Já það er til!
Ég skal segja ykkur mína sorgarsögu. Ég er hvítingi. Fólk gerist ekki mikið hvítari en ég! Ég hef glímt við þetta “sindrum” frá fæðingu og alltaf dreymt um sundbolafar á sumrin eða bikinífar eftir sólalandarferðina, en ekkert.
Kynntist ég Brazilian Tan á unglingsaldri og fannst ég hafa dottið í lukkupottinn! Ég makaði því á mig daga og nætur og fannst ég loksins komin með fallegan húðlit en tók eftir því á myndum af mér að ég var alltaf svolítið appelsínugul. Við frekari skoðun sá ég að ég hafði heldur betur getað verið greind með tanorexíu á háu stigi og eru margar myndirnar af mér EKKI fagrar af þessu einkennandi tímabili í mínu lífi- skinkutímabilinu!
Þegar ég loks áttaði mig á þessari áráttu og fór að átta mig á fíkninni fór ég að endurskoða brúnkukremsinnkaupin.
Ég hætti alveg að nota brúnkukrem. Fólki brá. Hélt ég væri veik. Sagði ég þyrfti meiri útiveru. Ég grét.
Byrjaði þá leitin að fallegum húðlit að nýju. Ég prófaði brúnkukrem frá mögulega öllum vörumerkjum markaðsins og endaði í Dove-kreminu (rakakrem með smá lit) sem mér líkaði vel. Hef ég notað það núna í nokkur ár en þótti alltaf óþæginlegt hvað ég varð klístruð að því. Lét mig hafa það.
Það til nú!
Ég fann það!
XEN-TAN brúnkukremið er minn nýji uppáhalds vinur. Það er brúnt á litinn sem gerir það að verkum að þú sérð hvar það fer á líkamann, sem kemur í veg fyrir að óheppilegir líkamspartar gleymast. Það er ekki vond lykt af því, reyndar frekar góð lykt af því. Liturinn sem kemur af því er kaldur og raunverulegur, en hægt er að fá mismunandi litatóna. Ó, og ekki gleyma að það dugar og dugar endalaust! Ég er búin að eiga það í mánuð, setja það á mig um fimm sinnum og það sést varla að ég hafi opnað túpuna. Ég þarf ekki að hafa fleiri orð um þetta mál. Þetta er einföld snilld!
Frá hvítingja til hinna hvítingjanna: Opnið veskin og hlaupið út í búð að kaupa ykkur Xen-tan fyrir helgina!
xxx
Xen-tan fæst í öllum helstu apótekum landsins og þetta krem kostar um 5-6 þúsund krónur.
Skrifa Innlegg