Trendnet

Kristjana Guðný Rúnarsdóttir starfar sem National Makeup Artist fyrir Lancome. Kristjana er ekki bara einn af okkar hæfileikaríkustu förðunarfræðingum heldur er hún líka ein af yndislegustu konum sem ég hef kynnst og mér finnst ég ótrúlega heppin að fá að þekkja svona flotta konu sem ég get litið upp til í lífinu og í starfi.

Þó svo ég hafi átt ófá kaffideit með Kristjönu langaði mig að fá að vita aðeins meira hana og hennar störf fyrir Lancome. Að sjálfsögðu verð ég að deila spurningunum og svörunum með ykkur og gefa ykkur tækifæri til að kynnast þessari flottu konu.

Hvað felst starf þitt sem National Makeup Artist fyrir Lancome?

Fyrir sirka 8 árum fór ég fyrir hönd Íslands í stóra Make-up keppni út til Parísar sem haldin var af Lancôme. Þar kom einn keppandi frá hverju landi og þurfti hann að senda ferilskrá, myndband og meðmæli áður en að hann var samþykktur til að taka þátt í keppninni. Við gerðum það samviskusamlega og fékk ég svo boð um að koma út og taka þátt í keppninni. Ég get ekki lýst stressinu sem fylgdi kepninni. Ég fékk mína stöð, var með þrjár myndavélar á mér allann tímann, ásamt 30 manna dómnemd. Við fengum það tækifæri að skapa okkar eigið Lancôme make-up look. Eftir að hafa unnið í 3 daga stanslaust kom að lokaprófinu. Það voru 3 dómnemdir sem voru allar skipaðar yfirmönnum Lancôme ásamt ritstjóra stæðstu tímarita Frakklands, meðal annars franska Vouge. Ég þurfti að útskýra mína sýn á því sem ég hafði skapað og hugmyndina á bak við það. Það gekk svo glimrandi vel að ég var valin í national make-up artist hóp, en það var valinn minna en helmingur af keppendunum úr keppninni í þann hóp. Ég hef varið þann titil síðan, en ég fer út á hverju ári til að gera það. Ég þarf að fara í allskyns próf til að verja NMA titilinn. Það er mikið álag en samt alltaf gaman. Verkefnin sem við fáum eru mjög skemmtileg, til dæmis vinnum við mikið í París og einnig höfum við farið til New York. Þar vorum við að vinna við að ráðleggja konum hvað hentar þeim í snyrtivörum í öllum stærstu búðunum, eins og Bloomingdales. Konur voru búnar að panta með margra mánaða fyrirvara og borga til þess að hitta national make-up artists. Þetta var algert æði. Ég fékk þrjá aðstoðarmenn og þetta er lífsreynsla sem ég gleymi aldrei, að vera drottning í einn dag. Annars er starfið mitt mjög fjölbreytilegt og skemmtilegt. Ég sé um allar farðanir sem koma frá Lancôme sem eru í blöðunum, skrifa greinar um farðanir og ráðlegg konum í ýmsum snyrtivörubúðum.

Kristjana var í forsíðuviðtali á Vikunni fyrir ári síðan þar sem hún sagði meðal annars frá skemmtilegum sögum tengdum starfi hennar sem National Makeup Artist fyrir Lancome.

Hvar lærðiru förðun?

Árið 1996 í Make-up forever

Hversu lengi hefuru starfað í förðunarbransanum á Íslandi?

Ég hef unnið í þessum skemmtilega bransa í 16 ár, og hef algerlega fundið mig í honum.

Er eitthvað förðunarverkefni sem stendur uppúr á ferlinum?

Þau eru mörg, til dæmis New York ferðin. Ég hef haft þann heiður að hitta rosalega margar stórkostlegar konur á mínum ferli. Til dæmis fékk ég það tækifæri  að farða Yoko Ono og Elettra Wiedemann dóttir Isabellu Rossellini.

Kristjana sá um förðun fyrir forsíðumyndatöku nýjasta tölublaðs Nýs Lífs ásamt því að farða fyrir tískuþátt inní blaðinu – að sjálsögðu með vörum frá Lancome.

Hvaða fimm snyrti- eða förðunarvörur eru ómissandi í þinni snyrtibuddu?

Clarisonic, nýja undratækið mitt sem ég get ekki verið án. Visionnaire droparnir. Bon-Bon nýja ilmvatnið mitt frá Victor og Rolf. Miracle farðinn gefur húðinni minni fallegann ljóma. Kiss and Blush frá YSL og nýja uppáhalds er Grandiose maskarinn frá Lancôme en hann kemur í haust.

 BonBon ilmvatnið frá Victor og Rolf er líka eitt af mínum uppáhalds – dásamlegur ilmur í æðislegri flösku! Þessi er vonandi væntanlegur í sölu á Íslandi í haust.

