Trendnet

Ég er alveg ótrúlega spennt fyrir þriðjudeginum – þá ætla ég í samstarfi við Maybelline hér á Íslandi að kenna förðunarnámskeið í tilefni 100 ára afmælis merkisins. Ég hef sjaldan farið leynt með hrifningu mína af merkinu en það á sinn stað í hjarta mínu þar sem ég hef mikið unnið með þessar frábæru vörur. Mér finnst því alveg sérstaklega gaman að fá að taka þátt í hátíðarhöldum ársins.

Námskeiðið fer frá í versluninni Kjólar & Konfekt á Laugavegi 92 og það er FRÍTT! Ég lofa góðum ráðum, léttum veitingum og fallegum og einföldum förðunum sem henta við hin ýmsu tækifæri.

Á myndinni hér fyrir neðan getið þið aðeins lesið ykkur meira til…

Ég ætla að sýna tvær farðanir og er svona nokkurn vegin búin að hanna þær í huganum og mig langar að segja ykkur aðeins frá þeim svo þið vitið kannski hvað þið eruð að fara útí.

Náttúrulegt og klassískt
Mig langar með þessu lúkki að kenna ykkur að gera hinn fullkomna grunn, kenna ykkur ráð um hvernig á að gera áferð húðarinnar lýtalausa, fallega og náttúrulega. Falleg dagförðun sem hentar í skóla og vinnu og er flottur grunnur fyrir meiri farðanir.

Smokey kvöldförðun
Ég ætla að sýna hvernig þið getið breytt náttúrulegu förðuninni í kvöldlúkk með mjög einföldum aðferðum. Ég ætla þá að gera smokey augnförðun með bæði púður augnskuggum og Color Tattoo krem augnskuggunum sem eru svo dásamlegir, bæta á maskarann og sýna fullkomnar Kylie Jenner varir við!

Eyeliner með spíss og bjartar varir
Ég veit nú ekki alveg hvað ég ætti að kalla þetta lúkk nema bara það sem það er. Þetta er klassískt lúkk sem hentar við fjölda mörg tilefni. Einn af mínum uppáhalds blautu eyelinerunum er Master Precise frá Maybelline og ég nota hann nánast undantekningarlaust alltaf þegar ég er að farða. Svo pörum við linerinn við flottan varalit.

Ef ykkur líst vel á þetta og eigið lausa stund á þriðjudagskvöld þá hvet ég sem flestar ykkar til að skrá ykkur sem fyrst með því að senda póst á maybelline@olgerdin.is – það komast færri að en vilja og ekki amalegt að fá frítt námskeið.

Hlakka til að sjá ykkur!

EH

Sumarlúkkið frá Lancome er sannarlega rómantískt eins og svo margt annað frá merkinu. Línan heitir Oui! og er hugsuð sem vörulína sem er fullkomin fyrir brúðir sumarsins. Línan er einföld og inniheldur nokkrar af vinsælustu vörum merkisins í fallegum blómatónum, með fallegri léttri áferð og ljómandi útkomu.

Mig langaði að sýna ykkur aðeins línuna og vörurnar sem ég fékk að prófa úr henni til að sýna ykkur…

Hér sjáið þið vörurnar sem ég fékk að prófa úr línunni, reyndar vantar hér varalitinn en hann er enn í láni hjá brúði síðustu helgi – ég notaði hann bara strax í brúðarförðun hann var svo svakalega fullkominn í það!

Ég lék mér aðeins með litina til að sýna ykkur hve falleg útkoman getur orðið að nota liti í brúðarförðunum. Ég mæli alltaf með því við mínar brúðir að skoða sem mest af myndum eins og inná Pinterest og reyna að móta sér skoðun á því hvernig þeim langar til að vera því það skiptir mestu máli að þeim líði sem allra best á daginn sjálfan. Brúnir tónar eru alltaf klassískir og passa við allt en fyrir þær sem eru litaglaðar og opnar fyrir því þá eru þetta litir sem þið ættuð kannski að skoða.

Mér finnst nellikurnar alveg fullkomnar sem brúðarblóm – elska þessi dásamlegu blóm!

