Trendnet

Á fallegum degi sem þessum er tilvalið að taka sér smá part af deginum og hugsa tilbaka og þakka fyrir allt sem ég hef fengið að upplifa í tengslum við þessa yndislegu síðu mína. Í 5 ár hefur Reykjavík Fashion Journal leikið stórt hlutverk í mínu daglega lífi. Að vera með blogg hefur skapað mér mörg af stærstu tækifærunum sem ég hef fengið, ég hef fengið að kynnast fullt af yndislegu fólki sem ég er svo heppin að geta kallað vini mína. En nú er kominn tími á að feta nýjar slóðir, grípa ný tækifæri og setja sér ný markmið, nú er kominn tími til að kveðja. Ég kveð í þetta sinn og segi sjáumst síðar.

Fyrir stuttu tók ég við nýju starfi, ég þrái stöðugleika fyrir mig og strákana mína og bara það eitt að komast í frí endrum og eins. Í nýju starfi langar mig að gera svo margt og mér þykir mikilvægt að fá ákveðið svigrúm til að takast á við ný markmið og skapa mér ný tækifæri og þess vegna hef ég tekið þessa ákvörðun.

Að fá að hafa verið partur af Trendnet er mikill heiður og ég mun ætíð líta til baka full af ást og kærleik í garð þessa frábæra fólks sem hefur skrifað á síðuna með mér. Að fá að kynnast öllu þessu fólki hefur verið sannur heiður, ég dýrka þau öll og öll höfum við gengið saman í gegnum svo marg og alltaf styrkist vináttan með hverju árinu sem líður. Ég mun líklega sakna þess mest að hitta þessa vini mína og styrkja vináttuna okkar enn frekar.  Þau hafa kennt mér svo marg og ég vona að ég skilji eitthvað eftir mig líka hjá þeim, við höfum hlegið og átt endalaust af góðum stundum saman og ég mun sakna þess að vera svona stór partur af þeirra líif.

Ljósmyndari: Íris Dögg

Mest af öllu mun ég þó sakna ykkar, ykkar allra sem taka part úr deginum til að kíkja hingað inn í heimsókn, til að lesa orðin mín, til að senda mér kveðjur, til að hrósa mér, leiðrétta stafsetningarvillur og gleðjast með mér yfir litlu sigrunum í lífinu. Ég get ekki með nokkru móti líst þakklæti mínu í ykkar garð, ef ég myndi reyna það myndu tárin eflaust fara að flæða niður með andlitinu. Ég held líka bara að ég búi ekki yfir nógu góðum orðaforða til að lýsa þakklæti mínu og tilfinningunum í ykkar garð – án ykkar hefði þetta aldrei verið svona skemmtilegt.

Ég ætlaði alltaf að blogga þangað til mér þætti það ekki gaman lengur, að mér myndi finnast það lýjandi og þreytandi. Eitt það skemmtilegasta sem ég geri í dag er að blogga, ég elska að blogga, ég dýrka bloggið mitt og það færir mér ómælda gleði á hverjum degi. Ég er svo heppin að ég fæ að hætta þegar mér finnst þetta svo ótrúlega skemmtilegt, ég vil meina að ég sé að hætta á hápunkti ferilsins míns en nú er komin tími á nýtt. Hver veit nema Reykjavík Makeup Journal og Reykjavík Fashion Journal skjóti upp hausnum síðar – ég held því opnu að sjálfsögðu þó það verði ekki á næstunni.

Ég er búin að leyfa lesendum að vera fluga á vegg í lífi mínu undanfarin ár en nú er ég tilbúin til að hverfa í smástund, ætli það hafi ekki verið erfiðast að vera viðfangsefni í neikvæðum samtölum á milli fólks, það gat sært. Ég veit svo sem að ég hef gefið ágætis færi á sjálfri mér en ég vil meina að ég hafi alltaf komið hreint fram og reynt að hafa hreinskilni og einlægni að leiðarljósi. Ég hef lært svo margt á þessum síðustu árum og lærdómurinn sem ég dreg einna helst af undanförnum árum er að bera virðingu fyrir öllum sem í kringum mig eru. Ég ákvað snemma á bloggferlinum að lista niður mín gildi og setja mér ákveðnar siðareglur og ég get stolt sagt að ég hef aldrei brotið þær og alltaf verið samkvæm sjálfri mér. Ég sá alltaf fyrir mér að ég gæti mögulega nýtt bloggið mitt til að koma mikilvægum skilaboðum á framfæri og ég er mjög stolt af því og vona að ég hafi skilið eitthvað eftir mig með færslunum um fyrirmyndir, fæðingarþunglyndi, fósturlát, slitför og líkamsvirðingu, ef það tókst mun ég skilja mjög sátt við mitt.