Hvaða förðunarverkfæri gætirðu ekki verið án?

Lancome meik burstinn minn.

Hver er uppáhalds maskarinn þinn og afhverju?

Grandiose frá Lancôme. Hann er fullkominn.is

 Það eru fleiri en Kristjana spenntar fyrir komu Grandiose maskarans frá Lancome – þar á meðal undirrituð sem getur varla beðið!

Hvað finnst þér nauðsynlegt að eiga í snyrtibuddunni fyrir sumarið?

City miracle CC kremið, sólarpúður, maskari, góð varanæring og sólavörn frá Biotherm.

Hvernig er húðumhirðu rútínan þín?

Núna er ég að nota Helenu Rubinstein Pure-Ritual froðuna í Clarisonic græjuna mína. Klára svo með Pure-Ritual andlitsvatn, Visionnaire serum og Genifique augnkremi. Hef vanið mig á frá byrjun að hugsa vel um húðina mína. Já, ég er lúxus kona og finn strax mun ef ég hugsa ekki vel um húðina.

Sammála Kristjönu – það er mjög mikilvægt að hugsa vel um húðina – ég er eins og hún að nota Clarisonic núna og þvílík snilldargræja!

Hvert sækirðu þér innblástur fyrir farðanir?

Ég elska að horfa á gamlar bíómyndir og þar hef ég oft fengið minn innblástur.

Kristjana farðaði vinkonurnar Söru og Andreu fyrir íslenska auglýsingaherferð fyrir Visionaire farðann þegar hann kom í sölu á Íslandi.

Geturðu deild með lesendum einu frábæru förðunartipsi?

Oft getur verið vandasamt að leggja eyeliner. Gott ráð er að leggja spegilinn á borðið og horfa niður með augað hálf lokað í staðin fyrir að horfa beint áfram. Þá geturu haft bæði augun opin, og sérð töluvert betur hvar eyelinerinn á að liggja. Eins geturu byrjað að móta með augnblýanti og rakið svo línuna með eyeliner.

Mér finnst sjálfri æðislegt að lesa yfir svörin hennar Kristjönu því ég heyri hana segja öll svörin. Það er ekki amalegt að fá aðstoð frá Kristjönu þegar þið verslið ykkur snyrtivörur – hennar sérsvið er að sjálfsögðu Lancome! Kristjönu finnið þið oftast í Hagkaup Kringlunni en þar fyrir utan skottast hún á milli annarra sölustaða eins og Debenhams og Hagkaup Smáralind – ég finn hana alla vega alltaf á einhverjum af þessum stöðum.

Takk fyrir „spjallið“ elsku Kristjana – panta kaffideit sem fyrst!

EH

Uppáhalds húðvörulínan mín frá Lancome er án efa Visionnaire – bláa línan! Í stuttu máli þá inniheldur línan vörur sem er ætlað að vinna á móti öldrun húðarinnar, þétta húðina, minnka sýnileika svitaholna, gefa húðinni rakamikla fyllingu. Svona húðvörulínur virka auðvitað allar best þegar þær eru notaðar í heild sinni og allar í einu. Því er tilvalið að segja ykkur frá línunni, vörunum sem fást í henni og hvað þær gera sem er svona sérstakt.

Lancome er eitt af þessum merkjum sem er leiðandi á sviði framfara í húðvöruframleiðslu – Visionnaire línan er ein af þessum leiðandi nýjungum í snyrtivörugeiranum…

Hér sjáið þið Visionnaire dropana – kremið og augnkremið…

Ég vil segja ykkur frá vörunum í réttri röð – þ.e. röðinni sem ég nota vörurnar í:

Fyrst eru það leiðréttingar droparnir sem ég nota eins og serum – s.s. á alveg hreina húð áður en ég ber krem yfir húðina. Droparnir smeygja sér lengra inní húðina en kremið kemst og því laga þeir húðina innan frá. Droparnir eru með mikilli virkni og þá má auðvitað  nota með hvaða kremi sem er eða öðrum húðvörum. Það er það mikil virkni í þeim að ég nota þá kannski ekki alveg dags daglega – kannski bara viku og viku í einu og tek svo pásu inná milli. Eins og þið sjáið eru droparnir mjög þunni og rosalega drjúgir – það þarf örlítið til að þekja alla húðina – magnið sem þið sjáið hér á handabakinu er eiginlega alveg nóg :)

Kremið finnst mér ótrúlega skemmtilegt en það er einhvern veginn gelkennt og svo létt og rakamikið og gefur húðinni svo mikla og þétta fyllingu.

Bæði kremið og serum droparnir innihalda efni sem nefnist LR2412 sem Lancome á einkarétt á. Í 12 ár unnu rannsóknarstofur Lancome með efni sem heitir Jasmonite og finnst í plöntum. Jasmonite gerir það að verkum að þegar planta skemmist framleiðir hún efnið sem hefur græðandi áhrif á plöntuna og reynir að laga hana.  Í kjölfar rannsóknanna varð til sameindin LR2412 sem vinnur eins og Jasmonite fyrir húðina – það græðir hana og lagfærir.

