Ég er mjög skotin í Liquid Sand naglalökkunum frá OPI. Á netvafri mínu um daginn rakst ég á skemmtilega síðu sem innihélt myndir af öllum litunum sem OPI hefur sent frá sér í þessum lökkum. Ég á nú þegar þrjá liti, einn dökkbrúnan með gylltum undirtóni, einn ljósbleikan og svo hvítan. Fyrsti liturinn er úr Oz línunni sem kom í byrjun þessa árs en seinni tveir eru úr Bond skvísu línunni. Ég er alltaf með naglalakk en stundum skortir mig ímyndunaraflið til að finna uppá einhverjum hugmyndum. Þess vegna fannst mér skemmtilegt að renna yfir þessa síðu HÉR.
Ef þið hafið ekki prófað þessi naglalökk þá eru þau með mattri sandáferð. Lökkin eru mjög skemmtileg og öðruvísi ;)
Hér sjáið þið nokkrar myndir sem ég fékk að láni frá síðunni. Henni er greinilega haldið úti að OPI fyrirtækinu því allar myndirnar eru vel merktar. En í staðin þá eru allar myndirnar mjög flottar og allt litaúrvalið sem er í boði er inná síðunni.
Það eina sem mér fannst vesen við að vera með Liquid Sand nagalakk var að taka það af… það tekur alveg sinn tíma ég lýg engu með það. En inná síðunni rakst ég einmitt á leiðbeiningar um hvernig væri best að ná naglalakkinu af sér. Ég hefði nú alveg átt að geta sagt mér þetta sjálf – að sjálfsögðu átti ég að nota fjólubláa asintone-ið frá OPI. Það er mjög sterkur eyðir sem er t.d. notaður til að fjarlægja gellökkin frá OPI. 
Setjið eyðinn í bómul og haldið honum þétt uppvið lakkið í 30-60 sekúndur. Þrífið svo neglurnar varlega. Með því að leyfa eyðinum að liggja svona þétt uppvið nöglina leysið þið lakkið upp og það er auðvelt að strjúka það í burtu. Undanfarið hef ég þó notað meira hreinsiþurrkur – sett eyðinn í þær. Þær eru mun sterkari en bómull, mér finnst hann rifna svo auðveldlega og stundum fer hann hreinlega í klessu. Ég skrifaði einmitt um þessa aðferð fyrir stuttu síðan.
Hvet ykkur til að kíkja á þessa síðu – ég er alla vega uppfull af innblástri eftir þessa heimsókn. Nú hlakka ég bara til að sjá hvaða litir koma í Liquid Sand lökkunum í jólalínunni frá OPI sem er væntanleg!
EH
Skrifa Innlegg