Eitt að lokum, eitt svona síðasta ráðið frá mér – ráð sem ég gef reglulega því það nýtist mér á hverjum degi. Hrósið á hverjum degi, hvort sem það er að hrósa ykkur sjálfum eða fólkinu í kringum ykkur. Hrós færa lífinu svo mikla gleði, kærleik og ást – nýtið ykkur þau til að gera lífið og hvern dag betri.

Mig langar að segja takk fyrir mig, takk fyrir allt þessi síðustu 5 ár þið og ykkar þáttaka í þessu ævintýri mínu er mér ómetanleg***

Ykkar einlæg – alltaf,

Erna Hrund Hermannsdóttir
Reykjavík Fashion Journal
Reykjavík Makeup Journal

Skónna fengum við Tinni að gjöf, færslan er skrifuð af einlægni og hreinskilni eins og allt annað sem ég skrifa.

Við Tinni fórum saman í skóleiðangur um daginn, tilefnið var opnun nýrrar skóverslunar í Kringlunni, Skechers og í fyrsta sinn fékk Tinni Snær alveg sjálfur að velja sína eigin skó. Það sem hann var lukkulegur með þessa áskorun og mamman fylgdist með og í alvöru þá ljómaði barnið! Það eru virkilega flottir barnaskór fáanlegir í versluninni en það sem minn maður var spenntastur fyrir voru þeir sem voru með ljósum. Saman náðum við að velja tvö pör sem okkur leist vel á og svo var það alfarið í hans höndum að velja á milli.

Videoið hér fyrir neðan segir allt sem segja þarf um tilfinningar Tinna Snæs til skónna og þessarar búðarferðar – hann var í skýjunum!

Svona var hann – hann hljóp um allt alsæll og svo ánægður með skóbúnaðinn sem hann hefur ekki viljað fara úr síðan þá og fyrstu nóttina átti ég allt eins von á að hann myndi biðja um að fá að sofa í þeim. Þetta eru alveg svakalegir blikkskór. Þetta er ekkert eins og þeir sem voru til þegar ég var lítil það er bókstaflega diskótek undir sólunum á skónnum – okkur finnst þetta báðum æði!

Það er svo hægt að slökkva á ljósunum en mér þykir ólíklegt að það verði nokkurn tíman gert. Okkur mömmunum þykir ómetanlegt að sjá þegar börnin okkar eru brosandi og hamingjusöm og það sem þessir gera fyrir svipinn á mínum dreng er hrikalega krúttlegt.

Sonur minn labbar ekki í skónnum sínum hann hoppar og skoppar!

Í skónnum er Memory Foam, sem er þéttur svampur ef svo má kalla sem aðlagar sig að fætinum og veitir þannig góðan stuðning. Mér finnst þetta sjálfri mjög þægilegt og hef aðeins verið að prófa skónna sem ég valdi mér. Því miður er ekki mikið tækifæri til þess þar sem veðrið er ekki alveg farið að bjóða uppá það en ég hlakka til að geta farið útað labba og leika með strákunum í sumar!

Þó veðrið sé ekki alveg búið að vera uppá það besta þá tók ég samt smá test á skónnum. Tinni Snær hjálpaði mér líka að velja skó fyrir mig. Ég fann tvö pör sem mér leist vel á og hann sagði mér svo hverjir honum fannst flottastir. Bláu reimarnar heilluðu hann meira og ég er bara alveg sammála honum.

Ég fékk smá svona nostalgíu fíling þegar ég sá þessa skó – þetta fannst manni svo ótrúlega spennandi á þessum aldri. Skórnir eru líka bara mjög flottir. Ég viðurkenni samt alveg jú þetta eru svakalegir skór en það er svona framtíðarfílingur í þeim.

Við skoðuðum vel alla skónna inní Skechers búðinni þegar við kíktum í heimsókn og það sem ég tók eftir er að í fyrsta lagi er mjög gott úrval og svo er verðið sanngjarnt. Það verður mjög gamana að sjá hvernig búðinni verður tekið hér á landi og ég fagna komu hennar til landsins. Þarna er verið að fókusera á gæði, þægindi og svona ákveðin street style trend eins og með strigaskónna sem ég valdi mér.

Mig langar endilega að skrifa það að ég meina hvert orð sem kemur fram í textanum og þetta er frábær búð og við fengum svo góða þjónustu. Á morgun (fimmtudag) fer formleg opnun fram og klukkan 17:00 er smá hóf í búðinni sem staðsett í Kringlunni við hliðiná Söstrene Grene. Það er 20% afsláttur af öllum vörum og lukkuhjól þar sem fullt af skópörum eru í vinning, DJ og blöðrur. Endilega skoðið betur eventinn hér fyrir neðan:

Opnun Skechers verslunar í Kringlunni!