Aungkremið finnst mér alveg sérstaklega skemmtilegt að því leitinu til að hér er líka hugsað um hvernig er hægt að passa uppá að kremið dreifist jafnt um augnsvæðið án þess að þrýsta óþarflega mikið á húðina. Húðin í kringum augun er sérstaklega viðkvæm og hún má ekki við óþarfa erting. Hafið þið ekki örugglega heyrt um að maður eigi alltaf að nota baugfingur til að bera á augnkrem því sá fingur gefur minnstan þrýtsting. Hér er það flatur sílikon dreifari sem maður notast við til að dreifa úr kreminu. Sílikomið er ótrúlega mjúkt og dreifir auðveldlega úr kreminu sem er dáldið gelkennt og því kælir það um leið. Aungkrem dreifum við í kringum augun og munið að setja það alveg útað gagnauganu. Kremið vinnur á ójöfnum húðlit, leiðinda baugum, þrota og óvelkomnum litum í kringum augun.

Einnig er fáanlegur farði sem tilheyrir Visionnaire línunni en hann er að sjálfsögðu förðunarvara en ekki húðvara – eða hvað… mögulega er farðinn einhvers staðar þarna á milli því farðinn leytast við að laga húðina – sérstaklega áferð hennar og lit. Með daglegri notkun á farðanum segir Lancome að farðinn auki sjáanlega gæði húðarinnar dag eftir dag. Farðinn inniheldur einnig efnið LR2412 sem vinnur á ójöfnum húðlit svo sem roða og dökkum blettum, ójafnri áferð, húðholum og fínum línum.

Fyrir utan það að hafa þennan lagfæringarmátt er hér á ferðinni einn fallegasti fljótandi farðinn sem er til hér á Íslandi að mínu mati. Ég nota þennan iðulega í brúðarfarðanir ef hann hentar húð brúðarinnar og endingin bregst þeim aldrei eða áferðin sem hann gefur húðinni.

Annar kostur við farðann er að með honum fylgir vítamín auðgaður hyljari sem er á toppi farðans svo í rauninni er þetta tveir fyrir einn vara. Hyljarinn er mjög góður og hylur leiðinda lýti mjög vel. Hann er þéttur og gefur því þétta þekju þrátt fyrir það blandast hann vel saman við farða og áferðin sem húðin fær með bæði farðanum og hyljaranum er jöfn og náttúruleg. Vegna vítamínanna sem hyljarinn inniheldur vinnur hann á dökkum baugum og roða um leið og hann hylur vel svo hann hentar í raun í allt sem við viljum að hyljarinn geri eins og að fela bauga og leiðinda bólur…

Á morgun birtist á síðunni minni svo viðtal við Kristjönu Guðnýu Rúnarsdóttur sem er National Makeup Artist fyrir Lancome á Íslandi. Ein af yndislegustu konum sem ég hef nokkru sinni kynnst.

Visionnaire línan frá Lancome er alveg einstök – umbúðirnar eru gullfallegar, virknin er góð og vörurnar standa við það sem þær segjast gera. Annað sem ég kann vel að meta við þær eru hversu einfaldar þær eru bæði í virkni og útliti, hér er ekkert verið að flækja málin bara vörur sem virka.

Ég mæli með því hver og ein kona meti það útfrá sinni húð hvort vörurnar henti sér.  Línan er að sjálfsögðu ætluð húð sem er farin að sýna fyrstu öldrunareinkenni og auðvitað líka eldri húð. Ef þið eruð líka með mjög þurra húð þá geta þessar vörur hjálpað. Þær gefa nefninlega húðinni svo rakamikla fyllingu að þær virka róandi á húðina og gefa þægilega tilfinningu.

EH

p.s. eina Visionnaire varan sem vantar hér er Blur kremið sem er eiginlega fyrirmynd Garnier Blur kremsins – það er þó meira gelkennt og kannski aðeins auðveldara að dreifa úr – algjör snilldar undirstaða fyrir förðun. Þið getið séð Blur kremið HÉR og einnig lesið allt um það í leiðinni.

Vörurnar sem ég fjalla um í þessari færslu fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.

Þá er komið að einum af fáum föstum liðum á síðunni – innlitinu í snyrtbudduna mína í júlí!