Ég nota hér fjólubláa litinn aðallega, set hann yfir mitt aunglokið, nota þann grá í skyggingu og þann dekksta til að skerpa enn meira á skyggingunni og gefa augunum meiri dýpt. Ljósfjólublái liturinn fer svo innst á augnlokið og í augnkrókana og svo nota ég aftur þann grá og svarta til að setja meðfram neðri augnhárunum. Hér er lykillinn að blanda, blanda, blanda og mýkja áferð augnskuggana og gefa augunum þannig rómantíska áferð.

Vörurnar sem ég nota í förðunina og sem þið sjáið hér á myndinni…

Bridal Hypnose Palette í litnum Bouquet de Lilas – hún er einnig til í fallegum rósableikum tónum.

Blush Subtil í litnum Rose aux Joues – hann kom einnig í meiri orange tón.

Lip Love Gloss í litnum Bouquet Finale – það komu svo tveir aðrir litir sem eru meira útí bleikt.

Vernis in Love í litunum Rose Porcelaine og Lilas Twist – auk þess er einn litur í viðbót sem er svona mitt á milli þessa tveggja.

Mér hefur alltaf fundist mjög þægilegt að vinna með augnskuggana frá Lancome, bæði er auðvelt að gera djúpar farðanir með þeim og líka bara léttar – það er mjög gaman að leika sér mðe litapigmentin í augnskuggunum og það sem er alveg langbest við þá er hversu auðvelt er að vinna með þá, það er allt svo einfalt, mjúkt og auðvelt. Ég lendi alla vega aldrei í veseni með þá!

Ein af skemmtilegustu nýjungunum sem fylgir línunni er box af blot tissjúi. Það er sumsé örþunnur pappír sem dregur í sig olíu og annan raka og dregur þá úr glans í húðinni. Pappírinn kemur í fallegum umbúðum, það er ekki fyrirferðamikið svo það passar vel í litlu buddurnar sem mér finnst nú flestar brúðir alltaf vera með sér. Ég hlakka til að ná að prófa þessa vöru almennilega í brúðkaupi helgarinnar þegar mágur minn og unnusta hans ganga í hjónaband. Það eru nefninlega kannski ekki svo margar brúðir sem geta haft mikið af vörum til að laga sig yfir daginn og þá finnst mér alltaf gott að mæla með því að þær séu með eitthvað til að matta húðina og svo til að bæta á varirnar. Síðustu helgi var brúðurin mín samt svo heppin að hafa boðið mér í veisluna því áður en ég fór heim frískaði ég fullkomlega uppá lúkkið hennar svo hún myndi nú ná að vera hin fullkomna brúður langt frameftir kvöldi ;)

Sannarlega falleg og skemmtileg lína frá merkinu sem mér finnst dáldið hið fullkomna brúðarförðunarmerki. Sanseringin í augnskuggunum gefur augunum svo fallegan glans og endukastar birtu frá sér svo umgjörð augnanna ljómar enn meira á þessum merka degi. Þó línan sé að sjálfsögðu svona innblásin af brúðum og brúðkaupum má auðvitað taka pælinguna lengra því hún er líka flott fyrir alla gesti í brúðkaupum já eða bara skemmtilegum afmælum í sumar.

Mér er búið að finnast svo ótrúlega gaman uppá síðkastið að nýta náttúrulegu birtuna fyrir framan húsið okkar til að taka myndir af förðununum mínum og vörunum. Mér finnst ég bara loksins búin að finna hina fullkomnu birtu til að fanga vörurnar alveg fullkomlega til að sýna ykkur. Þó sólin geti reyndar verið alveg sérstaklega sterk af og til svo ég er með pýrð augu á þónokkrum myndum sem voru síðan eyddar út. En ég reyni nú að kvarta ekki það er sannarlega gleðiefni að fá þessa fallegu gulu til að skína svo skært hér hjá okkur.

EH

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Mig langar að segja ykkur frá ofboðslega fallegri nýjung frá merkinu YSL. Varan er sannkölluð nýjung en hér er á ferðinni kremkennt sólarpúður með mattandi blur áferð sem jafnar áferð húðarinnar, fyllir uppí ójöfnur og mattar yfirborð hennar.

