Trendnet

Þó mér hafi fundist mjög gaman að lesa yfir viðtalið við Kate í nýjasta tölublaði Nýs Lífs þá var ég alveg heilluð af myndaþættinum þar sem hönnuðir merkjanna sem munu sýna á RFF í lok mánaðarins sátu fyrir. Ég rakst á myndirnar á Facebook síðu Nýs Lífs HÉR og gat ekki staðist það að birta þær!

Ljósmyndarinn Heiða Helgadóttir á heiðurinn af þessum fallegu myndum:Cintamani hópurinn samanstendur af Guðbjörgu Jakobsdóttur, Þóru Ragnarsdóttur og Rún Gunnarsdóttur. Persónulega er ég mjög forvitin að sjá hvað þær munu bjóða uppá á RFF :)Rebekka Jónsdóttir hönnuður hjá REY. Línan hennar í fyrra var alveg æðisleg, hún Rebekka gerir alveg einstaklega falleg snið, klæðlegar og fallegar gersemar. Ég er mjög spennt að sjá hvað hún ætlar að bjóða uppá!Guðmundur Jörundsson hjá JÖR er náttúrulega bara snillingur með meiru! Ég á þrjár flíkur úr síðustu vetrarlínunni hans og ég get varla beðið eftir því að fá að sjá hvað hann og hans fólk mun bjóða okkur uppá næst.Katrín Káradóttir hjá Ellu er svo hæfileikarík og gerir svo fallegar og elegant flíkur sem konur eru yfir sig hrifnar af. Ég hef nú ekki gerst svo fræg að eignast flík frá Ellu en kannski verður bráðum breyting á :)Magnea Einarsdóttir hefur sannað sig með sinn einstaka stíl. Ég er rosalega spennt að sjá hvernig hún fylgir síðustu línunni sinni eftir.Harpa Einarsdóttir hönnuður Ziska. Ég hálfpartin saknaði þess að sjá ekki neitt frá Hörpu á síðustu RFF þar sem hún kom með svo ótrúlega flotta línu á hátíðinni þar á undan. Ég er mjög ánægð að hún sé með aftur í ár.Hin yndislega Bergþóra frá Farmers Market er náttúrulega bara snillingur með meiru. Sýningin hjá Farmers Market í fyrra var æðisleg, stemmingin var mögnuð og flíkurnar hver annarri fallegri. Ég er mikill aðdáandi Bergþóru og merkisins og hlakka til að sjá hvað verður í boði í ár:)Sigga Maja sýnir í fyrsta sinn á RFF, ég veit ekker við hverju ég á að búast en ég er fáránlega spennt að sjá hvað hún ætlar að sýna ég hef bara heyrt góða hluti um þessa.

Spenningurinn fyrir RFF er farinn að verða mikill hjá mér. Það styttist óðum í hátíðina og ég hvet ykkur til að kaupa miða ef þið eruð aðdándur íslenskrar hönnunar!

EH

Æjj ég ákvað nú bara að skella í eina símadress mynd í gær – ég var ágætlega ánægð með flíkurnar sem ég skellti yfir mig í gærmorgun og langaði að deila með ykkur útkomunni.

Peysa: Farmers Market
Leðurjakki: VILA, Kaupmannahöfn – vætanlegur til Íslands í vikunni
Peysa: VILA
Buxur: Zara
Förðun: Blur Cream, L’Oreal
Staðsetning: Gloria á Laugaveginum

Ást mín á fallegu Farmers Market peysunni er endalaus en ég tók þó ástfóstri við nýja leðurjakkann minn um leið og ég eignaðist hann. Það hafði einhvern veginn aldrei hvarflað að mér að nota þessar tvær flíkur saman en ég er virkilega ánægð með útkomuna. Svona íslenskt prjón yfir biker leðurjakka – ég held þetta sé bara skothelt saman og þetta duo verður mikið notað á næstunni.