1. Double Wear All-Day Glow BB Cream frá Estée Lauder 2. Double Wear Brush on Glow BB frá Estée Lauder 3. Lait-Créme Concentré frá Embryoilisse 4. Dream Touch Blush í bleiku frá Maybelline 5. Svampurinn frá Real Techniques 6. Color Show Bleached Neons í orange litnum frá Maybelline 7. Baby Lips fyrir viðkvæmar varir frá Maybelline 8. Penny Talk frá Essie 9. CC kremið frá Gosh
10. BonBon ilmvatn frá Victor og Rolf  11. Double Wear Stay in place eye brow duo frá Estée Lauder 12. Instant Light Natural Lip Perfector í lit nr. 05 frá Clarins 13. Cranberry & Poegranate Body Scrub frá Burt’s Bees 14. Rapi Dry Top Coat frá OPI
15. Le Weekend kremið úr húðtrioinu frá Chanel 16. Rich Lip Color í Miami Pink frá Bobbi Brown 17. Express Remover naglalakkahreinsisvampur frá Maybelline 18. Body Sculpter frá Biotherm 19. Oil & Tonic frá Biotherm 20. Sublime Body Royal Nutrition Extraordinary Dry Oil frá L’Oreal 21. Radiance Night Créme frá Burt’s Bees.

Eins og ég sagði frá í gær þá er að sjálfsögðu CC kremið frá Gosh á lista mánaðarins. Það og nýja ljómandi fallega BB kremið frá Estée Lauder eru nánast einu grunnförðunarvörurnar sem ég hef notað í þessum mánuði. Léttar förðunarvörur með smá SPF eru fullkominn grunnur fyrir fallegan sumarmánuð – þrátt fyrir að sólin hafi kannski ekki mikið sést þá er hún alltaf þarna á bakvið skýjin og maður þarf því að vera á varðbergi við henni.

Undir förðunarvörur hef ég ýmist notað rakakremið mitt frá Embryoilisse eða Le Weekend kremið úr húðtrioinu frá Chanel. Loksins fékk ég almennilegt tækifæri til að prófa helgarkremið þegar ég tók mér sumarfrí. En húðtrioið frá Chanel inniheldur þrjú krem – dagkrem, næturkrem og helgarkrem. Eftir miklar rannsóknir komust þeir hjá Chanel að þeirri niðurstöðu að þar sem húðin hegðar sér ekki eins eftir því í hvernig standi við erum þá eigum við ekki að vera að nota sömu kremin. Bæði kremin sem þið sjáið hér eru létt og mjög þægileg áferðar. Kremin fara hratt inní húðina og skilja eftir sig fallega áferð. Ég er svo að verða meira og meira skotin í Radiance næturkreminu frá Burt’s Bees sem er fullkomið fyrir sumarið að mínu mati.

Líkaminn var í mikli aðalhlutverki hjá mér þar sem við fjölskyldan eyddum miklum tíma í sundi eða heitum pottum í sumarbústað. Body Sculpture kremið frá Biotherm er í miklu uppáhaldi en það sléttar húðina, þéttir hana og styrkir og mýkir líka – allt í einu kremi! Húðolían frá L’Oreal er svo að koma sterk inn en hér ber að líta á eitt af aðaltrendum haustsins í snyrtivörum – olía! Það er eins og snyrtivörumerki hafi uppgötvað mátt olíunnar – en hún er ekki alslæm eins og margir halda. Ég er búin að lesa mér mikið til um lækningarmátt olíunnar fyrir húðina og ég hlakka til að deila með ykkur smá færslu um þær. Olían frá L’Oreal kemur í spreybrúsa og ég spreyja henni létt yfir líkamann og dreifi svo úr henni. Mér finnst húðin fá meiri raka og þægilegri tilfinningu þegar ég nota olíuna en venjulegt bodylotion. Eftir sund finnst mér reyndar frísklegra að nota Oil & Tonic ilminn minn frá Biotherm. Hér er olía fyrir húðina sem ég spreyja á líkamann og dreifi úr og með henni fylgir léttur og frísklegur ilmur – snilldar vara sem ég mæli með!

Verkfæri mánaðarins er svampurinn frá Real Techniques – þessi finnst mér langbestur til að bera BB og CC krem yfir húðina. Hann nota ég líka í nýja ljómapennann sem kom með nýja BB kreminu frá Estée Lauder. Ég notaði bara hann í þessum  mánuði enda er júlí sá mánuður ársins sem húðin á að fá að ljóma. Það er engin snyrtivara betri þreytubani eins og ljómapenni sem endurkastar birtu svo fallega af þeim svæðum sem dökkir litir hertaka stundum.

Ilmvatn mánaðarins er enn ófáanlegt hér á Íslandi ég lofa þó að láta vita um leið og það mætir á svæðið því það er í miklu uppáhaldi. Bon Bon ilmvatnið frá Victor og Rolf kemur ekki bara í flottustu umbúðum sem ég hef séð heldur er hér á ferðinni ilmur sem fólk stoppar mig útá götu til að spurja mig útí – það er eitt besta hrós sem ilmvatn getur fengið – að það grípi athygli fólks sem er í kringum hann.