Varan heitir Les Shariennes og formúlan er þétt hún er hrein þ.e. ekkert glimmer og engin sansering – bara heilbrigður litur og falleg áferð. Formúlan gefur virkilega fallegan og náttúrulegan lit sem gefur húðinni mjög sannfærandi sólarkysstan lit.

Liturinn á vörunni finnst mér virkilega fallegur og náttúrulegur en eins og þið sjáið þá hæfir hann svakalega vel freknunum mínum sem er svona það eina sem ég hef að sýna eftir Hollands ferðina. Ég dýrka þessar freknur mér finnst þær alltaf vera merki um hraustleika – veit ekki hvað það er:)

Les Shariennes frá YSL í lit nr. 3

Formúla litarins er kremkennd og virkilega áferðafalleg og þétt. Það er auðvelt að vinna með vöruna hvort sem það er gert með svampi eða púðurbursta. Einn helsti kosturinn við að nota formúlu með kremkenndri áferð er möguleikinn á því að ná að blanda því vel saman við restina af grunninum sem skilar sér í mun náttúrulegri áferð á húðinni, skyggingin blandast svo vel inní mótun andlitsins.

Litinn nota ég hér á hinn hefðbundna máta, til að búa til skugga í andlitinu og móta það. Ég set það undir kinnbeinin, meðfram kjálkanum og meðfram hárlínunni. Það eru svona þessir klassísku staðir og vegna áferðar litarins verður skyggingin miklu jafnari og náttúrulegri. En vegna kremkenndu áferðarinnar er varan líka fullkomin til að gefa öllu andlitinu sólkyssta áferð, þá myndi ég bera það yfir allt andlitið en leggja áherslu á þau svæði sem standa fram. Það væri þá ofan á kinnbeinin, meðfram nefinu, á mitt ennið og á hökuna – þau svæði sem fanga fyrst lit frá sólinni. En þá er lykilatriði að vera með jafna áferð og vinna litinn vel, blanda blanda blanda. Þá er best að nota hringlaga hreyfingar og passa að má út öll skil á milli lita.

Með þannig notkun kæmi blur áferðin líka sterk inn því áferð húðarinnar yrði jafnari og það væri einnig flott fyrir þær sem eru með húð sem á til að glansa mikið því blurið mattar hana að sjálfsögðu.

Liturinn kemur í fallegum flauelsumbúðum eins og vaninn er hjá merkinu og með því fylgir tvöfaldur bursti sem er púðurbursti öðrum megin og svampur hinum megin. Í raun ætti að vera best að bera litinn á með svampinum til að fá algjöran þéttleika á áferð litarins og blanda honum svo með burstanum með léttum strokum – þannig gerði ég þetta á myndunum sem þið sjáið en ég hef líka notað bara stóran púðurbursta í litinn og það kemur alveg jafn vel út.

Þetta er virkilega falleg vara og frábær viðbót inní merkið sem styrkir sig sífellt betur með nýjungum og hefur að mínu mati náð að koma sér vel fyrir á svona fashion markaði förðunarvara með nýjungum, litum, áherslum og auglýsingum. Hér er á ferðinni vara sem að mínu mati myndi henta fullkomlega fyrir myndatökur, tískusýningar og hina almennu konu – því náttúrulegra því betra, alla vega að mínu mati :)

EH

Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Það kemur kannski engum á óvart að ég er löngu hætt að passa í allt sem kallast buxur… eða ég get alla vega hvorki hneppt þeim né rennt þeim upp nema góð teygja sé í strengnum. Þessa dagana geng ég því mest um í leggings og sokkabuxum sem getur verið smá þreytandi… já svona af og til alla vega.

Ég varð því alsæl þegar ég rak augun í mynd af fallegum buxum í albúmi hjá VILA inná Facebook í síðustu viku sem innihélt myndir af sendingu vikunnar, þar voru nefninlega buxur sem virtust vera með teygju í mittið, virtust vera úr mjúku teygjanlegu efni og útvíðar svo þær virtust ekki vera eins og leggings – SCORE!

