Mig langaði að koma með eitt tips fyrir fallega og sumarlega augnförðun en jafnframt hrikalega einfalda. Mögulega eru margar ykkar að fara á skemmtilega tónlistarhátíð núna um helgina og veðrið hér á Íslandi er kannski ekki uppá sitt besta. En hér er ein tillaga frá mér um hvernig þið náið björtum fallegum eyeliner sem endist fullkominn þrátt fyrir rigningu og skúr eða bara svita vegna of mikils dans :)
Eyeliner í björtum lit er sniðugt að velja í takt við augnlitinn ykkar til að hann vinni með honum og gerir augun því enn bjartari og fallegri.
Til að ná svona þéttum lituðum eyeliner með spíss þurfið þið bara eyelinerblýant í skemmtilegum lit og Silicone eyelinerburstann frá Real Techniques. Ég gerði bara þétta línu meðfram augnhárunum mínum og notaði svo eyelinerburstann til að draga út spíssinn. Ef mér fannst vanta meiri lit þá bætti ég bara aðeins við. En mér finnst alls ekki þurfa að gera það þegar ég er með mjúka eyelinerblýanta þeir eru svo þéttir í sér og leikur einn að móta þá á skemmtilegan hátt!
Þetta er svo lítið mál ég lofa því – þetta tekur innan við mínútu. Það er auðveldara að móta spíss með blýanti þar sem maður þarf kannski ekki að vera alveg jafn 100% nákvæmur og með blauta eyelinera.
Eyelinerinn sem ég notaði er einn af tveimur sumarlitum sem eru nú fáanlegir á Íslandi frá YSL. Við fengum ekki alla línuna til landsins en bara þessa skemmtilegu blátóna liti í bæði naglalökkum og eyelinerblýöntum.
Eyelinerblýanturinn heitir Dessin Du Regard Waterproof og liturinn heitir Bleu Acqua nr 12. Ég er sjúklega skotin í þessum lit og á eftir að nota hann mikið í sumar. Þrátt fyrir að eyelinerinn sé vatnsheldur eins og nafnið gefur til kynna þá er lítið mál að vinna með hann og móta línuna og kosturinn er að hann haggast ekki. Það er eins og þeir hjá YSL hafi vitað að það stefndi í rigningarsumar á Íslandi!
En eins og ég segi þá komu þessir tveir litir sem þið sjáið hér fyrir ofan í eyeliner og naglalökkum. Ég skartaði við þennan eyeliner því bláu naglalakki og alveg bláu bláu!
Lakkið er með sanseraðri áferð og það kom mér á óvart hversu sterkur blái liturinn var en ég er þrátt fyrir það með tvær umferðir mér finnst lökkin bara alltaf endast betur og vera áferðafallegri eftir tvær umferðir. Liturinn heitir Bleu Cyclades.
Eins og þið ættuð að vera búnar að ná þá er sumarlínan frá YSL innblásin af hrifningu Yves Saint Laurent á öllum litum sjávarins og því einkennast vörurnar af alls konar fallegum bláum tónum.
Eins og ég segi – ein af mínum uppáhalds sumarförðunum og virkar alltaf. Ég er búin að sanka að mér miklu fleiri fallegum eyelinerblýöntum í björtum litum og ég ætla að reyna að nota þá sem mest í sumar – helst í sól en þessir vatnsheldu virka vel í skúr!
EH
Vörurnar sem ég nota í þessari færslu fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit á vörunum.
Skrifa Innlegg