Í nóvember fór ég svo langt út úr þægindarrammanum að ég sá hann ekki lengur.
Blaðamaður frá Húsum&Híbýlum hafði samband og bað mig um að vera með í hátíðarblaðinu sem kom út í byrjun desember. Aðalfókusinn var á fiskaseríuna mína Fagur fiskur í sjó og datt mér ekki til hugar að neita svo flottri umfjöllun um þetta skemmtilega gæluverkefni.
Ég þurfti að skreyta allt heima um 10.nóvember sem eftir á að hyggja var mjög fínt, því það var svo mikið um að vera hjá mér fram að jólum að ég hefði annars ekkert skreytt. Jólatréð var dautt viku fyrir jól í kjölfarið, en ég svo átti margar huggulegar kvöldstundir í nóvember og desember horfandi á tréð með heitt te og tölvuna í fanginu svo það var alveg þess virði.
Með góðfúslegu leyfi Birtíngs fékk ég að birta myndirnar sem teknar voru fyrir hátíðarblað Húsa&Híbýla, en Hákon Davíð Björnsson ljósmyndari tók myndirnar og Elva Hrund Ágústsdóttir blaðamaður var umsjónarkona.
Hangandi blómapottur frá Postulínu sem er í vandræðalega miklu uppáhaldi.
Ég á svo mikið af skemmtilegum og gömlum kokkabókum sem ég leyfi að njóta sín í eldhúsinu.
Mynd eftir Ása fatahönnuð.
Herbergið hans Ólívers litla prins. Beljan er í algjöru uppáhaldi en hana keypti ég í Osló og dröslaðist með til Íslands síðasta sumar.
Skenkurinn er húðaður með marmarafilmu sem við settum á síðasta vor.
Jólatré og aðventudiskur frá Postulínu.
Gráa gæsin að drekka kaffi í stofunni.
Í eldhúsinu settum við upp tússtöflu fyrir skipulag heimilisins, en ég fékk að stroka það út og gerði svona fínt krass í staðin =)
Stólarnir eru frá ömmu hans Emils en þeir voru sérsmíðaðir handa henni fyrir um 40 árum síðan. Við létum dekka þá upp og fengum GÁ-húsgögn til að setja hvítt leður og pússa upp viðinn. Ég er mjög ánægð með þá þó svo að það sé erfitt að halda þeim hreinum.
Jæja, þá er ég berskjölduð. En eins og þið sjáið þá er ég mjög geómetrísk, það þarf allt að vera svolítið á sínum stað en á mjög þægilegan og heimilislegan hátt. Ég elska að blanda gömlum munum og nýjum saman og gera heimilið þannig persónulegt og notalegt. Blanda af náttúrulegum efnum og tilbúnum efnum er hið fullkomna jafnvægi heimilis að mínu mati. Grænar plöntur gefa líf og léttara andrúmsloft og þó svo að ég kunni ekkert að halda lífi í þeim, þá get ég ekki lifað án þeirra.
xxxxxx
Theodóra Mjöll
Skrifa Innlegg