Loksins er maður komin heim í smá ró eftir vægast sagt virkilega upptekna en mjög skemmtilega helgi í Reykjavík – aðal ástæða ferðarinnar að þessu sinni var Reykjavík Fashion Festival, en ég var að sækja hátíðina í mitt fyrsta skipti og var ég svo sannarlega ekki fyrir vonbrigðum!
ég tel mig frekar heppna að hafa getað sinnt þremur en á sama tíma mjög mismunandi verkefnum á hátíðinni, ég sótti sumsé um sjálfboðastarf og var þar að leiðandi eitthvað í móttökunni, að taka á móti gestum, tékka á miðum og fleira. Sjálfboðaliðastarf á hátíð sem þessari er eitthvað sem ég get mælt með fyrir flesta, þetta er skemmileg reynsla svo kynnist maður nýju fólki og tala nú ekki um hversu vel þetta lúkkar á ferilskránni.
Verkefni númer tvö fólst í því að skrifa um RFF á Trendnet svo að allir fengu tækifæri til að upplifa stemmninguna sem fylgir RFF, enda vorum við með live instastories frá tískupöllunum samhliða blogginu og tóku margir vel í það, sem var gaman að heyra. En ef svo vill til að “RFF í beinni” fór framhjá einhverjum og þið eruð á algjörum bömmer að hafa misst af getiði nálgast færslurnar hjá okkur stelpunum hér!
Svo þriðja og síðasta verkefnið en alls ekki síst var það að ganga á sýningunni fyrir strákanna í Inklaw, en það var haft samband við mig bara nokkrum klukkustundum fyrir sýningu og ákvað ég að slá til enda bara gaman að prufa eitthvað nýtt!
Ég hefði samt verið mega til í að getað verið einn af áhorfendunum enda rugl flott show – hef ég heyrt.
Sunnudagurinn fór svo í myndatöku hjá Antoníu Lárusdóttur, og hlakka ég mikið til að sýna ykkur útkomuna…
Þótt helgin var eins skemmtileg og hún var er ég afar fegin að vera komin heim í rólegheitin,
Ætla leyfa mér að ljúka þessari færslu með nokkrum myndum frá helginni – outfitpics, selfies, myndir baksviðs og fleira!
Stussy bolurinn fæst í Smash, flarred skyrtan sem ég er undir er úr topshop og skórnir eru úr GS skóm
Gallajakkinn er Carhartt úr Smash
Buxurnar eru fengnar úr Smash
xx
Melkorka
Skrifa Innlegg