Ég á svo ekki von á öðru en að í ágúst muni snyrtibuddan mín breytast aðeins þar sem haustið er nú framundan. Trend næstu árstíðar fara að gera vart við sig og haustlínur og haustvörur merkjanna mæta í verslanir. Það er alltaf eitthvað að frétta úr heimi snyrtivara og nóg af nýjungum til að prófa.

EH

Gæði og verð fara ekki endilega saman… – þetta hef ég oft og mörgum sinnum sagt og ég leyfi hverjum sem er að hafa þessi orð eftir mér. Þegar ég prófa nýjar snyrtivörur reyni ég eftir fremsta megni að horfa á þær með hlutlausum augum. Ég skrifa aldrei útfrá verði eða merkjum heldur eingöngu hvernig ég upplifi hverja vöru fyrir sig. Nú hugsa eflaust margar afhverju ég lofa þá allar vörur sem ég skrifa um en svarið er einfalt ég er heilluð af snyrti- og förðunarvörum og ég einmitt met hverja vöru fyrir það sem hún stendur fyrir en ekki endilega hæpið í kringum hana. Annað er að vörurnar sem ég skrifa um á síðunni minni eru allt vörur sem ég myndi sjálf mæla með og ég hef góða reynslu af – annars myndi ég ekki skrifa um hana.

Mig langaði aðeins að skrifa þessi orð hér fyrir ofan áður en ég kæmi mér að því sem ég vildi skrifa um sem er sú snyrtivara sem er ein af þeim sem hefur komið mér mest á óvart á síðustu vikum. Varan er líka það CC krem sem hefur komið mér langmest á óvart þrátt fyrir að ver mögulega ekki þetta típíska CC krem.

Gosh er danskt merki sem ég þekki ekki beint alveg út og inn. Ég hef þó á undanförnum árum kynnst því nokkuð vel. Fyrir stuttu síðan fékk ég sent sýnishorn af nýju CC kremi frá merkinu – ég var samstundis ástfangin. Umbúðirnar eru ekki beint eitthvað sem ég veit að margar myndu laðast að – kannski af því þær grípa ekki beint augað – þær falla meira bara inní. En ekki láta einfaldar umbúðir blekkja því ég hef eiginlega lært það að því einfaldari umbúðir þeim mun meiri gæði eru í innihaldi þeirra.

Í allt sumar hef ég notað fátt annað en CC krem á húðina mína. CC kremin finnast mér léttari og náttúrulegri en BB kremin sem henta að mínu mati kannski aðeins betur fyrir veturna nema þau séu sérstaklega hugsuð til sumarnotkunar (há SPF eða ljómi). CC kremið frá Gosh er ofurþunnt og það í raun myndar fallega húð yfir minni húð og fullkomnar gjörsamlega áferð húðarinnar. Mín húð er ekki búin að vera uppá sitt besta þar sem ég er að vinna í því að djúphreinsa hana vel og þá koma alls kyns óhreinindi upp. Svo síðustu vikur hefur húðin einkennst af skemmtilegum rauðum lýtum. Þegar ég er með þetta CC krem þá gleymi ég lýtunum því það er eins og þau hverfi.

Kremið er ofurþunnt og gefur fallegan ljóma (ég féll því fyrir áferðinni samstundis!). Það gefur miðlungsþekju sem er einfalt að þétta með því að setja fleiri umferðir af kreminu. Ég elska þegar grunnförðunarvörur eins og CC kremin eru létt – þau eru það nú yfirleitt öll. En það gerir það að verkum að förðunin verður mun náttúrulegri þar sem það er ekki þykkt lag af grunnfarða á húðinni. Þá gefa nefninlega förðunarvörurnar sem koma ofan á mun náttúrulegri áferð á húðina en klessast ekki til. Heildarförðunin mín er alltaf flott með þessu CC kremi.

Á myndinni sem þið sjáið hér er ég t.d. með þetta CC krem – áferðin á húðinni er nánast lýtalaus með kreminu en ég er líka með smá hyljara í kringum augu og nef eins og ég geri venjulega.

Svo eins og ég byrja þessa færslu á – gæði og verð fara ekki alltaf saman saman – þó að vara sé dýr þýðir það ekki endilega að hún sé betri en sambærilegar ódýrari vörur – yfirleitt þýðir það að ódýrari varan kemur bara í ódýrari pakkningum. Ég er samt alls ekki að segja að dýrar snyrtivörur sé verri en þær ódýrari bara að hvetja ykkur til að vera með gott bland af vörum í snyrtibuddunni :)

Gosh CC krem er krem sem ég mæli eindregið með – þetta er í uppáhaldi þessa dagana og verður það á næstunni líka. Þið sjáið þetta á topplistanum mínum fyrir júlí sem birtist nú á næstu dögum og þið munið líka sjá þá á Topp 10 CC krema listanum sem er í vinnslu – þetta verður ofarlega ;)

EH

CC kremið sem ég skrifa um hér fékk ég sent sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.