Ég plataði hana Rut vinkonu mína, verslunarstjóra VILA í Smáralind, til að kippa frá fyrir mig buxum í stærð Medium – já ég ætlaði sko ekki að taka þær stærri – nei takk. Ég fór svo og splæsti í þær á föstudaginn, eftir að ég kom heim af spítalanum, ég veit ég er ekki venjuleg að fara í Smáralind eftir spítalavist en ég var aðeins að dekra við soninn sem langaði ekkert meira en að fara á Te & Kaffi í Smáralind… Hann kann sko að segja Smáralind, ég efast um að það séu mörg önnur 2 ára börn með þá kunnáttu.

Buxur: VILA
Bolur: Vero Moda
Peysa: Vero Moda
Hálsmen: Vero Moda
Naglalakk: Suite Retreat úr Resort línu Essie (fæst ekki á Íslandi)
Skór: Camilla Pihl fyrir Bianco

Buxurnar eru alveg sjúklega þægilegar og ég mæli eindregið með þeim. Útvíða buxnatrendið hefur mér alltaf fundist lúmskt skemmtilegt og ég trúi því að það muni koma sterkt inn núna í haust og vetur. Svona bóhem fílingur hefur verið svo áberandi. Þá er must að eiga einar góðar svartar og ekki skemmir fyrir að þær séu með teygju í mittið. Þessar á ég eftir að nota mikið núna það sem eftir er meðgöngunnar og svo að sjálfsögðu eftir hana. Held það verði t.d. flott að vera í blússum við þessar buxur og jafnvel vesti yfir.

Mæli með þessum hvort sem þið eruð með kúlu eða ekki – útvítt er lúmskt flott – ég er að segja ykkur það! ;)

EH

Í dag hefst sumargleði hjá einu vinsælasta snyrtivörumerki hér á Íslandi – Sensai. Vörurnar eru gríðarlega vinsælar og það kom mér skemmtilega á óvart. Mér þykir merkið alltaf leggja áherslu á að vera með góðar vörur sem fara vel með húðina og leggja dáldið uppúr því að vera með skincare vörur hvort sem það er þá í hópi snyrtivaranna eða förðunarvaranna – allar vörurnar næra húðina og styrkja hana hver sem annar tilgangur þeirra er um leið.

En á sumargleðinni verða nokkrar af vörum merkisins og þó nokkuð margar vörur sem ég veit að eru ómissandi í snyrtibuddur margra í kringum mín á 20% afslætti – ég segi aðeins betur frá þeim hér fyrir neðan.

Hér sjáið þið vörurnar sem verða á afslætti þetta eru þá 5 vinsælustu vörurnar eða vöruflokkarnir hjá merkinu hér á Íslandi…

Sensai Bronzing Gel – ætli gelið sé ekki ein allra vinsælasta varan hjá merkinu alla vega kæmi annað mér mikið á óvart. Gelið er fullkomið til að fríska uppá húðina og gefa henni fallegan og náttúrulegan ljóma. Gelið finnst mér best að nota með léttum farða bursta eins og duo fibre bursta og setja það á hreina, rakanærða húð og sleppa þá farða, eða yfir farða þá sem svona ljómaauka.

Sensai Mascara 38°, allir maskararnir – maskararnir frá merkinu eru líka meðal þekktustu möskurum í heimi, það vita allir hvaða maskara er verið að tala um þegar talað er um 38°maskarana… ;) Kosturinn við þá í sumar er auðvitað að þeir eru smitheldir en ekki beint vatnsheldir því þeir fara bara með 38°heitu vatni, svo þið ættuð að vera góðar á sundlaugabakkanum á Spáni með þessa. Það eru til nokkrar týpur af honum og allir eru þeir á afslætti þessa daga.

Sensai Eyebrow Pencil, blýantur og fyllingar – frá því ég man eftir mér er þetta ein af þessum vörum sem ég man hvað best eftir. Þetta er augabrúnaliturinn sem amma mín notar og hefur notað frá því ég man eftir mér – það hlýtur svo sannarlega að þýða eitthvað og segir til um gæði. Kosturinn við þessa litir er líka sá að það er hægt að kaupa fyllingar í græjuna, ég held einmitt að amma sé enn með umbúðir merktar Kanebo utan um sínar fyllingar :) Liturinn er virkilega fallegur, áferðin er náttúruleg og svona ekta ef svo má að orði komast.

