Mánudaginn eftir RFF fór ég í kreisí myndatöku með Hildi Yeoman þar sem fötin úr sýningu hennar Yulia voru mynduð.
Þið sem fóruð á sýninguna hennar muna eftir kraftinum í sýningunni, taktinum, uppreisninni og pönkinu sem fylgdi. Þið sjáið á myndunum hér fyrir neðan sem Saga Sig tók að hún náði fram sömu tilfinningum og takti og ríkti á sýningunni sem mér finnst ferskt og mjög frumlegt.
Hildur er sönn sjálfri sér og er viss uppreisn áberandi einkenni hönnunar hennar. Hún vinnur ávallt með miklu fagfólki og er í sífellu að ögra sjálfri sér og öðrum með óskýrum línum á milli listar og hönnunar í fatalínum sínum. Ótrúlegt talent þarna á ferð sem aðrir hönnuðir geta lært mikið af. Hún hefur einnig verið að kenna í fatahönnunardeild Listaháskólans og hef ég heyrt frá nokkrum nemendum að hún er svaðalegur kennari- no merci! =)
Ísak Freyr förðunargúrú farðaði módelin með vörum frá L´oreal, Saga Sig tók myndirnar, Edda Guðmundsdóttir ofurstíllisti að sjá um stíliseringu, Hulda Halldóra aðstoðaði á setti og svo fékk ég það hlutverk að gera hárið. Módel eru Kolfinna K og Brynja G frá Eskimo….. Ekki slæmt lið! =)
Ísak, Saga, Hildur, Edda og Kolfinna….vantar bara mig og Huldu en við vorum að taka myndina =)
Skrifa Innlegg