Að lokum vil ég þakka innilega fyrir okkur mæðginin við förum alsæl inní vorið með æðislega strigaskó***

Erna Hrund & Tinni Snær

Síðustu dagar hafa einkennst af miklum hraða, fjöri og nýjum tækifærum en ég byrjaði í nýrri vinnu í lok síðustu viku. Svo ég verð að biðjast afsökunar á fjarveru minni hér síðustu daga en þið kannski kannist mörg hver við svona að þegar maður byrjar í nýju starfi þá hverfur tíminn bara því það er svo mikið nýtt!

En í síðustu viku leið mér svo sannarlega eins og vorið væri að koma þó ég sé mögulega ekki alveg jafn bjartsýn í dag. En mig langaði að deila með ykkur dressi síðasta miðvikudags. Ég tók mig þá til til að fara að skoða nýju skólinuna frá Caroline Berg Eriksen í Bianco og ákvað að dressa mig svona kasúal fínt – þetta dress mun svo líka nýtast mér vel í vinnunni – ekta ég ;)

Peysa: Noisy May frá Vero Moda, peysan er því miður uppseld. Það sem ég elska þessa gersemi, hún er svo þétt í sér svo á fallegum og hlýjum degi þá er hún alveg nóg sem yfirhöfn – svona þegar maður er bara að stökkva útúr bíl inní búð eða Kringlu eins og á þessum degi hjá mér. Þessa hef ég notað mikið og ég mun nota mikið. Ég hef keypt mér nokkrar svona peysu-kápur ef svo má kalla inní Vero Moda og ég hef notað þær allar mikið og sérstaklega bara heima við á kvöldin þegar kuldinn lítur við í heimsókn.

Skyrta: Noisy May frá Vero Moda, þetta er svona ein af þessum klassísku svörtu, gegnsæju blússum sem er svo gott að geta gripið í. Ég er nú enn með barn á brjósti svo mér finnst gott að vera í lausum skyrtum sem er þægilegt að hneppa niður og toga til þegar barnið krefst þess. Stundum líður mér eins og ég sé ókrýnd skyrtudrottning landsins þar sem ég klæðist þeim nánast á hverjum degi og síðasta talning var ansi há… En svona svartar skyrtur eru ómissandi í hvern fataskáp – ég á þrjár… ;)

Buxur: Seven frá Vero Moda, loksins, loksins, loksins! – fengum við ekta bláar gallabuxur úr þykku og þéttu ekta gallaefni. Mikið var ég búin að bíða spennt eftir svona gallabuxum inní VM og þær komu og það sem ég er búin að nota þessar. Ég átti engar ekta bláar gallabuxur – eða engar sem passa lengur alla vega.

Skór: Bianco, hjálpi mér þetta eru þægilegustu skór sem ég hef á ævi minni stigið fæti í! Ég bara bið ykkur vinsamlegast um að fara og skoða þessa skó betur því ég fer ekki úr mínum og kippi þeim alltaf með í vinnuna því þeir eru fullkomnir að hoppa í þegar ég er í ákveðnum verkefnum. Ég greip þessa með mér á Konukvöldið í Smáralind í síðustu viku og skipti í þá þegar líða fór á kvöldið sem var frábært svo mér leið svo vel í löppunum í öllum fráganginum eftir kvöldið – það er ekki alltaf þannig þegar maður er búin að vera á fullu í 6 tíma á gólfinu í Smáralind. Þessir eru á 9990kr og það liggur við að ég fari og kaupi hinn litinn af þeim líka!

Hattur: Lindex, mikið er ég búin að leita af svona fínum hatti og augu mín fönguðu þennan einn daginn þegar ég rölti um Kringluna. Ég labbaði beint inní búðina og keypti hann, hann passaði svona fínt og verðið skemmdi ekki fyrir – 3800kr. Svona hattar hafa að sjálgsögðu verið mjög áberandi í götutískunni undanfarið og það má með sanni segja að ég hafi fallið fyrir trendinu og tek nú fagnandi á móti því með þessu fallega höfuðfati!

Ég er voða mikið svona á venjulegum degi, þetta dress er mjög kasúal fyrir mig – gallabuxur, skyrta og peysa yfir. Svo á ég alls konar skyrtur og peysur til að skipta fram og til baka – þetta er dáldið minn stíll.

Erna Hrund

Ást mína á skóm og ást mína á skóm frá Bianco hef aldrei farið leynt með, ég held ég gangi án djóks bara í skóm frá Bianco. Það er samt bara af því hún er uppáhalds og verslar maður ekki alltaf mest í uppáhalds búðunum sínum.