Ég er alveg sjúk í kimonoa þessa dagana ef þið hafið mögulega ekki tekið eftir því. Fataskápurinn er orðin ansi mettur af þessari tegund af flík en ég sé reyndar mikið notagildi í þeim sérstaklega á fallegum sumardegi og svo er snilld að henda einum yfir plain svartan kjól þegar ég fer út að vera menningarleg á tónleikum eða í leikhús.

Þessi fylgdi mér heim úr vikulegri heimsókn í Smáralindina á föstudaginn…

Þrátt fyrir mikinn vind á höfuðborgarsvæðinu í gær þá ákvað ég nú samt að klæða mig aðeins upp og reyna að njóta þess sem eftir er af sumrinu í nýja kimono-inum mínum.

Kimono: Vero Moda, hann er frá merkinu Only sem er eitt af undirmerkjum Vero Moda. Það er langt síðan ég hef keypt mér einhverja flík frá Only en á stuttum tíma hafa tvær flíkur bæst í fataskápinn minn frá merkinu. Þessi kimono og síður bolakjóll með marmaraprinti – hann kom mér skemmtilega á óvart en ég nældi mér í hann á enduropnun Vero Moda í Kringlunni. Kimono-inn heitir Rae og kostar 7990kr.

Bolur: Þennan fallega bol keypti ég líka á enduropnun Vero Moda – þið sjáið allt um hann HÉR. Ég á bæði svartan og hvítan og þeir eru mikið notaðir – held alveg örugglega að þeir séu uppseldir í Kringlunni en þeir voru til í Smáralind núna á föstudaginn þegar ég kíkti þar við til að kaupa kimonoinn.

Buxur: VILA – en ekki hvað! Nútt buxnasnið úr uppáhalds búðinni sem ég elska, þarf endilega að næla mér í fleiri liti af þessum elskum!

Skór: Nike Free, þið trúið því eflaust ekki en þessa fínu skó fékk ég gefins frá samstarfskonu minni sem keypti þá í USA. Henni fannst þeir svo óþægilegir (trúið þið því!) að hún gaf mér þá. Þessir eru alveg að redda mér í framkvæmdum – þægilegir skór eru möst í þannig stússi.

Á meðan pabbinn neyddist til að taka myndir af mömmunni fyrir utan Nauthól þar sem við höfðum nýlokið við að gæða okkur á dýrindis brunch hljóp sonurinn um alsæll og skemmti sér konunglega.

Vona innilega að þið séuð búnar að njóta helgarinnar ykkar og ég hlakka bara til alls sem er framundan núna eftir þessa helgi. Það er einhvern veginn eins og haustið fari af stað eftir Verslunarmannahelgi. Þannig er það alla vega hjá mér – mörg óendanlega spennandi verkefni framundan í vinnu, einkalífinu og svo er smá leyniverkefni í gangi sem tengist mínu elskulega Reykjavík  Makeup Journal – neibb það er sko ekki gleymt og langt frá því að vera hætt – bara að breytast smá :)

EH

Gullpenninnn frá Yves Saint Laurent er án efa ein þekktasta förðunarvara í heimi og ég held að þær séu fáar konurnar sem vita ekki hvaða snyrtivara þetta er og við höfum flestar líklega prófað hann.

Gullpenninn var búinn til af förðunarfræðingnum Terry de Gunzburg árið 1992. Terry gegndi þá starfi Creative Director fyrir merkið sem hún gerði í samtals 20 ár. Penninn er fyrstur sinnar tegundar í heiminum og er enn í dag sú snyrtivara sem konur tengja við merkið. Einu sinni á ári kemur út sérstök útgáfa af pennanum – í útgáfu ársins í ár er penninn þakinn upphleytptu hlébarðamunstri og flottari en nokkru sinni áður!

Gullpenninn er fyrsti ljómahyljarinn sem ég kynntist og hann var á sínum tíma ein af fyrstu snyrtivörunum sem ég keypti mér sjálf. Hyljarinn nýtir ljósendurkaststækni til að vinna á móti þreytu í húðinni og til að eyða dökkum litum og gefa húðinni ómótstæðilega glóð. Penninn er á sinn hátt fyrsti highlighterinn og uppfrá komu hans var mun einfaldara að móta andlit fyrir allar konur. Gullpenninn heitir réttu nafni Touche Éclat og hann er nú líka fáanlegur í formi farða – það er s.s. til léttur farði sem nýtist við sömu hugsun og gullpenninn.

Gullpennann hef ég skrifað um áður og bendi ykkur því á þessa færslu til að afla ykkur upplýsinga um hvernig ætti að nota hann.