Veðrið á klakanum var þó ekki alveg uppá sitt besta í gær en peysan hlýjaði mér vel þegar ég þurfti að rölta smá spöl í vinnuna til Aðalsteins sem tekur sirka 10 mínútur frá minni vinnu. Ég ákvað að skella í nokkrar selfie á leiðinni til að ná að festa kraftinn í rokinu og rigningunni á leiðinni.
Með myndinni fylgdi textinn –

Stundum getur maður ekki annað en reynt að hafa gaman af því að búa í landi sem finnst ekkert skemmtilegra en að sýna íbúum þess kraftinn sem það býr yfir og skellt sér í göngutúr!

Vitiði þetta var eiginlega bara ótrúlega hressandi göngutúr sem ég var mjög ánægð með að hafa drifið mig í. Svo er bara að vona að ég vakni ekki með kvef og hálsbólgu á morgun. Svo var ég líka mjög þakklát að vera maskaralaus – ég hefði ekki viljað hafa hann lekandi niður eftir andlitinu :)

EH

Eftir vinsældir fyrri færslu heldur mömmubloggarinn í mér ótrauður áfram og mig langar núna að deila með ykkur smá nýju föndri sem ég er að reyna að venja mig á að gera reglulega fyrir son minn. En það eru heimagerðar blautþurrkur.

Fyrstu mánuðina hans Tinna notuðum við ekkert annað en grisjur á bossann hans. Við bleyttum þær bara aðeins uppúr vatni og þrifum litla sæta bossann hans. Ég hafði alltaf hugsað mér að prófa mig áfram í því að búa til blautþurrkur heima með grisjunum en ég kom mér einhvern vegin aldrei í það. Svo þegar tíminn leið varð einhvern vegin bara einfaldara og fljótlegra að kaupa blautþurrkur útí búð. Ég verð samt að viðurkenna að stundum fékk ég hreinlega samviskubit þegar ég var að þurrka bossann á barninu með þeim – sérstaklega ef ég var nýbúin að stela einum slíkum til að þrífa af mér maskarann…. Svo undanfarið höfum við tekið uppá því að nota grisjurnar bara aftur.

Nú annað hvort bleytum við þær uppúr vatni og þrífum bossann og svo er líka hægt að gera heimatilbúna blautklúta. Ég er búin að finna nokkrar aðferðir en sjálf er ég hrifnust af því að nota kókosolíu. Þá sýð ég vatn, blanda smá kókosolíu saman við vatnið, passa að blanda vel saman og legg svo grisjurnar í blönduna. Svo þegar það er öruggt að koma við þær, þá vind ég grisjurnar vel, tek s.s. mesta vökvann úr þeim og legg í blautþurrkubox sem ég fékk hjá vinkonu minni sem selur Tupperware. Þessa aðferð getið þið líka notað t.d. með lavander olíu, það er náttúrulega svo góður ilmur af henni.

Grisjurnar er þó hægt að nota líka í allt annað en að hreinsa litla bleyjubossa. Tinninn minn er reglulega með smá horklessur sem er svo sem algengt meðal barna. Ég nota alltaf grisjur til að hreinsa á honum nefið því þær rispa ekki húðina hans, þær eru svo mjúkar. Sjálf könnumst við nú við það hvað maður getur þornað upp í kringum nefið þegar maður er slæmur af kvefi og alltaf að snýta sér. Ég verð alla vega ótrúlega rauð í kringum nefið.