En alla vega í dag komu skór úr nýju samstarfslínu Bianco við norska ofurbloggarann Caroline Berg Eriksen í sölu hér á Íslandi. Ég fékk smá sneak peek í gær þegar Elísabet tók á móti sendingunni og fékk að máta og dást að þessum fallegu skóm og ég fékk líka að taka ykkur með mér inná snappchat – það ætti að vera ennþá inní story.

Það komu tvær týpur úr línunni hennar Caroline til landsins og ég kolféll fyrir þeim báðum. Skórnir koma bara í takmörkuðu upplagi og þetta eru alveg hágæða skór og hrein dásemd að stíga fæti inní þá. Ég var svo undursamlega heppin að fá pörin tvö í gjöf og það sem ég á eftir að nota þessa mikið. Ég hvet ykkur til að fara og kíkja á þessa fallegu skó því ég held þeir muni ekki stoppa lengi.

Caroline er einn stærsti bloggarinn í Noregi, bloggið hennar er alveg ofboðslega fallegt og það sem einkennir það eru bjartar og heillandi myndir. Hún er mjög virk og skrifar um móðurhlutverkið, gefur girnilegar mataruppskriftir, sýnir glæsileg dress og gefur lesendum að sjálfsögðu innsýn í sitt líf.

Línan hennar Caroline er mjög kvenleg og elegant, skórnir eru klassískir og stílhreinir og öll pörin eru frekar ólík og ég var lang spenntust yfir þeim tveim sem komu í sölu hér…

Allt er svo fallegt fyrir augað, kassarnir eru pakkaðir inn eftir leiðbeiningum að utan, með fallegum peach borða og þessu skemmtilega skilti sem ég ætla að koma fyrir á baðherbergishurðinni – kannski helst því það er ekki hurð á svefnherberginu okkar ;)

Sjáið þessa Chanel inspired Espadrilur. Þessar eru úr silkimjúku, fínu leðri og að stíga í skónna er dásemd. Ég sé þessa fyrir mér við flottar uppábrettar gallabuxur í sumar og við fallega sumarkjóla.

Með hverju pari fylgir fallegt bréf frá Caroline þar sem hún hvetur okkur til að njóta og dekra okkur sjálfar, taka smá tíma og passa að njóta hvers augnabliks! Svo er allt voðalega sætt og djúsí í línunni svo nokkrir dásamlegir nammimolar fengu að fylgja með.

En hjálpi mér þessi ökklastígvél – ég bilast! Ég hef bara sjaldan sé jafn fallega skó og jafn stílhreina hönnun sem er jafnframt svo töffaraleg og klæðileg. Mótunin á skónnum sjálfum er fullkomin og þeir eru svo fallegir á fæti. Það kom mér á óvart hve þægilegir þeir eru en það er rennilás aftan á skónnum svo það er auðvelt að smeygja sér í þá. Támjótt hefur komið svo sterkt inn undanfarið og mér finnst skórnir samsettir úr trendum í skóbúnaði sem gerir þá svo einstaka og flotta – I like!

Ég ætla að klæðast þessum á Konukvöldi K100 og Smáralindar í kvöld og ég vona að þið komið og kíkið á mig. Ég verð fyrir framan Lyfju eins og áður og verð með nýju fínu hreinsimottuna frá Real Techniques og ætla að fræða ykkur um hana og kenna ykkur að nota hana. Það verður fullt af æðislega skemmtilegum atriðum, happdrætti, drykkjum, förðunum, naglalaökkun og afslættir alls staðar. Ég held þetta kvöld verði bara æðislegt í alla staði og ég get ekki beðið eftir að mæta á eftir!

En hvernig líst ykkur á nýju pörin í skóskápnum mínum, ef ykkur líkar þá ættuð þið endilega að kíkja á Elísabetu inní Kringlu í dag og knúsa hana frá mér og skoða skónna endilega betur.

Erna Hrund

p.s. ef einhver sem ræður þarna úti hjá Bianco er að lesa þá er ég alltaf til í að hanna skólínu fyrir ykkur!!!

Færslan er ekki greidd en Varma gefur vörurnar í leiknum og gaf Tuma þessa fallegu húfu :)

UPPFÆRT!

Ég er nú búin að draga úr leiknum og hér sjáið þið nafnið á sigurvegaranum – endilega hafðu samband við mig á ernahrund(hjá)trendnet.is til að vitja vinningsins :)

– EH

Okkur mæðginunum var boðið í heimsókn hjá Varma um daginn. Ég hef sjaldan farið í jafn skemmtilega heimsókn en við fengum að sjá verksmiðjuna sjálfa þar sem prjónavélarnar voru á fullu að vefa í vörur fyrir m.a. Varma, Farmers Market og hana Andreu mína.