Sensai farðar, allar tegundir – ég verð því miður að viðurkenna að ég hef ekki prófað neinn farða frá merkinu, að minnsta kosti ekki almennilega en ég veit þó að úrvalið er gott og ég hlakka bara til að fá tækifæri til að kynnast þeim frekar. Allir farðarnir eru á afslætti næstu daga.

Bronzing Powder – það er ómissandi að eiga fallegt sólarpúður í snyrtibuddunni á sumrin, ég á nýjasta sólarpúðrið frá merkinu og það er með virkilega fallegri og léttri glimmer áferð sem er svo falleg í sólarljósi. Sólarpúður má auðvitað nota á nokkra vegu, sjálf nota ég það helst í skyggingar og til að gefa húðinni smá svona gervi sólarkysstan lit, en þá set ég það á þau svæði húðarinnar sem standa fram en það eru auðvitað svæðin sem fá fyrst lit í sólinni – svo liturinn verður aðeins meira trúverðugur en þegar hann er settur yfir allt andlitið.

Þetta eru allt mjög sumarlegar og fallegar vörur sem gefa húðinni sólkyssta áferð og draga fram það náttúrulega í húðinni sem er alltaf mikill kostur. Ég hef ekki enn náð að prófa alveg allar vörurnar en flestar hef ég þó prófað þó það sé kominn smá tími síðan síðast – held ég hafi síðast verið með 38°maskara þegar merkið hét ennþá Kanebo :)

Það er um að gera að næla sér í glæsilegar vörur fyrir sumarið á þessum góða afslætti 20% er virkilega góður afsláttur og hann gildir á öllum sölustöðum merkisins frá deginum í dag – 25. júní og til 1. júlí.

EH

Engin greiðsla var þegin fyrir færsluna, ég skrifa alltaf það sem mér finnst og um það sem mig langar að skrifa – því getið þið alltaf treyst***

Ég var búin að sýna ykkur hárið sem ég setti upp fyrir brúðkaup síðustu helgi en nú er komið að förðuninni. Eins og svo oft áður þá stökk ég beint í lúkkið sem mér líður alltaf best með – brún smoky augnförðun. Tíminn var reyndar líka tæpur og þetta er svona lúkk sem ég kann utanað. Ég breytti þó aðeins til frá mínum venjulegu vörum og ákvað að nota eina af nýjustu pallettunum í snyrtiborðinu – palletta sem mér finnst fullkomin og algjör skyldueign og ég er virkilega ánægð með allt við hana.

Hér sjáið þið lúkkið – ekki láta ykkur bregða þó brúðarförðun minnar sjálfrar verði svipuð þessari svona líður mér best og svona líður mér eins og ég sé ég sjálf. Það er það sem brúðir þurfa að hafa í huga þegar þær ákveða förðunina sína – það segi ég alla vega alltaf við mínar :)

Þegar ég er að gera svona mjúka augnförðun finnst mér lykilatriði að blanda öllu svakalega vel saman en þá verður áferðin í kringum augun miklu mýkri og fallegri. Passið að þegar smoky förðun er gerð þá á liturinn að vera þéttastur uppvið augnhárin og deyja svo smám saman út. Til að fullkomna enda förðunarinnar er best að nota mjög ljósan lit t.d. mattan ljósan lit og nudda honum yfir útlínur augnskuggans til að búa til áferðina eftir á.

Ég kiknaði smá í hnjánum þegar ég leit fyrst augum á þessa dýrðlegu pallettu. Ég er mikil Dior kelling, ég heillast auðveldlega af vörunum frá merkinu og ég er sérstaklega hrifin af nýju augnskuggaformúlunni sem var kynnt á síðasta ári. Augnskuggarnir eru léttir en þekja vel, eru með góðum pigmentum – en ekki of sterkum þannig það sé vesen að blanda þeim og mýkja. Litirnir í þessari pallettu eru alveg svakalega eigulegir og þetta er svona palletta sem mér finnst að allar konur þurfi að eiga því svona basic litir passa með öllu og fyrir alla.

