líf:)
Liturinn á veggnum er virkilega fallegur og töluvert þægilegri en þessi mjallahvíti sem hefur verið svo vinsæll á heimilum. Ef það væri bara minna vesen að mála, þá væri ég til í þennan lit á haustin/veturna og mjallahvítan á vorin/sumrin
P.s. Ég vil minna ykkur á skemmtilega gjafaleikinn sem þið finnið í færslunni hér að neðan, hægt að vinna ótrúlega fallegt Pirouette hálsmen úr smiðju Hring eftir Hring.
Skrifa Innlegg