Mér þótti svona mjög smart einu sinni, ég lét mér dreyma um hús á Arnarnesinu þar sem allt átti að vera hvítt og ofur stílhreint. Slefaði yfir innliti sem birtist í Hús og Híbýli þar sem íbúðin hennar Völu Matt var sýnd. Allt hvítt með glærum plaststólum, hvítri gæru og glerhurðum. Mér þótti það M E G A
Svoleiðis ætlaði ég að búa.
Í dag læt ég mér dreyma um lítið timburhús í Hafnarfirðinum, það er í algjörri niðurníðslu og ljótasta húsið í götunni. En ég ætla að gera það upp og rækta rifsber og rababara í stóra garðinum þar sem allar gömlu kisurnar mínar eru grafnar. Því þarna ólst ég upp:)
Og veggirnir fá að vera í lit, ekki allir hvítir og gólfið verður viðarlitað, ekki hvítlakkað.
Hver getur búið í svona gámi? íbúð sem skortir allann persónuleika.
-S
Skrifa Innlegg