Ég er nokkuð viss um að ég hafi birt þessar myndir áður, en ég er með gærur á heilanum. Er þó búin að fara í eina verslunarferð en fann þá ekki “rétta” litinn fyrir mig svo þessi kaup hafa fengið að bíða.
En ó mig auma hvað þetta er fínt og fullkomið fyrir haustið.
Er búin að blikka einn vin minn sem vinnur í Epal að kippa einni til hliðar ef “minn litur” kemur í einni af sendingunum:) Annars þarf ég kannski bara að heyra í þeim hjá Sútaranum á Sauðárkróki, ég fór þangað fyrir um tveimur árum síðan og fékk að skoða alla sútunarverksmiðjuna ásamt verslunina sem er þar. Það eru ótrúlegir litir sem voru í boði þar í gærunum, við erum að tala um tyggjóbleikar og svo allan skalann af náttúrulegri litum:)
Skrifa Innlegg