Síðustu 7 dagar hjá mér hafa verið frekar afdrifaríkir. Tvær myndatökur, önnur fyrir Fréttablaðið og hin fyrir kosningaherferð xD. Bíllinn okkar ákvað að bila á mánudaginn og Emil er svo duglegur að hann fór á youtube og ath hvernig ætti að gera við bílinn-fór og keypti varahluti og gerði við! Alveg ótrúlegur. En það dugði ekki til og við þurftum að fara með hann á miðvikudaginn til bílalæknis. Á miðvikudaginn komst Ólíver í símann minn og eyðilagði hann, svo ég er búin að vera símalaus í þrjá daga. Það er lúmskt þæginlegt, maður neyðist svolítið til að slappa af. En ég ætla að labba í Kringluna á eftir og fara með hann í viðgerð. Fær maður ekki örugglega lánssíma??
Kíkti líka á Sushi samba á miðvikudagskvöldið með Beggunum mínum, eftir að vera búin að sækja Gyðu systir út á flugvöll og nýja kærastann hennar (vúbb vúbb) en okkur fannst það frekar ótrúlegt að kallað var tvisvar sinnum á lækni í ferðinni þeirra frá Danmörku, en Gyða systir er að klára kandídats árið sitt í læknisfræði og skellti sér í læknahlutverkið í ferðinni. Hentugt fyrir hana til að hrífa nýja kæró upp úr skónum ;)
En svo ákváðum við að skella okkur upp í bústað með okkar bestu Beggu og Mikael. Fórum seint á fimmtudagskvöldið og komum um fimm leytið í gær. Mjög góð eins dags ferð og braut alveg upp vikuna. Algjör snilld að komast aðeins út í sveit og borða góðan mat og leyfa hundunum að hlaupa um eins og kýr á vorin.
Þegar við komum heim í gær var mamma byrjuð að elda hangikjöt og meððí, og ákváðu þau mamma og pabbi að þrífa alla íbúðina okkar hátt og lágt til að koma okkur á óvart þegar við kæmum heim. Yndislegt! Gott að koma heim úr sumarbústað í hreint hús og hátíðarmat! Svo var matur um 7 leytið þar sem við sátum 10 saman og átum yfir okkur af hangikjöti. Váá hvað hangikjöt er gott!
Gleðilega páska
xxxx
Skrifa Innlegg