Það er orðið allt of langt síðan ég lofaði sýnikennslumyndbandi fyrir það hvernig ég notaði ljósan og dökkan hyljara til að móta andlitið. En ég skrifaði færslum það HÉR sem ég nefndi Stríðsmálningin.
Að móta andlitið fyrst með ljósum og dökkum hyljurum er mjög vinsælt meðal makeup artista um heim allan og sérstaklega þegar kemur að því að farða stórstjörnur fyrir rauða dregilinn. Þá eru þettir hyljarar notaðir í andstæðum litum til að móta andlitið, draga fram og skyggja, og léttur farði settur yfir. Ég sýni þetta allt í videoinu hér fyrir neðan sem ég vona að þið hafið not fyrir og svari mögulega spurningunum ykkar fyrir það hvernig ég blandaði litunum saman.
Hér sjáið þið svo betur vörurnar sem ég notaði í þessu sýnikennsluvideoi…
Húð:
True Match Concealer frá L’Oreal, Top Secrets BB Cream frá Yves Saint Laurent og Dream Touch Blush frá Maybelline.
Augu:
Brow Drama augabrúnalitur frá Maybelline og Haute & Naughty Lash maskari frá MAC.
Varir:
Rouge Allure Extrait De Gloss frá Chanel í litnum Controversy nr. 72.
Stundum þarf maður ekkert að flækja farðanir með alltof mikið af vörum:) Hér fyrir neðan sjáið þið svo betur hyljarana tvo sem ég notaði. Ég var með lit nr. 1 og lit nr. 4 en það er til einn dekkri litur í viðbót en þessi nr. 1 er sá ljósasti. Þetta eru eiginlega uppáhalds hyljararnir mínir. Ég nota sjálf lit nr. 1 á hverjum einasta degi. Hann hylur bara allt sem þarf að hylja, ef ég fæ bólu þá hverfur hún undir hyljarann og sama má segja um bauga í öllum regnbogans litum:)
Loks er hér smá lokamynd af heildarlúkkinu. Ég vildi bara leyfa mótuninni að vera í aðalhlutverki í þessu myndbandi svo ég var ekkert að stressa mig of mikið á því að vera með einhverja svaka förðun en ég vildi samt gera smá meira, alla vega klára förðunina:)
Ég vona að þetta hafi hjálpað ykkur – einhverjar séróskir fyrir næstu sýnikennslumyndbönd?
EH
Skrifa Innlegg