„In 92’ I came up with this click pen, Touche Éclat and the term, ‘Éclat’ did not exist in vocabulary of the cosmetics industry, it was coverage, perfection, matte, sheer, iridescent, but not glow. I invented the word ‘glow’ in this industry. It sounds ridiculous but it’s true. I always believed even when I was a makeup artists that glow is much more interesting than perfection. My focus was to get the glow. Who wants to be perfect but completely flat.I prefer to pretend we have imperfection but with a natural face.“

– Terry de Gunzburg

Ég veit ekki með ykkur en það eru þessir hlutir sem heilla mig við förðunarvörur – litlu sögurnar á bakvið vörurnar. Þær ná að á einhvern hátt að tengja mig við förðunarvörurnar og búa til sterk bönd okkar á milli. Ég kýs mun frekar vöru sem ég heillast af vegna tækninnar, sögunnar og gæðanna heldur en t.d. sambærilega ódýrari vöru þar sem mér finnst söguna vanta.

Gullpenninn er nú fáanlegur í hátíðarlúkkinu á öllum sölustöðum Yves Saint Laurent á Íslandi og þetta er gripur sem á heima hjá öllum aðdándum pennans. Svo ætti maður ekki að henda þessum þó hann klárist heldur eiga hann sem minningu um einstaka förðunarvöru og svo eru umbúðirnar auðvitað annað atriði sem spilar inní það að varðveita hann.

EH

Gullpennann fékk ég sendan sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.

Heima hjá mér bíða nú tvö 30ml glös af sumarilminum í ár frá Dolce & Gabbana sem nefnist Dolce. Þau bíða þess að komast í hendur nýrra eigenda en samtals voru 78 myndir merktar með #dolcesumar – sumarlegar og skemmtilegar. Hér sjáið þið sigurmyndirnar…

Til lukku @hrafnhildurmarta og @raggabjork – sendið mér endilega póst á ernahrund(hjá)trendnet.is með upplýsingum um hvert ég má senda ilmvötnin!

Takk kærlega fyrir allir sem tóku þátt í leiknum og merktu sínar myndir með #dolcesumar – það var svo gaman að fylgjast með myndunum og ég vona að sigurvegararnir njóti nýja ilmvatnsins sem er án efa einn besti sumarilmurinn í ár!

Vona að restin af #dolcesumrinu ykkar verði frábært:)

EH

Þið sem hafið fylgst með mér lengi vitið að ég elska fátt meira en eyelinertússpenna. Ást mín á þeim er sterk vegna þess hve einfalt er að nota þá. Litaval í þessum eyelinertússum þykir mér frekar slæmt hér á Íslandi sérstaklega miðað við litaúrval sem er fáanlegt erlendis hjá merkjum eins og t.d. Stila. Aðallitirnir hér á Íslandi sem eru í boði virðast vera svartur og brúnn – athugið að ég er bara að tala um svokallaða tússpenna ekki almennt blauta eyelinera:)

Slappt litaúrval hérlendis hentar mér ekki alveg sérstaklega þegar það að vera með litaðan eyeliner hefur aldrei verið jafn vinsælt. Nýlega tókst mér þó með hjálp Silicone Eyeliner burstanum frá Real Techniques að móta spíss á eyelinerblýanta sem er auðvitað mun auðveldara að fá í öllum regnbogans litum hér á landi.

Þegar ég fékk send sýnishorn af nýjum vörum frá franska merkinu Bourjois leyndist þar á meðal litaður eyelinertúss! Ég get varla líst því hversu mikið þessi eini eyeliner gladdi mig og hlakkaði mikið til að fá að prófa hann.

Oddurinn er beinn og ávalur og töluvert ólíkur öðrum eyelinertúss sem ég hef prófað frá merkinu sem er skásettur (mjög skemmtileg vara sem ég sýndi HÉR). Annars hef ég mikið verið að nota undanfarið eyelinera frá merkinu og mér líkar mjög vel við þá alla – sérstaklega er ég hrifin af endingunni sem er frábær.

Ég ákvað í þetta sinn bara að gera einfalda augnförðun þar sem lítið annað væri í forgrunni en eyelinerinn sjálfur. Liturinn er fjólublár með hint af rauðu í og því er hann tilvalinn fyrir t.d. græn augu. Liturinn nær þó að vega jafnt á milli tónanna sem einkenna hann og því ætti hann að ganga fyrir flest augu. Mín tillaga er sú að ef þið hafið áhuga á setjið þá rönd af tester af eyelinernum á handabakið og berið upp við augun til að sjá hvernig litirnir fara saman.

Ég er persónulega mjög skotin í þessum lit en eyelinerinn sjálfur heitir Liner Feutre og liturinn heitir Noir Violine. Samkvæmt heimasíðu Bourjois er linerinn líka fáanlegur í svörtu, brúnu og grænu.

Stundum er tilvalið að kaupa sér bara skemmtilegan eyeliner í lit til að poppa uppá augnförðun. Þessi litur passar t.d. vel við alla brúntóna augnskugga – sem ég efast ekki um að margar ykkar eigi nokkra af – en hann myndi breyta samt ásýnd skugganna í kringum augun mikið.

