Vera Þórðardóttir er ungur fatahönnunarnemi við Instituto Marangoni í London, en sá skóli er mjög virtur í fatahönnunarbransanum.
Nýlega tók Vera þátt í keppni á vegum FAD (fashion awareness direct) þar sem nemendur úr öllum fatahönnunarskólum í Bretlandi gátu tekið þátt. Væri það nú ekki frásögu færandi nema það að hún lenti í 4. sæti af 100 þáttakendum!!!!! Og var tískusýningin haldin á London Fashion week 2010.
*Klapp* *Klapp* *Klapp*
Þáttakendur áttu að vinna með konseptið minningar og hanna útfrá því 2 outfitt í “futuristic” stíl. (afsakið enskuslettur, les of mikið af tímaritum haha)
Dómnefndin var ekki af verri endanum, en í henni sat t.d. tísku innkaupastjóri Harrods hún Elizabeth Mcluskie ásamt Vauxhall Fashion director John Wolford.
Verðlaunin voru líka hrikalega flott, en það var keppst um starfsnám frá William Tempest, Jonathan Saunders, Paul Smith og Vivienne Westwood ásamt peningaverðlaunum.
Vera vann starfsnámið hjá William Tempest en hann hefur fengið umfjöllun í flestum stærstu tískutímaritum heims svo sem; Vouge UK, Vouge Brazil, Harper’s Bazaar, Elle, In Style og svo mætti lengi telja. Ásamt því að Victoria Becham hefur klæðst hönnun eftir hann.
Hér sjást vinningskjólarnir hennar.
Hannað út frá konseptinu Minningar.
Skrifa Innlegg