Ég er sjúk í pastelliti í augnablikinu… sérstaklega bláan. Ég hef nú alltaf hrifist af bláum lit og á þónokkrar navybláar flíkur í fataskápnum. En ég hef tekið ástfóstri við pastel bláan og sanka að mér myndum þar sem sá litur er í aðalhlutverki:)
Mér finnst sérstaklega fallegar heimilismyndirnar og ég væri alveg til í svona bláan Smeg ísskáp. Liturinn á veggjunum heima er mjög ljósdrappaður en ég stakk uppá því um daginn að mála allt hvítt – sú hugmynd fékk ekki góðan hljómgrunn. En ég held áfram þar sem ég held að pastel blái liturinn í heimilismunum passi betur við hvítt en drappað – kannski er það miskilningur:)
Við kíktum í Smáralindina í gær og versluðum sumarjakka fyrir Aðalstein í versluninni Esprit – það er ótrúlega mikið fallegt þar og ég er með langan óskalista þaðan í augnablikinu;) Efst er þó þessi fallega ljós pastel bláa skyrta sem kostar rúmar 10.000kr – myndin gefur henni ekki alveg nógu góð skil því hún er algjört augnayndi úr léttu efni sem er fullkomið fyrir sumarið. Ég er á einhverju voða skyrtutímabili núna…!
Fullkomin við ljósar eða jafnvel hvítar gallabuxur í sumar.
Skemmtilegur litur sem er eitt af aðaltrendum sumarsins miðað við það sem ég sé í verslunum og hjá öðrum bloggurum útí heimi;)
EH
Skrifa Innlegg