 Það var svaka gaman að fá að rölta þarna í gegn og sjá hvernig fullt af fallegum flíkum urðu til og ég vona að þið sem fylgdust með á snappinu hafi nú haft gaman af því að fylgjast með þegar ég tók þá með á rúntinn um verksmiðjuna. En í kjölfarið fylgdi svo smá stopp á lagernum þar sem allt var fullt af fallegum vörum frá Varma. Ég stoppaði sjálf við mokkavörurnar fyrir litlu gormana mína og úr varð að lilli litli fékk dásamlega fallega dökkbrúna mokkahúfu í gjöf frá Varma. Mokkavörurnar frá Varma eru framleiddar hér á Íslandi, nánar tiltekið á Akureyri. Þetta er alls ekki algengt og meira að mokkavörur sem fást hér hjá íslenskum merkjum séu framleiddar í öðrum löndum. Húfan er alveg sérstaklega hlý og það skemmir ekki fyrir hvað lilli er sætur og fínn með sína húfu eins og þið sjáið hér…

What a baby!

En vegna þess hve hrifin ég var af vörunum langar Varma að leyfa mér að gleðja heppinn lesanda með dásamlegum mokkavörum á þau yngstu, hér fyrir neðan sjáið þið vörurnar…

Í verðlaun er húfan fína sem er í stærð medium, Tumi er með þessa húfu og hún er aðeins stór á hann en þannig að ég get auðveldlega bundið hana þétt svo hún haldi vel við eyrun og haldi hita á sæta kollinum hans Tumalings. Með húfunni koma svo skór og vettlingar sem er miðað við að henti til 6 mánaða aldurs.

Við höfum þetta bara alveg sérstaklega einfalt í þetta sinn. En það sem þú þarft að gera til að eiga kost á þessum fallegu mokkavörum frá Varma er að…

1. Smella á like við þessa færslu.

2. Setja athugasemd við þessa færslu (með nafni svo ég eigi auðvelt með að finna þig ef þú vinnur) með hverjum þig langar að gefa þessar fallegu vörur.

Ég dreg svo út úr öllum athugasemdum í lok föstudags!

Líst ykkur ekki vel á þetta, ég er alla vega mjög ánægð með húfuna eða við bæði mæðginin, litli maðurinn er auðvitað sætastur í heimi geimi en mér finnst hann verða ennþá sætari með þessa krúttlegu húfu.

Erna Hrund & Tumi

Rauði dregillinn var stjörnum prýddur á Óskarsverðlaunahátíðinni. Eins og á hverju ári er ómissandi að fá að tjá sig aðeins um farðanirnar sem við sáum á rauða dreglinum. Reyndar ekki ég þar sem ég steinsofnaði og það sem betur fer því það var smá brölt á sonum mínum í nótt.

Á hverju ári finnst mér ómissandi að fara yfir farðanir stjarnanna en kjólarnir eru nú þegar komnir inn hjá henni Andreu minni þið sjáið hennar uppáhalds HÉR – mæli með!

En snúum okkur að aðalmáli kvöldsins, augabrúnirnar voru fullkomnar, húðin ljómandi og lýtalaus og sanseringin í hámarki. Hér eru farðanir kvöldsins…

Sophie Turner

GOT stjarnan geislar með fallegu rauðu lokkana sína og fallegu grátóna jarðlitirnir í kringum augun hennar gefa þeim svo fallegt yfirbragð – ég fæ gæsahúð!

Emily Blunt

Vá hvað ég elska þessa fallegu kopar ryðtóna í kringum augun hennar. Emily er ein af stjörnum kvöldsins sem spilaði förðunina ekki of örugga.

Amy Poehler

Fyrst eigum við eithvað að ræða þennan hárlit – mér finnst hann alla vega fara henni mjög vel og skemmtileg tilbreyting, ég var í sekúndubrot bara hmmm… hver er þetta! Augun eru mjög fallega gerð og ég kann að meta hvernig umgjörð þeirra er mótuð þannig að þau haldi stærð sinni. Amy er með mjög smágerð augu og ef þau hefðu verið einnig römmuð þétt inn meðfram neðri augnhárum hefðu augun hennar horfið.

Olivia Munn

Ég elska hvernig förðunin er frískleg yfir andlitið hennar, appelsínuguli liturinn fer svo vel með hennar sterku kontröstum.

Margot Robbie

Meðetta… Hún er bara meðetta – alltaf! ****

Julianne Moore

Svo falleg alltaf, ég elska húðlitinn hennar svo ofboðslega fínleg og elegant. Eina sem ég hefði viljað sjá öðruvísi ég hefði viljað sjá sterkari lit á vörunum hennar.