Annað sem ég nota þær í sem dagmömmurnar hans Tinna kenndu mér er að verna bossann hans þegar hann er rauður. Tinni fær reglulega sár á bossann, finnst eins og hann sé með sérstaklega viðkvæma húð á bossanum en reyndar er hann mikill kúkakall og ef við skiptum ekki strax um bleyju þá verður hann mjög rauður. Núna um daginn fékk hann mikið af sárum á bossann, fjögur stykki og þið sem eigið börn vitið hvernig það er þegar þau fá sár, þá festist kremið ekki á bossann. Þegar hann fær sár nota ég yfirleitt feit krem eins og vaselín til að vernda sárin fyrir vökva eins og pissi. Ef hann er hins vegar bara rauður þá fær hann hvíta Johnson kremið. En þar sem hann var með mjög slæm sár sem við vildum alls ekki að bleyjan myndi nuddast í datt dagmömmunni okkar það snilldarráð í hug að þekja grisju með vaselíni og „líma“ við bossann hans. Þannig verður enginn núningur í sárunum og með þessu ráði þá fengu sárin að gróa í friði og grisjan er svo þunn að Tinni fann ekki fyrir henni. Mæli hiklaust með þessu ráði – algjör snilld!

Annað sem þær eru snilld í – einmitt með kókosolíunni líka er að hreinsa augnförðun! Ég hef áður skrifað um mátt kókosolíunnar við möskurum og ég hef bara notað olíuna og nuddað henni yfir augun til að leysa upp förðunarvörurnar. Svo nota ég grisjur til að hreinsa olíuna og förðunarvörurnar burt. Svona smá auka ráð um hvernig má nota grisjurnar. Mér finnst ég líka nota færri grisjur til að hreinsa augnförðunina heldur en þegar ég nota hreinsiklúta. Ég nota kannski eina grisju á móti 2-3 klútum – fer að sjálfsögðu eftir því hversu mikið ég er máluð um augun.

Grisjur og nóg af þeim eru ómissandi á mitt heimili, ég á alla vega nóg af þessu inní skáp og byrgi mig reglulega upp. Grisjurnar fæ ég í Rekstrarlandi í Skeifunni og það eru 100 stk í pakkanum :)

Ég mæli eindregið með því að gera heimatilbúnar grisjur uppúr kókosolíu, sjálf elska ég ilminn af kókos og sæti prinsinn minn fær svo mjúka og fallega húð þegar við notum þessar. Ég var búin að mikla þetta svo mikið fyrir mér en vitiði það kom mér bara á óvart hvað þetta var lítið mál – hefði alveg verið til í að hafa gert þetta frá upphafi eins og ég ætlaði mér. En betra er seint en aldrei!

EH

Þegar ég var að kynna snyrtivörur fyrir jólin í Hagkaup Smáralind fannst mér ótrúlega gaman að heyra aðeins í viðskiptavinum og hlera hvað væri svona á óskalistum kvenna fyrir jólin. Það voru þónokkrar vörur sem voru áberandi vinsælar eins og naglalakka- og maskaraöskjur, Real Techniques burstarnir, One Direction ilmvatnið og svo varasalvar…

Jebb varasalvar af ákveðinni tegund seldust eins og ég veit ekki hvað! Ég hef nú sagt ykkur frá varasalvafíkninni minni svo ég varð nú bara að bæta nokkrum af þessari týpu í safnið – en ekki hvað ;)

Þetta eru að sjálfsögðu EOS varasalvarnir sem eru að fara sigurför meðal ungu kynslóðarinnar á Íslandi – já og mín. En við erum ekki þeir einu sem hafa tekið ástfóstri við þessa varasalva því þegar ég var aðeins að lesa mér til um þá þá birtust fullt af myndum af Hollywood stjörnum með þessa varasalva. Greinilegt að þetta eru varasalvar fræga fólksins. Mig fór eiginlega að gruna þá að ég væri langt á eftir öllum með þessa vöru…

EOS stendur fyrir Evolution of Smooth og það sem er svona sérstakt við þá er auðvitað lögunin sem er mjög sérstök, litrík og áberandi. En það sem er þó best er að þeir eru alveg hreinir, innihalda engin aukaefni svo þetta er auðvitað frábært fyrir ungu skvísurnar sem vilja fara að mála sig en eru kannski ekki komnar með aldur til. Ég veit að þessir hefðu alla vega verið á óskalistanum mínum þegar ég var 13 ára, og núna þegar ég er 25 ára.