Eyeliner er eins konar fylgihlutur fyrir augnförðun – hann er ekki nauðsynlegur en hann fullkomnar lúkkið!

Að lokum langar mig að deila með ykkur nöfnum á þeim sem ég dró út í Puma ilmvatnsgjafaleiknum…

Máney fær herrailminn og Kristín dömuilminn – endilega sendið mér póst á ernahrund(hjá)trendnet.is með upplýsingum um hvert ég má senda ilmvötnin :)

EH

Eyelinerinn sem ég skrifa hér um fékk ég sendan sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.

Um daginn mætti heim til mín flottasta naglalakk sem ég hef nokkur tíman átt – Penny Talk frá Essie. Ég er algjörlega sjúk í þetta naglalakk og ég hef fengið fullt af fyrirspurnum um það síðan ég birti nokkrar myndir af því á Facebook og Instagram – svo fyrir ykkur sem voruð forvitnar þá sjáið þið lakkið hér…

Lakkið gefur þétta metal áferð og er koparlitað – svo nú get ég verið með neglur í stíl við einn af aðaltrendlitum ársins. Lakkið er rosalega þétt og það var eiginlega nóg að setja bara eina umferð af því. Lakkið þakti allar neglurnar og liturinn svo þéttur og flottur. Ég setti reyndar tvær umferðir til að hafa lakkið enn flottara en undir setti ég base coat.

Oft með svona metal liti þá eru þeir þunnir en til að fá alveg þétta áferð á lakkið þarf að nota base coat undir þá – ég notaði nú bara base coat frá L’Oreal sem ég átti í skúffunni hjá mér og það virkaði sjúklega vel.

Penny Talk lakkið fann ég á ebay á nokkra dollara og fékk sent til Íslands. Ég er alveg sjúk í þetta naglalakk og ef ykkur langar í það setjið þá bara „essie penny talk“ inní leitargluggann á ebay og þá ættuð þið að finna það.

EH

p.s. vissuð þið að nú fást Essie naglalökkin í DutyFree á Keflavíkurflugvelli – bestu fréttir sem ég hef fengið í langan tíma!!

Í nokkra daga er ég nú búin að næstum því kaupa sætasta stafaborða ever í íslenskri vefverslun sem ég sé fyrir mér að hafa inní herberginu hans Tinna Snæs. Eina ástæðan fyrir því að ég hef ekki keypt það er mögulega sú að ég er ekki viss um að ég geti stafað allt nafnið hans með stöfunum – en kannski er það algjört rugl í mér – og kannski væri bara miklu skemmtilegra að skrifa eitthvað annað með stöfunum…

Borðann ættuð þið sem hangið jafn mikið á Pinterest og ég að vita hvernig er – hann er frá OMM Design og fæst hér á landi í versluninni petit.is.

Eftir að ég rakst á þessa mynd þar sem er auðvitað verið að vitna í einn flottasta karakter Disney – Bósa Ljósár – datt mér í hug að það gæti einmitt verið dáldið skemmtilegt að nota stafina til að stafa skemmtilegar setningar úr teiknimyndum. Mögulega breyta svo reglulega um setningar og þá verða litlar og skemmtilegar breytingar á herberginu smám saman.

En vitiði það að ég hef aldrei verið jafn ringluð á ævinni og nú um hvernig við eigum að setja upp herbergið hans Tinna Snæs. Nú er það svo raunverulegt að hann fái sitt eigið herbergi og mér finnst svo mikil pressa á mér að gera herbergið fallegt – en það hlýtur að reddast ég hef alla vega besta verkfærið – Pinterest!

Ég hef verslað föt á Tinna Snæ hjá Petit – frá merkinu Farg og Form Sweden – án efa ein bestu föt sem barnið mitt hefur átt og gæðin í efnunum eru mikil og því endast þau ótrúlega vel. Tinni Snær á skýjadress og ég veit ekki hversu oft ég hef þrifið þau og sett í þurrkara en liturinn hefur alla vega ekkert dofnað. En nú þarf ég klárlega að fara að ganga frá kaupum á þessum blessaða borða sérstaklega þegar ég hef fundið honum tilgang – kannski þó ekki fyr en við erum komin með heil gólf. En þetta er allt að koma hjá okkur og í dag voru gluggarnir pússaðir og eldhúsinnréttingin gamla er nánast komin niður. Sem mér finnst synd þar sem hún var ótrúlega skemmtileg og ég hefði viljað færa hana með eldhúsinu en það var því miður ekki í boði.

EH

p.s. fullt af innanhúshugmyndum framundan á síðunni hjá mér – ég er bara svo hugmyndasnauð þessa dagana og í stöðugri leit að innblæstri;)