Saoirse Ronan

Elska augun hennar! Við fallega ljósa hárið og grænu eyrnalokkana er fíngert dökkt smoky alveg fullkomið – ég elska þetta!

Kate Winslet

Fáguð, elegant og glæsileg. Mér finnst fallegi ljóminn á húðinni hennar alveg dásamlegur, augun eru fíngerð og augnhárin sem er bætt við gera yfirbragð þeirra enn fínlegra.

Rooney Mara

Ofboðslega falleg förðun. Ég elska sérstaklega varirnar, þær eru toppurinn á lúkkinu – smáatriðið sem fullkomnar heildarútlitið og gerir það minnisstætt.

Brie Larson

Þessi dama hefur verið að koma mér á óvart, þessi varalitur einn sá allra fallegasti sem ég hef séð og liggur við að ég sé bara að stökkva beint útí búð og kaupa mér hann. Fer svakalega fallega við bláa litinn í kjólnum hennar.

Lady Gaga

Glamúr, glys og glimmer!! I LIKE IT!

Olivia Wilde

Alltaf ein af mínum uppáhalds – alltaf á mínum topplista, það bregst ekki í þetta sinn. Húðin er fullkomin, linerinn meðfram efri augnhárum rammar inn og undirstrikar augun fullkomlega.

Jennifer Lawrence

Hér fer daman aðra leið en svo oft áður. Þessi glæsilega unga stúlka er með mjög erfiða augnumgjörð en hún er með augnlok sem hverfa algjörlega. Hún hefur ekki oft verið svona stert mótuð í kringum augun eins og nú en það fer henni mjög vel og ég kann að meta þennan örfína spíss sem kemur þarna rétt útí enda. Ég hefði viljað sjá aðeins meiri lit í kinnum kannski en yfir allt svakalega falleg.

Chrissy Teigen

Vá sjáið þessa ljómandi fallegu verðandi móður, hún geislar. Chrissy er alltaf glæsileg og hamingjan sem ljómar af henni geefur henni enn meiri fegurð og útgeislun.

Naomi Watts

Stórglæsileg kona! Elska fallegu línurnar sem fanga áferð andlits hennar, hún geislar og rauðu varaliturinn gefur förðuninni fallegan Hollywood stíl!

Reese Witherspoon

Ofboðslega fáguð og glæsileg kona, fallegur ljómi í kringum augun og varirnar fara hennar litarhafti svo vel. Ég kann að meta sanseringuna um augun þar sem hún dregur sterklega fram lit augna hennar.

Virkilega fallegar konur allt saman, minn topplista sáuð þið svo sem á forsíðunni en þær flottustu að mínu mati eru:

Sophie Turner, Brie Larson, Olivia Wilde og Margot Robbie.

Stjörnurnar eru nú alltaf frekar mikið safe á Óskarnum svo mér datt í hug í ár að poppa aðeins uppá færsluna með nokkrum förðunum sem sáust í eftirpartýum í gærkvöldi! Hér er allt tekið skrefinu lengra, meiri dramatík, sterkari litir og allt mjög áberandi. Svona fyrir þær sem vilja sjá aðeins meira og finnst færslan nú þegar ekki alltof löng ;)

Jessica Alba

Þvílík ofuskutla, hér er dramatíkin í kringum augun í hámarki og ég fýla það!

Hailey Baldwin

Mér finnst þetta svo glæsileg förðun – ef ég hefði séð þessa á rauða dreglinum á hátíðinni sjálfri hefði hún trónað á toppnum. Varirnar, augun húðin – allt er pörfekt!

Sarah Hyland

Þessi dama er alltaf ofurskutla og ein af þeim sem mun vera stíl icon næstu ár hjá mörgum ungum dömum það er ég svo sannarlega viss um.

Caitlyn Jenner

Ofboðslega falleg, einföld og stílhrein förðun með skemmtilegu twisti þar sem rauðtóna blýanturinn undir augunum dregur fallega fram lit hennar augna.

Ómissandi færsla á hverju ári, ég vona að þið hafið jafn gaman af því að lesa hana eins og ég hef að skrifa***

Erna Hrund

Færslan er ekki kostuð á neinn hátt, eingöngu tækifæri til að deila með ykkur fallegum skóm sem eru á mínum óskalista – ekki það að það komi mörgum á óvart að ég sé sífellt með skó á óskalistanum! ;)

Nú hefur uppáhalds skóbúðin mín hafið samstarf við nýjan bloggara hina undursamlega fallegu Caroline Berg Eriksen. Caroline er norskur bloggari og ein sú þekktasta þar í landi, hún starfar sem fyrirsæta, heldur úti gullfallegri heimasíðu og hefur einnig gefið út bók í tengslum við síðuna sína. Hún hefur áður hannað töskur í samstarfi við Adax og nú hannar hún skó fyrir Bianco!

