Það liggur svo ofboðslega vel á mér í dag að það á skilið sérfærslu hér á blogginu. Ég veit ekki nákvæmlega hvað það er en það liggur eitthvað í loftinu og ég er með fiðring í maganum fyrir næstunni. Mögulega er það góða veðrið og sólin sem sýnir sínar bestu hliðar í dag? Mögulega að ég er að fara til útlanda í hvítan sand og heitan sjó? Kannski það að ég er byrjuð aftur að hreyfa mig og borða hollt eftir hlé frá því að ég fór í fæðingarorlof? Kannski að ég náði að renna upp buxunum án áreynslu í morgun? Eða öll skemmtilegu stórafmælin sem framundan eru með bestu vinunum og frábæru tilefni til að skála? Kannski að það eru sjúklega spennandi tímar framundan hjá Trendnet? Eitthvað er það, og ég vona að ykkur líði líka svona vel og hafið eitthvað til að hlakka til, það er nefnilega ansi góð tilfinning:)
Sjá fleiri tilvitnanir HÉR og HÉR.
Skrifa Innlegg