Varasalvarnir eru stútfullir af nærandi efnum fyrir varirnar, sem fá einnig mjög fallegan ljóma og létta áferð. Varasalvarnir eru líka hættulega góðir á bragðið sem er ekki sniðugt fyrir fólk eins og mig sem nagar varirnar endalaust. En eftir að ég vandi mig á að vera með varasalva útum allt eru varirnar mínar svo vel nærðar að það er bara erfitt að naga þær :D

Safnið mitt samanstendur af þremur litum, einum af hverri týpu sem er til. Þessi græni heitir Honeysuckle Honeydew og er svona þessi venjulega formúla. Sá appelsínuguli heitir Medicated Tangerine og hann hrindir frá bakteríum sem er fullkomið fyrir þær sem fá gjarnan frunsur. Sá guli heitir Lemon Drop og inniheldur SPF 15, en það er einn annar sem er með SPF annars eru þeir lausir við það. Sá sem ég nota mest núna er þessi appelsínuguli, kannski helst því hann á heima í leðurjakkanum mínum sem er sú yfirhöfn sem ég nota oftast. Ég held þessi guli verði þó fyrir valinu þegar sólin lætur sjá sig.

En nú langar mig bara í alla litina! Svo verð ég að prófa handáburðinn frá merkinu líka held ég. Varasalvarnir fást t.d. í Hagkaup og voru alla vega alltaf staðsettir inní snyrtivörudeildinni þegar ég var að kynna en ég veit ekki með ykkur en ég hef sjaldan rambað á það hvar varasalvar eru staðsettir í Hagkaup án þess að fá hjálp:)

En til að undirstrika það hve náttúruleg formúlan er þá notast EOS við mjög skemmtilegt auglýsingaefni, held þetta séu bara einar af skemmtilegustu snyrtivöruayglýsingum sem ég hef séð og mjög lýsandi fyrir vöruna!

Hrikalega skemmtilegar auglýsingar og nú langar mig í fleiri liti – eigið þið ykkur einhvern uppáhalds?

EH

Þessu get ég ekki verið meira sammála – þess vegna held ég að það sé mjög mikilvægt á að byrja hvern einasta dag á því að brosa breitt og halda inní daginn með jákvæðni að vopni.

Sonur minn er ástæðan fyrir því að ég brosi á hverjum einasta degi. Ég þarf ekki meira en að hugsa um krúttboltann minn og ég fer að brosa. Fallegi strákurinn minn byrjar einmitt daginn oftast á því að standa uppí rúmminu sínu og syngja smá. Svo um leið og hann fer framúr fer hann að hlaupa um, oftast beint inná bað þar sem hann lokar hurðinni og öskrar af hlátri. Á leiðinni til dagmömmunnar höfum við Aðalsteinn venjulega slökkt á útvarpinu og hlustum á son okkar syngja fyrir monsann sinn aftur í.

Ég hef alveg lent í því að fá yfir mig neikvæða umræðu sem snýst um það sem ég geri eða ég hef gert. Ég státa mig af því að vera með ansi þykkan skráp eftir ýmislegt sem ég hef gengið í gegnum. En allt sem ég geri, hvort sem það er í vinnu, einkalífi eða á blogginu geri ég af heilum hug og fyrst og fremst af því ég hef gaman af því. Þó eitthvað leiðinlegt umtal fari af stað held ég fyrst og fremst jákvæðni, hugsa um hvað ég á fullkominn strák og held ótrauð áfram!

Finnum ástæðu til að brosa á hverjum einasta degi. Innri fegurðin skín svo sterkt í gegnum fallegt bros. Ég er þeirrar skoðunar að bros fullkomni hvaða förðun sem er og er eitt af okkar bestu fegurðarleyndarmálum:)

Það er svo mikið sem getur fært bros yfir andlitin okkar. Tinni er einn af þeim sem fær mig alltaf til að brosa. Svo bregðast aldrei fallegar kveðjur sem ég fæ frá lesendum í tölvupósti eða athugasemdum – algjörlega ómetanlegt*

EH

Þar sem ættingjar mínir eru að ferðast til USA á næstunni þá fer makeup óða ég að sjálfsögðu ósjálfrátt inná bandarískar vefverslanir til að kíkja hvað er í boði – Sephora er auðvitað ómissandi í þeim leiðangri.

