Það er svo góð tilfinning þegar maður er yfir sig ánægður með vinnuna sína. Ég get ekki lýst því nógu vel hvað mér finnst ég heppin að geta fengið að vinna við það sem ég elska – sem er förðun og allt sem henni tengist. Ég elska að taka að mér verkefni og sérstaklega þegar ég fæ tækifæri til að vinna með algjör fagfólki!
Ég fékk slíkt tækifæri fyr í sumar á einum af fallegu sumardögunum okkar núna í júní. Myndatakan var fyrir Nýtt Líf og sýndi íslensku hausttískuna – svart og rautt var í aðalhlutverki.
Matta er svo ótrúlega flott fyrirsæta og ótrúlega gaman að fá að vinna með henni sem ég hafði aldrei gert fyr en þarna. Myndin sem þið sjáið hér fyrir ofan birtist á forsíðu síðasta tölublaðs Nýs Lífs sem kom mér skemmtilega á óvart þar sem ég vissi ekkert af því og um leið fékk ég mína fyrstu forsíðu fyrir Nýtt Líf og vonandi ekki þá síðustu!
Ljósmyndari: Rafael Pinho
Stílisti: Anna Clausen
Fyrirsæta: Matthildur
Förðun: ég með vörum frá L’Oreal og Real Techniques förðunarburstum
Þetta var í annað skipti á stuttum tíma sem ég fékk að vinna með Rafael og Önnu – þvílíkt draumateymi og frábær í því sem þau gera. Allt er svo effortless og svo flott og þetta er fagfólk fram í fingurgóma. Ég vona að ég fái að vinna með þeim brátt aftur!
Mig langar svo að nýta tækifærið og hvetja ykkur til að kíkja á nýjasta tölublað Nýs Lífs þar sem Salka Sól er á forsíðunni – þessa þekki ég ekki neitt því miður en hún er nú þegar ein af mínum uppáhalds söngkonum og útvarpskonum. Virkar svo vel á mig svo heil og flott stelpa sem er að gera skemmtilega og flotta hluti.
Í blaðinu finnið þið svo líka viðtal sem Elísabet okkar tók við Jean Pauk Gaultier og hún Lilja Ósk vinkona mín fer á kostum á snyrtivörusíðunum! Lilja er sú sem ég treysti betur en sjálfri mér þegar kemur að því að velja snyrtivörur og meta gæði þeirra. Hún er svo pro í snyrtivöruskrifum og svo gaman að lesa það sem hún skrifar. Ég tryggði mér þetta eintak útí bókabúð um leið og það kom út og ég mæli með að þið gerið slíkt hið sama!
EH
Skrifa Innlegg