Það eru sannarlega alltaf gleðifréttir þegar ný og glæsileg lína kemur í verslanir MAC á Íslandi – sú verður raunin á morgun klukkan 10:00 þegar Cinderella línan mætir í MAC Kringluna. Línan er virkilega flott og vel heppnuð – hún er einföld og falleg og inniheldur klassískar vörur sem allar konur geta notað. Ég hef nú þegar skrifað um línuna en mig langaði að sýna ykkur eina af vörunum sem ég fékk fyrir nokkru síðan og er búin að bíða spennt með að sýna ykkur.
Persónulega finnst mér must have að eiga annan af tveimur varalitum úr línunni, beauty púður, augnskuggapallettuna og svo kannski eins og eitt pigment. Ég mæti að sjálfsögðu hress í fyrrmálið og tryggi mér þær vörur sem ég hef augastað á.
En hér sjáið þið varalitinn fína…
Þessi er klassískur, sumarlegur og hentar fyrir alla við öll tilefni!
MAC Cinderella – Royal Ball
Hér sjáið þið svo línuna – hún er ekki stór en falleg er hún. Mér finnst glossin líka virkilega falleg og ef ég mætti ráða myndi ég taka eitt af öllu með mér heim á morgun en ég held að það sé ákveðið plássleysi í snyrtivörukommóðunum hjá mér og ég ætti kannski að grisja þar úr áður en ég bæti meiru í þær!
Ég hvet ykkur sem langar í vörur úr línunni til að mæta snemma – mér þykir líklegt að það muni myndast einhver biðröð fyrir utan búðina sem opnar klukkan 10:00. Línan kemur í takmörkuðu upplagi og það er ekki mikið af hverri vöru sem kemur svo það er um að gera að mæta tímanlega svo þið getið tryggt ykkur vörurnar sem eru á óskalistanum.
EH
Varan sem ég skrifa um hér fékk ég senda sem sýnishorn Það hefur þó engin áhrif á álit mitt á vörunum og eins og alltaf veiti ég hreinskilið álit.
Skrifa Innlegg