Mig langaði að deila því með ykkur hvað er komið í innkaupakörfuna mína, auðvitað kemur kannski ekki allt til mín, Sephora er kannski ekki alveg sú ódýrasta en Target fylgir svo með líka sem býður uppá mun ódýrari en ekki síðri vörur.

Urban Decay:
Mér finnst þetta sprey klárlega vera eitthvað sem makeup fíklar verða að prófa – er það ekki?Naked 2 pallettan – þessi ekta ;)Mig langar eiginlega líka í Naked 3 pallettuna eftir að ég prófaði þessa augnskugga. Einir af þeim bestu sem ég hef prófað!Augnskuggaprimerinn frá UD hef ég bara heyrt aðra dásama – ég þarf að fara að prófa þennan!

Benefit:Mér finnst þetta kinnalitastifti alveg ótrúlega flott! Hér er búið að raða þremur litum saman sem er hægt að nota í einu. Sjáið að ljósasti liturinn er til að highlighta ofan á kinnbeinin. En svo er eflaust líka hægt að nota þá alla í sitthvoru lagi.Næst á dagskrá er að prófa augnskuggana frá merkinu. Mér líst mjög vel á þessa liti…Ein af nýjungunum frá Benefit er þesso farði sem gefur matta áferð og breytist þannig í púður þegar hann er kominn á andlitið – spennó!Einn af primerunum sem ég hef ekki prófað frá Benefit. Ég hef verið mjög ánægð með þá sem ég á sjálf svo nú þarf ég að prófa hina – ég er helst alltaf hrifnust af þeim sem gefa húðinni ljóma.

Sephora:Þessi bursti kallaði á mig. Ég held hann sé dásamlega mjúkur, þéttur og fullkominn til að bera á farða og skyggja andlitið. Mér finnst líka lokið sem kemur utan um hann sniðugt þar sem það passar uppá að burstinn haldi lögun sinni. Það er eitthvað við þessa liti í pallettunni sem heilla mig. Pallettan inniheldur gloss, kinnaliti og augnskugga sem smellpassa inní sumarið.

Laura Mercier:Ég hef aldrei gerst svo fræg að prófa neitt frá Lauru Mercier en ég hef heyrt mjög góða hluti um vörurnar. Ef þið eruð ofnæmisseggir á snyrtivörur þá er þetta merki án alla aukaefna, ég vinn með einum slíkum og hún elskar þessar vörur. Lituirnn á augnskugganum heillaði mig alveg uppúr skónnum og þennan má nota bæði þurran og blautan.

Stila:Stila er annað merki sem mig hefur dauðlangað til að prófa en aldrei gefist tækifæri. Það verða einhverjar vörur frá þessu merki sem ég kem til með að panta. Langar dáldið í þennan augnskugga sem er með metal áferð og með fylgir vökvi sem er hægt að nota til að bleyta upp í augnskugganum. Ég hef aldrei séð jafn mikla litadýrð í blautum eyelinerum og hjá þessu merki. Ég verð að eignast þennan græna…… og þennan hvíta! Þessi er búinn að vera alltof lengi á óskalistanum:)

Jose Maran:Eftir að ég prófaði vörurnar frá Josie, kolféll ég fyrir þeim, mig langar helst að prófa þær allar. Ég hef mikið notað farðann og olíuna og jafn drjúgar vörur finnast varla. Hér er smá pakk sem inniheldur vörur fyrir grunnförðunina. Kinnaliturnn heillar alveg sérstaklega. Maskari sem inniheldur Argan Olíu – ég efast ekki um að olían sé jafn góð fyrir augnhárin og hún þykir vera fyrir hárið!Ég er bara forfallinn kinnalitaaðdáandi – sérstaklega svona blautra svo þegar ég sé svona pakka með mörgum litum þá á ég erfitt með að neita mér um eintak.

