Sumar farðanir eru svo flottar að ég fæ bókstaflega gæsahúð þegar ég virði þær fyrir mér. Það gerðist einmitt inní Hörpu á degi tvö þegar ég labbaði inn á förðunarsvæðið og sá förðunina sem Guðbjörg Huldís skapaði fyrir Another Creation. Ég hef bara sjaldan séð jafnmikla fegurð og förðunin, hárið og fötin mynduðu svo flotta heild að ég vissi ekki hvert ég ætlaði.
Línan frá Ýr er sannarlega glæsileg og ég dáðist af flík á eftir flík á eftir flík þegar ég horfði á sýninguna. Ég hvet ykkur til að skoða hana betur á RFF blogg í beinni HÉR.
Ég veit voða lítið hvað ég á að segja um förðunina – hún var fullkomin í alla staði og Guðbjörg Huldís sló í gegn með þessu lúkki. Hún sagði mér baksviðs að hún hefði aldrei verið fullkomlega sátt með lúkkið fyr en þarna um morguninn í Hörpu – þá small allt saman og þessi töfrandi förðun varð til. Ég vil helst bara leyfa myndunum að segja sitt…
Hér sjáið demo förðunina sem Guðbjörg gerði til að sýna stelpunum lúkkið. Hún Urður blasti við mér þegar ég labbaði inná svæðið og ég vissi bara ekki hvert ég ætlaði.
Sjáið þið þessa fallegu blöndun um augun – ég bilast!
Hér sjáið þið hárið sem Theodóra okkar hannaði – fullkomið við förðunina – svakalega gott samstarf greinilega þarna á milli!
Ásdís að störfum…
Edda P opnaði sýninguna – hér er það hún Flóra sem farðar hana.
Það var ótúlega gaman að sjá hvað þetta dramatíska lúkk fór öllum þessu flottu og ólíku fyrirsætum vel.
Allt fer henni Andreu okkar vel en þetta lúkk var sérstaklega flott á henni!
Fallega forsíðustúlkan hún Eydís gekk í þremur sýningum af fjórum þennan dag!
Brynja er líka með eitt af þessum andlitum sem fer allt vel – eruð þið að sjá þessa förðunarfegurð!
… ég bilast þetta er svo fallegt!
Persónulega verð ég að segja að þessi förðun var sú flottasta á RFF í ár – ég get ekki enn hætt að hugsa um hana og Guðbjörg á skilið endalaust af hrósum fyrir þessa fegurð.
Hvað finnst ykkur?
EH
Skrifa Innlegg