Hér sit ég föst við tölvuna með lista af verkefnum sem ég þarf að klára fyrir morgundaginn svo ég tali nú ekki um að undirbúa mig fyrir upptöku á nýjum sýnikennsluvideoum fyrir nýjungar frá Real Techniques – jebba Bold Metals kemur í sumar ;)
En verkefnin fengu að sitja hakanum þegar ég fór að láta mig dreyma um mig, kasólétta í flottum léttum sumarkjól og í hvítum leðurjakka – mögulega eitt það steiktasta sem ég hef lengi gert en ég á mjög auðvelt með að láta mig dreyma um nýjar flíkur í fataskápinn þegar ég á að vera að gera eitthvað allt annað…
Svo ég tók mér pásu frá vinnu til að sýna ykkur hann – jakkann sem verður í draumum mínum í nótt og fer ekki þaðan fyr en ég hef mátað hann.
Þessi er væntanlegur í Vero Moda fyrir helgi en ég á fullkominn svartan leðurjakka eins og þið kannski munið eftir en ég á ekki hvítan. Svo í staðin fyrir að klára vinnuna þá fór ég á pinterest og skoðaði streetstyle myndir af dömum í hvítum leðurjökkum – bara svo það sé á hreinu þá upplifi ég mig sem mikið fórnarlamb minnar eigin yfihafnafíknar þessa stundina, þið viljið ekki vita hvað þær eru margar. En ég á engan hvítan leðurjakka! :D
Hvað finnst ykkur um hvítan leðurjakka fyrir vorið/sumarið já eða nei?
EH
Skrifa Innlegg