Marc Jacobs:Aftur er hér um að ræða merki sem ég hef ekki prófað en langar mikið til. Augnskuggar eru eitthvað sem segir mikið til um gæði annarra vara hjá merkjum og því er nauðsynlegt að prófa þá. Mér finnst hins vegar litasamsetningarnar í pallettunum ekki nógu spennandi, held að þessi komist þó næst mínum smekki.Varalitur er annað sem þarf að prófa. Þessi litur fannst mér sumarlegur og skemmtilegur.Fallegastir fundust mér þó eyelinerblýantarnir sem eru með metal áferð – ég er fíkill í metal í förðunarvörum, hafið þið tekið eftir því ;) Þessi litur finnst mér æðislegur…… og þessi ekkert síðri!

Tarte: Aftur ég get ekki staðist fallega kinnaliti – þessi stifti heilluðu og sérstakelga litirnir. Þessi nýtast auðvitað ekki bara á kinnarnar heldur líka á varirnar. Dökki liturinn er ekta ég…… en þessi er kannski meira hefðbundinn og flottur fyrir sumarið.

ohh… hvað ég hefði ekkert á móti því að eignast þetta allt. Samtals er ég komin uppí $679 – er það ekki fullmikið – ég þarf eitthvað að kötta niður, en ég get látið mig dreyma :)

EH

Færslan um Escada ilmina er árleg það er bara þannig með eina vinsælustu sumarilmi heims! Í ár eru tveir sumarilmir sem verða fáanlegir frá merkinu – einn nýr og einn sem hefur komið út áður…Pakkningarnar frá Escada eru alltaf flottar, litríkar og líflegar. Escada sumarilmirnir hafa slegið í gegn á Íslandi og hafa verið meðal vinsælustu ilmanna síðan þeir komu fyrst í sölu. Ég man að mamma mín fékk sér einn af fyrstu sumarilmunum sem fengust hér á Íslandi hann var minnir mig í bláu og bleiku glasi, ég man ómögulega hvað hann hét. En ég man að ég stalst ófáum sinnum í hann.
Hér eru svo glösin – ekki minna litríkari en umbúðirnar. Bæði ilmvötnin eru Eau de Toilette og fást í 30ml og 50ml glösum. Bæði glösin eru svo að sjálfsögðu með hinni þekktu lögun Escada sumarilmvatnanna. Nýji ilmurinn í ár ber nafnið born in Paradise. Mér finnst þetta mjög ferskur ilmur sem hentar mér vel. Hann er léttur og þægilegur og það fer ekki mikið fyrir honum. Ilmurinn er sætur en samt ekki eins og margir aðrir af sumarilmunum frá merkinu. Mér persónulega finnsst þessi ilmur mjög ólíkur síðustu sumarilmum frá Escada, hann er bara einhvern veginn frísklegri. Ilmirnir tveir sem eru fáanlegir í sumar eru mjög ólíkir – á skemmtilegan hátt því þá er kannski eitthvað sem hentar öllum.

Tónarnir í ilminum samanstanda af grænu epli og vatnsmelónu sem opna ilminn og blandast saman við sætt guava sem eykur frískleika ilmsins. Hjarta ilmsins samanstendur af kókosmjólk og ananas. Í grunninn er ilmurinn svo blanda af sandlevið-, sedrusvið-, og meskutónum sem dýpka ilminn og mýkja hann.

