Æi það er svo gott að heimsækja “gamla” bekkinn minn upp í Listaháskóla. Trúi því varla að ég hefði átt að vera að útskrifast með þeim núna í vor. Úff hvað ég væri til í það, en það verður að bíða til næsta vors.
Þetta er auðvitað eins og “hin” fjölskyldan mín. Hef saknað þeirra alveg hrikalega. Þetta er svo góður hópur af fólki, enginn eins, enginn á sama stað í lífinu, enginn með sama persónuleika né svipaðan, en samt sem áður erum við (ég vil meina að ég sé ennþá hluti af hópnum) gífurlega samheldin.
Það er allt að gerast á vinnustofunni þeirra í Þverholtinu, þar sem undirbúningur fyrir útskriftarsýninguna er á fullu. Skemmtilegt að sjá hvað vinnurýmið verður persónulegt og lifandi þegar hugmyndaferlið er komið svona langt á veg.
Þetta er án efa skemmtilegasta nám sem til er!
Skrifa Innlegg