Góða kvöldið, þetta er mögulega ein óvenjulegasta færslan frá mér, enda er ég ekki mikið fyrir að blaðra um sjálfa mig á þessum vettvangi hvað þá að birta myndir af mér:) En fríið mitt tók smá u-beygju þar sem við Andrés ætluðum að halda norður í vikunni en þegar ég heyrði í systur minni á mánudaginn (sem var ófrísk) að það ætti að setja hana af stað daginn eftir þorðum við ekki annað en að ílengjast í Skorradal þar sem við höfðum það mjög ljúft og gátum auðveldlega stokkið í bæinn. Litli snúllinn lét þó heldur betur hafa fyrir sér og kom ekki í heiminn fyrr en í nótt. Hann er það allra dásamlegasta sem ég hef séð og það er líka búið að gefa honum mjög fallegt nafn, en ég bíð með að birta það svona þar sem Hildur systir er ekki einu sinni búin að samþykkja þessa færslu;)
Ég læt þetta gott heita af þessum draumaprins, og skunda aftur í fríið. En mikið skil ég núna suma foreldra sem birta endalausar myndir á facebook af krökkunum sínum.. ég er búin að drekkja vinkonum mínum á snapchat og hann er ekki einu sinni minn eiginn:)
Þangað til næst:)
Skrifa Innlegg