Með þessum ilmi er einnig fáanlegt body lotion í 150ml umbúðum. Mér finnst mjög gott að nota body lotion með þessum sumarilmum þegar hitinn er kominn. Gefa húðinni góða næringu og góðan raka sem mun skila sér í mun fallegri húð. Svo skemmir góði ilmurinn ekki fyrir.
Taj Sunset sem þið sjáið hér fyrir ofan hefur áður komið í sölu frá Escada. En þetta ilmvatn er vinsælasti sumarilmurinn sem hefur komið frá merkinu en hann kom í sölu sumarið 2011. Ég man sjálf mjög vel eftir þessum ilmi, ég fattaði hvor ilmurinn það var sem væri að koma aftur um leið og ég fann ilminn af honum. Þessi er ótrúlega frísklegur og það er ekki skrítið hversu margar konur hafa fallið fyrir honum.

Ég er nú þegar aðeins búin að fjalla um nýju sumarilmina en ég held það gæti verið gaman að skella þeim öllum saman í eina umfjöllun bara svo þið sjáið það helsta sem er í gangi í ilmvatnsheiminum fyrir næstu árstíð.

Escada ilmirnir koma bara í takmörkuðu upplagi eins og venjulega svo ef þið eruð spenntar fyrir þessum fyrir ofan er um að gera að tryggja sér eintak sem fyrst. Ég hef svo trú á því að þegar maður er komin með góðan sumarilm á húðina þá líði manni eins og að sumarið sé komið hvort sem það er snjór, haglél eða sól :)

EH

p.s. ég er búin að draga út sigurvegarann í L’Oreal maskaraleiknum…. Til lukku Sigga Dóra – endilega sendu mér póst á ernahrund(hjá)trendnet.is með upplýsingum um hvert ég má senda maskarann :)

Ég heimsótti nýja deild í Kraum í morgun – Kraum Junior sem er beint til vinstri þegar maður labbar inní verslunina í Aðalstræti eða þar sem súkkulaðið hans Hafliða átti alltaf pláss. Þar er núna að finna dásamlegar vörur fyrir börn frá merkjum eins og As We Grow, Farmers Market og Hring eftir Hring. Ég smellti af nokkrum myndum sem ég ætla að deila með ykkur á næstunni en smám saman munu líka bætast fleiri vörur í verslunina sem verður gaman að fylgjast með.

En í heimsókninni minni féll ég fyrir fallegustu spiladós sem ég hef nokkurn tíman séð. Spiladósin er eftir Margréti Guðnadóttur sem hefur gert mjög fallegar spiladósir í nokkur ár en það sést einmitt glitta í eina slíka á myndinni fyrir neðan. Spiladósirnar hennar spila klassísk íslensk lög og Jökull sem þið sjáið hér fyrir neðan spilar Krummi svaf í klettagjá og snýst mjög rólega í hringi á meðan. Spiladósina er einnig hægt að fá með ljósi innan í en eins og er er bara ein til niðrí Kraum en hún er ekki með ljósi. Jökull kostar 11.500 kr og ég átti mjög erfitt með það að kaupa hana ekki. Þetta er ofboðslega fallegt að gefa t.d. í sængurgjöf.  En ástæðan fyrir því að það er ekki til mikið af Jökli er sú að það er víst ekki auðvelt verk að búa hann til. Pappinn er brotinn saman á mjög fallegan hátt og svo er hann límdur á hvíta viðarplötu.

Þetta er virkilega falleg hönnun sem yrði falleg inní barnaherbergi.

EH

Á morgun verða tvær af mestu ofurskvísum landsins með bás í Kolaportinu. Ég veit ekki með ykkur en þangað verð ég bara að mæta. Þetta eru þær Hugrún Harðardóttir og Þóra Hlíf Jónsdóttir.

Þóru þekki ég nú nokkuð vel en ég var fastakúnni hjá henni þegar hún var verslunarstjóri í uppáhalds vintage verslun minni Rokk og Rósum. Ég tók strax eftir flotta stílnum hennar þegar hún byrjaði að vinna í búðinni og svo er hún bara svo yndisleg. Eitt af því sem ég sakna svo mikið við verslunina er spjallsins sem við Þóra áttum stundum á morgnanna yfir kaffibolla þegar fáir voru á ferli í búðinni. Svo fengum við nú að vera óléttar saman í smá tíma og gátum spjallað um það.