Það er von á tveimur skópörum úr línunni hennar í Bianco hér á landi í næstu viku og ég ætla mér bæði pörin enda hef ég í alvöru verið að búa til pláss fyrir þau síðan ég sá þau fyrst. Já það er kominn tími á að losa eitthvað af pörunum sem eru ekki í notkun og gefa þeim nýtt heimili.

Skórnir sem Camilla Pihl hannaði fyrir Bianco eru í miklu uppáhaldi hjá mér og ég nota pörin eftir hana á hverjum degi. Nú er ekki von á nýrri línu frá henni fyrir Bianco alla vega ekki búið að tilkynna það en ég vona alla vega að það komi kannski seinna því hún er alveg með það þegar kemur að skóhönnun.

Caroline virðist líka vera með góða sýn þegar kemur að skóm eins og þið sjáið hér fyrir neðan…

Hér eru sannarlega Chanel inspired espadrillur – hefði verið gaman að sjá B framan á þeim, B fyrir Bianco! Virkilega flottir skór sem verður gaman að vera í við fallega bláar gallabuxur þegar snjórinn fer að hverfa af götunum og göngustígum. Ég hlakka til að sjá þessa betur, þeir virðast vera úr leðri sem mun gera þá mjög veglega og fallega.

Svo eru þessir bara trylltir! Töffaralegir skór sem ganga við hvaða tilefni sem er finnst mér. Ganga einmitt bæði hversdags og við fínni tilefni til að gera dress enn meira töffaralegra. Þessir koma bara í svörtu hingað til lands en Caroline hannaði þá í tveimur litum – hinir eru ljósbrúnir og þið sjáið þá hér fyrir neðan. Þó þeir komi ekki langaði mig samt að leyfa þessari mynd að fljóta með því mér finnst dressið svo flott.

Fallegur sumarlegur kjóll og gróf ökklastígvél við ein góð hugmynd um hvernig er hægt að nota skónna. Ég sá að Elísabet er líka búin að birta verðið á þessum inná Facebook síðu Bianco – HÉR – sem er 24.990kr virkilega gott verð ég átti jafnvel von á því að það yrði hærra.

En mig langaði líka að sýna ykkur hin pörin þó þau komi reyndar ekki – alla vega ekki fyrst um sinn…

Mér finnst sandalarnir alveg æðislegir, hver veit ef ég get snúið nógu mikið uppá hendur vinkonu minnar haha!

En hvernig lýst ykkur á – rata þessi pör inná ykkar óskalista?

knús, 
Erna Hrund

p.s. þið finnið bloggið hennar Caroline HÉR!

Við hjónin skelltum okkur á árshátíð í vinnunni hjá kallinum núna um helgina. Það var alveg ótrúlega gaman að komast aðeins út þó það væri nú ekki lengi sem mamman var frá en yngri sonurinn er voða lítill í sér ennþá eftir pest sem hann fékk þó fyrir rúmri viku síðan.

Með yndislegu vinafólki! Ég og mín besta erum svo heppnar að kallarnir okkar vinna saman svo við getum alltaf treyst á að fá góðan sætisfélaga á viðburðum sem þessum.

Ég skellti mér í nýja lace up kjólinn minn sem kom inní Vero Moda núna fyrir helgi, þetta var svona einn af þessum dögum þar sem ég vissi ekkert í hverju ég ætti að fara. En þó kjóllinn væri plain þá virkaði hann samt svo vel útaf reimunum sem gefa honum smá stíl. Áferðin í efninu er með smá glans sem er mjög fallegur og gerir hann svona meira fínlegri en annars.

Á vörunum var ég með nýjan uppáhalds Long Lasting varalit frá OFRA í litnum Mocha sem ég verð að segja ykkur betur frá síðar meir en ég fékk hann sem gjöf. Hann er alveg mattur svakalega flottur á litinn og endist allan daginn og allt kvöldið – svakalega ánægð með endinguna. Liturinn fæst HÉR inná fotia.is fyrir áhugasamar en hann fær sína eigin færslu síðar meir.

Bara eitt örsnöggt á fallegum mánudegi sem er upphafið að nýrri og mjög spennandi vinnuviku!

Erna Hrund

Þið verðið að afsaka en eitt það sætasta sem ég veit er yngri sonur minn – hitt er að sjálfsögðu sá eldri… En þarf ég að lýsa honum eitthvað frekar en með þessari mynd…

Ég kolféll fyrir fallegu fötunum frá BUTTERCUP á Facebook og keypti svona Pandasett á litla manninn og líka húfu í stíl. Alveg dásamlega falleg og vegleg föt ég mæli eindregið með. Svo var líka svo hröð þjónusta þetta var komið til mín á innan við viku. Ég versla nú ekki mikið svona í gegnum Facebook en þessi föt fönguðu athygli mína, þjónustan var frábær og ég mæli eindregið með Buttercup og mig langar bara í meira!

