Nýr kúrs hófst í skólanum í dag. Mjög spennandi!
Kennarinn er Rúna Thors en hún er nýútskrifuð frá Design Academy Eindhoven frá brautinni Man&Living. Sú braut fókusar mikið á vörur innan heimilisins og er mjög algengt að fólk útskrifist með húsgögn. Rúna tók starfsnám hjá sænsku Front Design (hestalampinn) og einnig hjá Guðrúnu Lilju í Bility.
Hér er smá brot af verkum Rúnu en hægt er að skoða meira HÉR
Tripod family stool, eru kollar sem eru eins og fjölskylda. Allir líkir en hafa þó sinn eigin karakter.
Ruffle stool er kollur sem er steyptur.
Venjulega er steypu þröngvað í mót og allt gert til að ná yfirborðinu sem sléttustu.
Hér er steypunni leyft að brjótast út úr forminu og út kom þessi skemmtilegi kollur:)
Kertaskraut/stjaki sem Rúna hannaði ásamt Guðrúnu Lilju fyrir Bility. Sem má finna inná mjög mörgum heimilum í dag:)
Mig grunar að þeir sem skoði þessa síðu mína hafi áhuga á hönnun, og því ætla ég að segja ykkur frá áfanganum og ferlinu sem við förum oft í gegnum áður en lokavaran fæðist.
Á morgun eigum við að vera búin að ákveða þorp sem við viljum vinna með næstu 5 vikurnar. Það má vera hvaða þorp sem er í heiminum en auðvitað þarf okkur að þykja það vera áhugavert.
Ég valdi þorpið Manarola og verð því að vinna með það á næstunni, hugmyndavinna, vinna með efni og módel og svo í lokin eigum við að hanna stól/koll eða bekk…
Spennó?:)
Hérna er þorpið mitt.
Skrifa Innlegg