Ég er ekki tengd síðunni hárið.is
Eins og þeir sem lásu bloggið mitt í gær taka eflaust eftir, þá fjarlægði ég bloggið “ég er ekki hárið.is” af netinu.
Ég get vel skilið eftir að hafa lesið bloggfærslu gærdagsins nokkrum sinnum yfir, að bloggið væri hægt að misskilja á marga vegu. Það sem ég sé að hafi misskilist einna mest, er að ég var ekki að gagnrýna vefsíðuna sjálfa,
Eins og ég segi, þá var gagnrýnin ekki beind að fólkinu sem heldur úti síðunni “hárið.is” og alls ekki innihaldi síðunnar.
Þvert á móti þá gleðst ég mjög yfir komu slíkrar hársíðu, en öll hárumræða er ég mjög ánægð með því á henni græða allir.
Mér finnst hugmynd síðunnar mjög góð og hvet fólk til að kíkja á hana í leit að uppl. varðandi hár.
Eftir mjög langt og strangt starf kom út bókin mín í október síðastliðin. Þetta var mjög erfið vinna og bjó á bakvið hana rúmlega tveggja ára starf. Þess vegna er ég einkar viðkvæm fyrir því að einhver eða einhverjir séu að tengjast því sem ekki eigi það inni. Þegar bókin kom út var farið af stað í mikla markaðssetningu fyrir Hárið og hef ég fengið margar ábendingar um að fólk hafi tengt facebook síðuna “hárið.is” við bókina. Enda leið einungis mánuður frá útgáfu bókarinnar þar til síðan var komin í loftið, einmitt á sama tíma og ég var á fullu í að markaðsetja nafnið á bókinni.
Ég á ekki nafnið “Hárið” en þykir árekstur í ljósi markaðssetningar bókarinnar mjög óheppilegur og eins og þeir sem hafa haft samband við mig bauð þetta augljóslega upp á misskilning um tengsl. Sérstaklega þar sem stendur hvergi hver er á bak við síðuna og ég er á fullu að markaðsetja nafnið á bókinni.
En eins og ég segi á ég alls alls ekki nafnið og þó ég hafi skrifað bók sem fékk nafnið Hárið, þá skrifað ég ekki söngleikinn Hárið og hef ekki verið að reyna að tengja mig við það, en augljóslega er hægt að gera þau mistök að tengja “hárið.is” við mitt verk þar sem hún fjallar um sama efni.
Hvað varðar fagmennsku og slíka umfjöllun þá vil ég árétta að ég er menntuð hárgreiðslukona og eftir fjögurra ára nám í faginu og að hafa unnið við fagið þá þykir mér ég hafa einhvern fróðleik um efnið til að deila. Mér þykir fagmennska í umfjöllun skipta miklu máli en öll gagnrýni er velkomin, án hennar þróast ekkert áfram og við stöðnum.
Ég vil minna á að taka ekki við fagráðleggingum frá hverjum sem er. Ég tek ekki ráðleggingum í lögum frá ólærðum, enda myndi slík aðstoð ekki hafa mikið uppá að bjóða, þess vegna hef ég leitað til fagaðila í því sem ég þarf að fá aðstoð við, hvort sem það er varðandi lagaleg atriði, fjármál eða húðina mina.
Þessi orð eru ekki beind að fólkinu sem heldur úti síðunni “hárið.is”, enda er öll umfjöllun vefsíðunnar hlutlaus. Þessi orð eru beind að okkur öllum. Setjið spurningarmerki við allar ráðleggingar sem þið fáið/gefið og lesið/skrifið um á netinu. Frá mér meðaltaldri. Reynið að tileinka ykkur gagnrýna hugsun þegar kemur að því að fá ráðleggingar frá öðrum. Kynnið ykkur hver eða hverjir eru á bak við það sem þið takið mark á.
Einhverjir lásu bloggið mitt í gær og tóku úr samhengi það sem ég sagði um námið. Hárgreiðsla er fjögurra ára nám og í kjölfarið þarf að leggja mikla vinnu á sig til að öðlast fagkunnáttu. Það er ekki vilji minn að gera hærra undir einu námi á kostnað annars en það sem ég skrifaði um samanburð við BA nám þykir mér eiga vel við. BA nám er þriggja ára fagnám, hvert svo sem sviðið er. Hárnámið er fjögurra ára fagnám, og því verr og miður hafa margir litið niður á iðnám og hef ég jafnvel í gegnum árin því miður rekist á einstaka aðila sem gera lítið úr þeirri menntun sem býr á bakvið háriðn og þeim sem hafa valið sér þetta verðuga fagsvið.
Til að koma í veg fyrir alla mögulega gagnrýni á það sem ég er að skrifa hér vil ég árétta að ég er sjálf á þriðja ári í mínu BA námi. En ekki taka þetta úr samhengi kæri lesandi, ég er ekki að gera hærra undir einu námi fram yfir annað, ég vil bara að fólk viðurkenni þá miklu vinnu sem býr á bakvið hvert nám fyrir sig.
Ef þú hefur ekki í misgripum talið mig tengjast “hárið.is” þá þakka ég þér samt kærlega fyrir að hafa nennt að lesa niður alla þessa bloggfærslu en annars þá vil ég einungis koma þessu fram til áréttingar um það að ég er ótengd þessari síðu að öllu leyti. Enda legg ég mig fram við það að koma alltaf fram undir nafni einsog ég geri hér á Trendnetinu.
Í gær fékk ég mjög harða gagnrýni fyrir skrif mín og var gagnrýnin flest beind að mér persónulega og var ég einfaldlega ekki að höndla það. Ég hef gefið mig út fyrir að vera með breitt bak og sterk bein, en svo þegar hríðskotin féllu á mig þá gerði ég mér grein fyrir því hversu brothætt ég er og viðkvæm.
Það sem ég hef lært af þessu er að skrifa ekki blogg í ham, ritskoða vel það sem ég hef að segja og bera virðingu fyrir netinu.
Að því sögðu vil ég biðja þá lesendur afsökunar sem ég hef sært, en það var ekki ætlun mín. Finnst mér mjög leiðinlegt hvernig þetta fór og vona að þið getið fyrirgefið mér.
Kærleikskveðja
Theodóra Mjöll
Skrifa Innlegg