Í pallettunni eru 5 litir og einn eyeliner. Ég nota bara pallettuna á augun, eyelinerinn setti ég í kringum augun og mýkti hann með því að smudge-a hann til með fíngerðum pensli.

Ég nota alla litina í pallettunni í augnförðunina. Dekksti liturinn gefur henni dýpt, Miðju liturinn er með létt sanseraðri áferð sem gefur augunum fallegan ljóma og ljósasta litinn nota ég til að mýkja útlínurnar. Svo blanda ég hinum tveim líka smekklega saman við restina.

Það er svona hint af fjólubláum tón í sumum augnskuggunum sem gefur smá kalda áferð á augnförðunina – mér finnst það aldrei verra eins og þið hafið kannski heyrt mig tala um.

Hálsfestarnar eru frá MOA í Smáralind :)

Ég er búin að vera að nota þessa mikið í farðanir uppá síðkastið og sérstaklega í brúðarfarðanir – hún leikur t.d. lykilhlutverk í brúðarförðun helgarinnar sem er framundan. Ég hlakka mikið til það er svo gaman að nota vörur sem eru gæðamiklar og maður þarf ekki að hafa mikið fyrir því að gera fallegar farðanir með þeim.

Pallettan kom fyrst sem hluti af sumarlúkki Dior en verður í föstu úrvali frá og með haustinu sem eru góðar fréttir fyrir Fior aðdáendur eins og mig.

EH

Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Ég átti eitthvað voða erfiðan morgun í dag, ég er ennþá smá slöpp og morguninn byrjaði á stórskemmtilegum magaverkjum og krömpum sem eru búnir að vera að hrjá mig síðustu daga og eru ástæða þess að ég lagðist inná spítala í síðustu viku. En þegar leið á morguninn var ég aðeins farin að hressast og ákvað að halda út í smá leiðangur í blómaheildsöluna Samasem þar sem ég fer stundum og gleð mig og heimilið með fallegum blómum. Í kjölfarið skrapp ég svo á pósthúsið að sækja nokkra pakka sem biðu mín þar og glöddu mig smá á þessum annars fallega degi. Mig langaði aðeins að sýna ykkur það sem kom með mér heim…

Nellikur eru einhver þau allra fallegustu blóm sem ég veit um – það eru samt ekkert held ég margir á þeirri skoðun sem mér finnst alltaf stórskrítið. En Charlotte lýsti t.d. vanþóknun sinni á karlmanni sem gaf henni Nellikur fyrir stefnumót í þáttunum Sex and the City – enda er hún alveg stórfurðuleg! ;)

Kosturinn við þessu blóm finnst mér vera endingin á þeim, þau eru alltaf útsprungin og stórkostlega falleg og þau eru fáanleg allt árið um kring.

Á pósthúsinu biðu mín svo tvær Maybelline augnskuggapallettur – The Nudes hefur verið til úti í smá tíma nú þegar og er að berast yfir hafið núna til Evrópu á þessu ári svo hún ætti að láta sjá sig í lok ársins á Íslandi – jafnvel fyr. The Blushed Nudes er svo sú nýjasta og líka væntanleg til Evrópu. Ég er aðeins búin að pota og þær eru báðar alveg æðislegar og pigmentin eru til fyrirmyndar – kann að meta svona!

Svo var það Resort lína ársins frá Essie ég á svo bágt með að neyta mér um falleg Essie lökk – hafið þið tekið því. Resort línan kemur ekki til Íslands og ekki sumarlínan en við munum líklega fá haustlúkkið sem er væntanlegt í lok sumars. Ég er búin að sjá það á mynd en ég hlakka til að prófa litina sjálf – þeir eru smá svona öðruvísi en ég hef samt ágæta tilfinningu fyrir þeim.

Ég ætla að setja á mig þennan fjólubláa í kvöld – það er liturinn sem ég heillaðist strax af þegar ég sá þessi fallegu lökk þessi litur heitir Suite Retreat.

