Ég hef lengi fylgst með bloggi Ásu Regins og hef alltaf jafn gaman af því. Það er einlægt og persónulegt og ekki skemmir fyrir að stundum birtast myndir frá fallega heimili hennar í Verona sem veita mér mikinn innblástur. Stíllinn er hlýlegur og elegant og hún er greinilega mikill fagurkeri og smekkkona.
Svo setur það punktinn yfir i-ið öll fallegu blómin sem skreyta heimilið hennar nánast alltaf, en það skemmtilega við það er að hún kaupir þau oftast handa sjálfri sér! Á meðan að fólk eins og ég t.d. hef alltaf gert ráð fyrir að einhver þurfi að gefa mér þau.
Mér skilst að það sé útborgunardagur í dag, og ég held að besta leiðin til að fagna því sé að fara út í blómabúð og kaupa búnt af túlípönum handa sjálfri mér.
x
Skrifa Innlegg