Dior er eitt af mínum uppáhalds tískuhúsum. Þetta er merki sem mér finnst ná að sinna öllu sínu mjög vel og það er mikið samstarf á milli deilda. Síðasta sumar kom t.d. augnskuggapalletta í tveimur mismunandi litum en umbúðirnar hannaði aðal skargripahönnuður merkisins. Fötin eru falleg, ilmirnir dásamlegir, skartgripirnir smekklegir og snyrtivörur sem eru miklar gæða vörur.
Gjafaöskjurnar sem komu frá merkinu fyrir jólin eru þær fallegustu sem ég hef séð. Það er lagt ótrúlega mikið í vörurnar og þá sérstaklega umbúðirnar. Ég er heilluð af einu veskinu sem inniheldur 6 augnskugga, 2 varalitir, 2 varaglossa, púður, maskara og 2 bursta. Það er ekki bara innihaldið sem heillar heldur taskan sjálf – loksins hefur draumur minn ræst og ég á ekta Dior veski!!!
Inní veskinu sjálfu er smá standur þar sem förðunarvörurnar eru í ég tók hann bara uppúr, hafði lokið yfir vörunum og smellti því í skúffuna á snyrtiborðinu mínu þar sem það smellpassaði.
Hér sjáið þið myndir af veskinu og vörunum.
Í næstu viku koma svo nokkur lúkk hingað á síðuna með þessum flottu augnskuggum. Mér finnst nú ekki amalegt að fá svona flottar snyrtivörur og veski með sem er hægt að nota á hverjum degi. Verðið er hlægilegt miðað við að fá þarna tösku sem hægt er að nota. Síminn, kortin og snyrtivörur til að lagfæra smellpassa í veskið – hvað meira þarf maður.
Klárlega ein af jólagjöfunum í ár – segið köllunum ykkar frá þessari!
Þessi fæst t.d. í Hagkaupum, Sigurboganum og held ég Debenhams.
EH
Skrifa Innlegg