Gleðilegt nýtt ár kæru lesendur!!
Ég veit ekki með ykkur en mér fannst 2016 ansi fljótt að líða og er það frekar surrealist að það sé búið, ekki nóg með það heldur eru tveir dagar liðnir af nýju ári(!!)
Á nýju ári er ég vön að líta til baka og rifja upp stundir sem áttu sér stað á liðnu ári.. Ef yfir heildina er litið átti ég bara nokkuð gott ár og náði að skapa skemmtilegar minningar með fólkinu í kringum mig, og get ég ekki beðið eftir að byrja 2017 almennilega, en hef það á tilfinningunni að það ár verði ekkert síðra en 2016… En ég ákvað að taka saman nokkur moment saman sem standa uppúr og deila þeim með ykkur.
Ég og kærastinn minn fórum í vikuferð til Amsterdam snemma á árinu, var sú ferð virkilega skemmtileg enda mjög falleg borg sem erfitt er að láta sér leiðast í…
Í sumar flutti ég suður og bjó heima hjá Dodda – kærastanum mínum, en hef gert það sl. 2 sumur enda erfitt að vera í fjarsambandi allan ársins hring. Ég átti skemmtilegt sumar og kynntist fullt af fólki, og var í virkilega skemmtilegum vinnum sem gerði sumarið enn betra.
WIRELESS – toppurinn á árinu, oh lord hvað þetta var gaman, væri til í að hafa þessa festival-ferð árlega.
Ég tók þeirri áskorun að bjóða mig fram í 4.-6. Sæti. Á lista XD í NA- kjördæmi fyrir kosningarnar í haust, er ég afar þakklátt traustinu sem mér var sýnt þegar ég var kosin í 6. Sætið, en ég var ekki alveg að búast við því þar sem ég var aðeins 18 ára. Að vera í framboði var mikil lífsreynsla sem tók ákveðinn toll af félagslífi og náminu. Þrátt fyrir það er ég ánægð með að hafa fengið þetta tækifæri og er reynslunni ríkari.
Á árinu fékk ég gleðigjafann Roða í hendurnar <3 Fyrir áhugasama á hann sinn eigin instagram aðgang: Rodiithedog
Það að hafa fengið að vera partur af trendnet stóð svo sannarlega upp úr á árinu. 16 ára hefði mér aldrei grunað að ég yrði partur af uppáhalds bloggsíðunni minni.
–
X Melkorka
Skrifa Innlegg