Spenningurinn fyrir haustinu eykst með hverjum deginum… ekki bara öllum kósýheitum sem því fylgir heldur fyllast allar verslanir líka af nýjum og fallegum haust/vetrarlínum og þá er ekki annað en hægt að verða spennt! Ég vona að ég sé ekki ein um það en ég fékk fiðring niður í maga þegar ég fletti áðan í gegnum nýja Ikea 2014 bæklinginn sem var rétt í þessu að koma út á netinu. Ég bíð alltaf með eftirvæntingu eftir þessum tíma, svona örlítið eins og jólin séu að koma:)
Þessi mynd er mín allra uppáhalds í öllu blaðinu, svartir veggir í eldhúsi eru ótrúlega fallegir. Sérstaklega eins og á þessari mynd hvernig hann er notaður á bakvið hillurnar og skapar þá meiri dýpt og andstæður.
Stílistar og innanhússhönnuðir Ikea vinna hörðum höndum allt árið að undirbúa bæklinginn og það er gaman að skoða öll litlu detailin á myndunum, algjör gullmoli sem þessi bæklingur er fyrir innanhússperra.
HÉR er hægt að skoða bæklinginn í heild sinni, njótið!
Skrifa Innlegg