Það er nú meira hvað falleg blóm og nýjar snyrtivörur geta glatt mann á erfiðum degi – ég er alla vega voða glöð með hvað rættist úr deginum.

EH

Við fórum í brúðkaup um síðustu helgi og aldrei þessi vant dró ég fram sléttujárnið – eitthvað sem ég hef ekki gert að mér finnst í áraraðir! En mér fannst það samt mjög gaman að breyta svona aðeins frá því að vera úfin með krullurnar mínar. Mér fannst samt eitthvað vanta svo ég ákvað að skella nokkrum spennum í hárið bæði til að halda því aðeins frá andlitinu og til að koma í veg fyrir að ég myndi setja það í snúð uppá haus sem er eitthvað sem ég geri í tíma og ótíma þegar ég er ekki með neitt í hárinu.

Ég greip í nokkrar ömmuspennur í skúffunni – eitthvað sem við eigum allar alltaf nóg af. Skellti þeim í hárið og ákvað að leyfa þeim bara að sjást – smá svona 90’s fílingur finnst mér og kom bara virkilega vel út.

Skemmtileg hugmynd fyrir ykkur sem langar stundum aðeins að gera eitthvað annað bæði með hárið og með ömmu spennurnar!

Ég kaupi mínar spennur frá merkinu Pieces sem fást í Vero Moda – fást í þremur litum svona gylltar, brúnar eins og ég er með og svartar og þær eru bara virkilega fínar :)

EH

Á fallegum sumardegi nýtti ég tækifærið og prófaði glænýjan farða frá einu af mínum uppáhalds ódýrari merkjum. Farðinn kom mér virkilega skemmtilega á óvart og persónulega heillaðist ég alveg af húðinni minni þegar ég skoðaði myndirnar sem ég tók útí garði hjá okkur á þessum yndislega degi!

Farðinn er frá GOSH og hann sést varla, hann leggst ofan á húðina og verður dáldið eins og önnur húð – second skin. Farðinn er því fullkominn fyrir sumarið því hann gerir áferð húðarinnar svo ótrúlega fallega og náttúrulega og það má því segja að hann sé nánast ósýnilegur – það er eiginleiki sem mér þykir aldrei slæmur.

Foundation Drops SPF10 frá GOSH – ég er með lit nr. 002

Formúla farðans og áferðin lýkist helst þeim sem mörg merki hafa verið að senda frá sér núna síðasta árið. Ég fæ svo sem aldrei nóg af fljótandi förðum þar sem ég nota þá nánast eingöngu. Mér þykir alltaf auðveldara að stjórna áferð og magni á húðinni þegar ég nota þá tegund af förðum. Þessi farði er rakamikill og gefur mjúka og fallega áferð og miðlungsþekju sem ég get tekið undir með Gosh. Farðinn finnst mér líka gefa húðinni jafnari húðlit og aukinn ljóma. Ég nota sjálf ekkert púður með farðanum á myndunum sem þið sjáið í þessari færslu og mér þykir hún bara vera með heilbrigðan ljóma.

Formúlan inniheldur Argan sem gefur raka og mýkt. Antiderm sem er náttúrulegt efni sem verndar húðina gegn áreiti, það dregur úr klára, pirring, roða, bólgum og dregur um leið úr einkennum öldrunar í húðinni. Svo er það Velvisil DM Silicone sem tryggir tært flæði farðans og gefur þessa fallegu og silkimjúku áferð.

Niðurstaðan er sú að hér er á ferðinni stórglæsilegur farði sem gerir húðina heldur betur fallegri. Ég bætti svo við smá hyljara í kringum augu og nef, setti smá sólarpúður undir kinnbeinin, smá litur í kinnarnar, maskara á augnhárin og gloss á varirnar (meira um hann síðar). Farðinn er fisléttur og ég finn ekki fyrir honum allan daginn, áferðin endist vel og mér fannst hann ekki dofna né breytast yfir daginn sem vill stundum gerast fyrir okkur sem erum með þurra húð.

