Mér þykir alltaf gaman að koma heim eftir vinnu þegar ég veit að heima mun bíða mín spunkunýtt tölublað af Nýju Lífi! Ég átti þannig dag á fimmtudaginn…
Pakkinn var tvöfaldur að þessu sinni, nýjasta tölublaðið og sumarhandbókin, bæði tölublöðin eru glæsileg og virkilega vel unnin sem er svo sem ekki af öðru að búast hjá þessari fínu ritstjórn.
Blaðið kom mér líka skemmtilega á óvart en ég fann sjálfa mig í því! Ég er orðin svona svakalega gleymin, ég gleymi án gríns öllu svo ég átti í alvörunni svona – nei ég hér! – móment :)
Ég hleypti hinni yndislegu Adísi Páls inná heimilið og leyfði henni að mynda allt sem tengdist snyrtivörum á heimilinu og mér finnst myndirnar alveg æðislegar! Ég svaraði svo nokkrum spurningum frá henni Lilju minni sem stýrir snyrtikaflanum í blaðinu og úr varð þessi skemmtilega síða. Við Lilja grínuðumst svo með það að þetta væri eflaust í eitt af fáum skiptum sem ómáluð dama sæti fyrir á myndum í blaðinu og hvað þá í snyrtikaflanum en ómálaðri líður mér best og þetta átti að vera dáldið ekta.
Sumarhandbókin finnst mér líka æði og mér fannst sérstaklega gaman að sjá þessar myndir…
Hér má sjá samstarf NIKE og Andreu Magnúsdóttur fatahönnuðar og myndirnar eru fleiri og hver annarri fallegri en það er líka hún Aldís mín sem tók þessar myndir.
Mæli sannarlega með að þið grípið ykkur eintak af þessum tölublöðum sem fyrst – fullkominn lestur í sumarfríinu!
EH
Skrifa Innlegg