Ég horfði á einstaklega áhrifaríka heimildarmynd fyrr í kvöld, Earthlings. Hún fjallar að mestu leyti um verksmiðjubúskap og framleiðslu á dýrum. Myndin situr svo mikið eftir í mér að mér finnst ég vera tilneydd til að benda fleirum á hana.
Myndin sem er talsett af Joaquin Pheonix kom upphaflega út árið 2005 og hefur hún hlotið nokkur verðlaun í flokki heimildarmynda. Myndin tók um 5 ár í framleiðslu og er notast mikið við faldar myndavélar.
Earthlings tekur á ótrúlega víðu sviði, allt frá sláturhúsum, tilraunum á dýrum, framleiðslu á gæludýrum og svo notkun okkar á pelsum og leðri.
Myndin er þó um einn og hálfur tími á lengd og tekur mjög á, ég þurfti lengi að horfa í gegnum hálflokuð augun.
Ég mæli með að þið horfið á myndina sem finna má HÉR
-Svana
Skrifa Innlegg