Já það er til eitthvað sem heitir of sítt hár :)
Það er alveg ótrúlegt með okkur konurnar, við virðumst allar alltaf vera að safna hári. Þá spyr maður sig: Safna í hvað?
Þið eflaust vitið að ég er mjög hrifin af hári, ég er hrifnari af síðu hári en stuttu hári og legg meira upp úr því að kenna konum að greiða á sér hárið og breyta því þannig heldur en að klippa það í offorsi í leit að breytingu.
Þegar hárið nær ákveðinni sídd, sem er mismunandi eftir hárgerðum, þá verður það svo þungt og mikið um sig að það hættir að vera fallegt, missir ljómann og sjarmann. Það hálfpartinn deyr. Verður flatt að ofan og úfið í endana, nánast ómögulegt að fá lyftingu í rótina og engin greiðsla, krullur né spennur haldast í því.
Of sítt hár er ekki fallegt. Ef þið eruð að safna hári spurjið ykkur að þessu: Í hvað er ég að safna? Af hverju er ég að safna síðara hári? Ef þið getið ekki svarað því, hættið þá að safna og klippið almennilega af því í hvert skipti þegar þið farið í klippingu.
Skrifa Innlegg