Eins og ég er búin að tjá mig um þá hef ég nú hafist handa við að finna mér almennilegan íþróttafatnað! Ég skellti mér í heimsókn í Nike verslunina á Lynghálsi í gær og fékk þar ótrúlega flottar ráðleggingar og mátaði helling af fatnaði. Ég tók fullt af myndum sem ég er að fara í gegnum og ætla svo að deila með ykkur á næstu dögum – ég vona að þetta muni nýtast ykkur sem eruð í sömu pælingum og ég;)
Það var þó ein vara sem greip athygli mína strax þegar ég kom inní búðina og það voru þessir skór hér:
Ég held að við mæðginin yrðum dáldið flott bæði saman í Nike skóm!
Sjálf á ég Nike Free 3.0 skó og ég dýrka þá ég er búin að nota þá svo mikið – held ég hafi ekki notað neina skó jafn mikið og þá. Í dag ákvað ég að vera sumarleg og fín og fór í opna þunnbotna skó með flötum botni úr H&M – svo skellti ég mér í smá labbitúr í dag og ég hef aldrei bölvað sjálfri mér jafn mikið að hafa ekki farið í þæginlegu fínu strigaskónnum mínum. Ég mun ekki gera þessi mistök aftur – en það væri jafnvel sniðugt að fara að fá sér fleiri Nike týpur – það má þó deila um það hvort fleirum í fjölskyldunni finnist það jafn sniðugt eða nauðsynlegt :D
Nike Free Fit skórnir heilla mjög mikið – ég mátaði nokkra þannig:
Ég veit samt ekki hvaða lit ég myndi velja… grænu finnst mér geðveikir – gulu finnst mér líka skemmtilegir held að þeir myndu ganga mjög vel við fötin í fataskápnum mínum en hvítir strigaskór fyrir sumarið heilla líka;) Hvaða lit líst ykkur best á?
Svo voru þessir gráu og bleiku sem ég hef nú áður talað um hvað mig langar í líka svo fínir þarna uppá vegg!!
Mínir skór eru merktir 3.0 – talan á botninum – ef ég myndi fá mér aðra svona týpu þá held ég að ég myndi fá mér með merkingunni 5.0 – þá eru þeir stífari og gætu kannski hentað betur í útihlaup.
Mér finnst þetta strigaskótrend svo skemmtilegt mér finnst ég sjá skvísur í fínum kjólum, sokkabuxum og svo nike strigaskóm bara útum allt! En svona á þetta að vera þægindin í fyrirrúmi;) Það er nú hellingur af útskriftum á næstunni ætli það séu einhverjar sem ætli að útskrifast í íþróttaskóm – vá hvað ég hefði verið til í það í staðin fyrir ofur hælana sem ég var í þeir voru rosalegir – 15 cm hæll takk fyrir!
EH
Skrifa Innlegg