Eins og ég hef greint frá áður þá er ég að vinna að gerð nýrrar hárbókar sem er væntanleg fyrir jólin.
Myndatökunum lauk á föstudaginn í síðustu viku, en við skiptum myndatökunum niður í árstíðirnar fjórar; vor-sumar-haust og vetur. Leikmyndina tókum við alla leið og lágum yfir því hvernig best væri að gera hverja og eina leikmynd þannig að hún yrði ævintýraleg og skemmtileg. Við fórum út um allar trissur til að fá leikmuni, snjóvél, föt og ég veit ekki hvað og hvað.
Þetta voru skemmtilegustu tökur sem ég hef verið í, en alls voru um 50 krakkar sem komu þessa fjóra daga í tökurnar með okkur.
Allt gekk eins og í sögu og allir krakkarnir stóðu sig svo vel!! Við Saga og Hildur vorum og erum enn í skýjunum!
Saga Sig tók allar myndirnar og Hildur Sumarliða sá um stíliseringu. Snillingar með miklu meiru. Mega team!
Takk allir fyrir góðar viðtökur og ég vona svo innilega að þetta verði bók sem verði ekki fyrir vonbrigðum!
Svo var svo ótrúlega skemmtilegt að fréttablaðið vildi fá nokkrar myndir úr bókinni og birta í “Lífinu” í dag, einnig kom það inn á vísi.is og getið þið séð það hér :)
Skrifa Innlegg