Eins og þið sjáið á myndinni hér fyrir neðan þá eru þetta einstaklega smekklegar konur og það er um að gera að mæta snemma til að missa ekki af helstu gersemunum! Ég varð nú að fá að nappa mynd sem Þóra póstaði inná Facebook hjá sér þar sem hún var að týna til gersemarnar fyrir Koló til að gefa ykkur smá sýn á það hvað verður í boði – blúndur, loð, leður og kögur!

Sjálf hef ég augastað á þessu flotta kögur kúrekavesti hægra megin í myndinni, svo væri ekki amalegt að finna fallegt loð fyrir kuldann – er það ekki eitthvað ;)

EH

Sjálf er ég búin að bíða ótrúlega spennt eftir vorlínunni frá Yves Saint Laurent. Virkilega fallegar vörur en litirnir eru innblásnir frá rósum. Umbúðirnar finnst mér alveg gullfallegar sérstaklega utan um augnskuggapalletturnar. Reyndar kemur kinnaliturinn ekki til landsins en augnskuggarnir, naglalökkin, varalitirnir, glossin og nýtt laust púður er það sem er meðal annars nýtt frá merkinu.

Ég tók saman nokkrar skemmtilegar myndir af lúkkinu sem er meðal þess sem er núna á sérstökum afslætti. Mér finnst gaman að láta ykkur vita af tilboðum, snyrtivörur kosta alveg pening og það er þá um að gera að nýta sér tilboðin sérstaklega þegar manni langar að kaupa sér eitthvað nýtt, sérstaklega svona snyrtivörur sem maður notar ekki dags daglega. Mér finnst litirnir í augnskuggapallettunni svo fallegir! Ef þið eruð t.d. með blá augu þá eru þetta fullkomnir litir fyrir ykkur ;)Mér finnst bleika naglalakkið alveg sjúklega flott, svona mjúkur pastelbleikur litur og frekar kaldur tónn. Þetta er kannski dáldið barbie bleikur litur sem er samt aðeins meira fashion. Litinn sjáið þið aðeins betur á myndinni hér fyrir neðan.Ein af nýjungunum í línunni sem verður framvegis til hjá merkinu eru glossin hér fyrir neðan. Þau eru mjög litsterk og falleg en burstinn er mjög sérstakur en hann er í laginu eins og varir bókstaflega. Hann er sveigður svo hann þekur allar varirnar með þéttum og flottum lit. Ég hlakka mikið til að prófa þessi gloss. Mér finnst alveg magnað hvað snyrtivörumerki eru að fókusera mikið á gloss núna en þau eiga að vera eitt af heitustu förðunartrendum sumarsins.  Fyrirsætan Cara Delevingne er andlit YSL og hún hefur nú setið fyrir í nokkrum auglýsingum fyrir merkið síðan síðasta haust. Ég hef mjög gaman að því að sjá hvað hún skartar alltaf ýktri förðun í herferðunum fyrir merkið sem er litmikil og áberandi. Mér finnst gaman að sjá svona ýktari lúkk hjá snyrtivörumerkjum til að sýna konum hvað vörurnar geta gert svo getum við bara aðlagað vörurnar að okkar stíl.

Ég er sérstaklega spennt fyrir glossunum, ég er komin með dökka litinn nú þegar sem ég er spennt að prófa en mig langar mikið að eignast þessa augnskuggapallettu sem er með svo sumarlegum og skemmtilegum litum. Ég ætla klárlega að kíkja inní Lyf og Heilsu og nýta mér þennan afslátt.

Það er sumsé 20% afsláttur af öllu YSL bæði snyrtivörum og ilmum frá deginum í dag og út sunnudaginn en svo er 25% afsláttur af Forever Youth Liberator vörunum frá YSL.

Held að það verði augnskuggapallettan og bleika lakkið sem komi með mér heim úr leiðangri í Lyf og Heilsu eftir vinnu!

EH