Þessi er glæsilegur fyrir sumarið og fæst í stöndum Gosh í 5 litatónum. Fyrir áhugasamar þá er þessi farði án ilm- og paraben efna. Það er gott að hafa einnig í huga að hrista hann sérstaklega vel fyrir notkun því þessir léttu farðar eiga það til að skilja sig í flöskunni.

EH

Varan sem ég skrifa um hér fékk ég senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Ég er óttalegur kjáni stundum og fólk getur alveg ranghvolft augunum þegar ég fer að ræða um ilmvötn. En ef það eru einhverjar vörur í snyrtivöruheiminum sem vekja hjá mér gæsahúð þá eru það ilmvötn og þá sérstaklega þessi sögufrægu sem hafa tekið þátt í því að móta heim ilmvatna og veita ilmvatnsgerðarmönnum um allan heim innblástur í sínu starfi.

Síðustu ár hef ég byrjað að safna sögufrægum ilmvatnsglösum sem ég nýti meira sem skraut fyrir heimilið en beint kannski sem ilmvötnin mín þó mér finnist líka gaman að nota þau af og til – þegar ég er í þannig fíling.

Mig langaði að deila með ykkur tveimur sérstaklega frægum…

Hér sjáið þið tvö af mínum allra uppáhalds glösum – bæði frá Chanel og þau standa hlið við hlið uppí hillu með kössunum og poka frá þessu sögufræga merki. Ilmirnir tveir eru meðal þeirra þekktustu um heim allan og annar þeirra hefur veitt ilmvatnsgerðarmönnum innblástur í fleiri áratugi!

Coco Mademoiselle

Þessi er algjörlega æðislegur, ilmurinn sjálfur heillar mig uppúr skónnum en Coco Mademoiselle er einn af vinsælustu ilmunum frá Chanel hér á Íslandi. Nýlega var einmitt auglýsingaherferð hér á Íslandi fyrir ilminn m.a. á strætóskýlum – ég veit ekki hvað það er en ég elska að sjá svona flottar tísku auglýsingar á strætóskýlunum okkar. Það er Keira Knightley sem er andlit ilmsins en hún er í mínum huga og margra annarra hin einstaka Coco Mademoiselle.

Ilmurinn kom fyrst á markaðinn árið 2001 og er hannaður af Jacques Polge sem hefur unnið fyrir merkið frá árinu 1978. Ilmurinn er allt öðruvísi en t.d. sá klassíski N°5 og sjálf er ég hrifnari af þessum en þetta er virkilega ljúfur blómailmur sem einkennist af Jasmín og Maí Rós og ilmirnir af þeim blómm verða ríkari með Florentine Iris.

Chanel N°5 eau premiére

Hér er auðvitað um að ræða eitt allra frægasta ilmvatn í heiminum. Mörgum þykir þessi ilmur of þungur og of gamaldags – mér finnst hann einstakur, yndislegur og alveg fullkominn. Þegar ég finn þefinn af honum sé ég Coco sjálfa fyrir mér að starfa með ilmvatnsgerðarmanni sínum að velja á milli hugmynda hans og velja að lokum sýnishorn nr. 5. Þetta er reyndar ekki klassíska útgáfan sjálf heldur Eau Premiére útgáfan sem kom út árið 2007 sem á að vera nýstárlegri útgáfa af ilminum upphaflega. Ilmirnir eru alls ekki ólíkir – eau Premiére heldur í allt það einstaka frá þeim upphaflega og fyrir stuttu kom hann í glasi þar sem búið var að breyta því aðeins svo það yrði líkara því upprunalega. Glasið var öðruvísi og fimman var ekki sýnileg. Mér finnst persónulega þetta miklu flottara. Andlit Chanel no°5 er Gisele Bundchen.

Ilmurinn er sem áður segir eins uppbyggður og sá upprunalegri, nema hann er léttari, ljúfari og mýkri og ef til vill hentar hann betur til daglegrar notkunar en sá allra fyrsti.

Mig vantar samt alveg svakalega glas af Chanel no°5 eau de Parfum – þeim allra fyrsta – safnið verður aldrei fullkomnað án hans :)

EH

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit.