Þegar ég fór yfir nokkra atburði sem stóðu upp úr árinu mínu um daginn gleymdi ég algjörlega einu atriði. Hönnunarmars 2012!
Þá fékk ég það verkefni að vera með Anders Bergmark einum ritstjóra sænska Elle Decoration og sýna honum áhugaverða staði í Reykjavík, ég sá einnig um einn blaðamann hönnunarvefsíðunnar Design Boom hana Richelle, en ég var algjörlega með stjörnur í augunum yfir Anders. Ég fór meðal annars með hann á gamla vinnustaðinn minn Kex hostel, þar sem að hann heillaðist uppúr skónum og ætlaði að fjalla um þá í blaðinu.
Ég tók þessa mynd á Kex á nýliðnum ársfundi Trendnets.
Ég kynntist líka á árinu henni Sari Peltonen sem er verkefnastjóri Hönnunarmiðstöðvar en það er hún sem veitti mér þessi tækifæri og reyndar mörg fleiri sem ekki er hægt að nefna að svo stöddu og hafði hún ótrúlega trú á mér í rauninni áður en við kynntumst. Takk!
Ég er orðin hrikalega spennt fyrir Hönnunarmars 2013 og er búin að taka frá dagana í dagatalinu mínu.
14-17 mars it is.
Skrifa Innlegg