Slefsmekkur & buxur – Buttercup á Facebook, ég rakst á þessa síðu fyrir jólin og ég féll samstundis fyrir fötunum. Við tók mikill valkvíði en pandabjörninn varð loks fyrir valinu og ég lagði inn pöntun á fullu setti. Fötin eru úr mjög fallegu og mjúku efni sem virðist ætla að halda sér vel – allt eitthvað sem mælir með því að ég kaupi fleiri föt á Tumaling.

Peysa – Name It, ég féll fyrir þessari peysu á Tumaling fyrir jólin, hún var partu af jóladressinu hans en ég er heilmikið búin að nota hana á hann því hún gerir allt svo fínt. Ég man nú ekki til þess að ég hafi mikið notað svona peysur á Tinna á þessum aldri en nú þarf ég bara að fara að hafa augun opin fyrir nýrri svona því þessi fer að verða of lítil! Afhverju stækka þau svona hratt!

Sokkabuxur – Name It, þetta eru æðislegu ullarsokkabuxurnar sem ég hef áður skrifað um en ég nota þær mikið á Tuma sérstaklega í þessum kulda. Við eigum tvær til skiptana og hann er einmitt oftast í þeim – sérstaklega góðar út í vagninn.

Eitt svona Tumadress til að byrja helgina! Þessi stubbur biður að heilsa og vonar að þið eigið frábæra helgi!

Knús frá okkur mæðginunum***

Erna Hrund & Tumi

Þessi færsla er ekki kostuð á neinn hátt eingöngu smá innsýn inní mitt líf og starf :)

Það hefur vonandi ekki farið framhjá ykkur en Vero Moda Smáralind fékk smá anditsupplyftingu og ég eyddi gærdeginum ásamt fleiri snillingum í að fullkomna útlit hennar! Ég fæ mjög oft spurningar um hvað ég geri sem merchandiser inní Vero Moda og mig langaði að nýta tækifærið og segja ykkur aðeins betur frá því um leið og þið fáið að sjá smá það sem gerðist á bakvið tjöldin…

Hér er dagurinn rétt að byrja – þegar þessi mynd var tekin voru 10 tímar eftir… ;)

En Vero Moda Smáralind fékk mjög þarfa andlitsupplyftingu, veggirnir voru málaðir, það komu fleiri mátunarklefar, fylgihlutaveggir voru færðir til, glugginn lagaður, nýjar gínur, búið að bera á allan við inní búðinni, ný uppstilling á búðinni, öll ljós voru löguð og sjúklega flottir speglaveggir settir upp!

Það er dáldið gaman að tæma búðina alveg og geta bara byrjað frá grunni… Alla vega skemmtum við okkur mjög vel og ég hef sjaldan séð búðina jafn fallega!

Það sem við gerum er að við stillum upp innréttingum á tómu súlurnar sem þið sjáið þarna. Það koma að sjálfsögðu svona leiðbeiningar að utan með nokkrum reglum sem þarf að fara eftir útfrá uppstillingum en heildarlúkkið er í okkar höndum. Í raun er maður í smá fataleik, para saman flíkur sem passa vel saman, gefa þannig viðskiptavinum innblástur fyrir því hvað passar saman og kannski gefa þeim hugmyndir um hvernig er hægt að nota flíkur og para saman.

Sunna – my partner in crime!

Held þetta sé eitt uppáhalds hornið mitt í búðinni!! – Svo bjart og fallegt.

Ég elska þegar borðin eru svona fín – fullkomnir bunkar! Þarna fyrir ofan vantar svo stóran spegil og á honum stendur We love Iceland :)

Fallegar yfirhafnir…

Speglaveggurinn í bígerð. Þessi veggur er alveg nýr af nálinni og er ekki í neinni annarri Vero Moda verslun. Þetta er hugmynd sem kemur frá eiganda VM hér á Íslandi henni Mörtu og því ekkert smá gaman að fá að prófa þessa uppsetningu í Smáralindinni – þetta er sjúklega flott!

Sjáið hvað þetta kemur vel út!

Love it!

Ótrúlega clean og fallegt :)

Svo komu þessi fallegu ljós líka upp inní Basic horni – ég hefði persónulega ekkert á móti því að eignast þessi fyrir mitt heimili.

Ég mæli svo sannarlega með heimsókn en það eru fullt af æðislegum opnunartilboðum, kynningum og já svo er búðin sjálf algjört augnakonfekt og full af nýjum vörum! – tók þrjár með mér heim ;)

Erna Hrund