Ég er í skýjunum yfir frábærum viðtökum sem videoumfjallanirnar mínar hafa fengið. Ég er alsæl með móttökurnar og hef nú þegar tekið upp þrjú myndbönd í viðbót sem munu birtast næstu daga. Hér fyrir neðan sjáið þið umfjöllun um nýjan farða frá Smashbox.
Farðinn heitir Liquid Halo HD Foundation og ég leyfi nú sjálfri mér að taka við…
Ég klúðraði aðeins fyrir og eftir myndatökunni svo ég ákvað að skjáskot úr myndbandinu yrðu að duga. Persónulega sé ég mikinn mun – sérstaklega á áferð húðarinnar. Muninn sjáið þið líka mjög vel í upphafi myndbandsins og í lok þess.
Farðinn er fáanlegur í 5 mismunandi litatónum og mig langar að endurtaka hér það sem ég segi í myndbandinu um farðann. Hann inniheldur gelhúðuð pigment sem leggjast yfir húðina ykkar og jafna áferðina – svipað og primerinn gerir. Farðinn inniheldur einnig nýja ljósendurkaststækni sem gerir það að verkum að birta í kringum húðina ykkar endurkastast á náttúrulegan hátt af andlitinu svo húðin fær þennan náttúrulega ljóma.
Ég myndi segja að farðinn gefi miðlungs þekju en hana er einfalt að byggja upp og svo getið þið að sjálfsögðu bætt bara við smá hyljara þar sem ykkur finnst þurfa.
Eins og ég segi í myndbandinu þá er ég mjög hrifin af fljótandi farða – mér finnst útkoman alltaf vera svo náttúruleg og ég á auðveldara með að stjóran útkomunni. Ég er með umfjöllun um mína uppáhalds fljótandi farða í undirbúningi – hún mun birtast hér innan skamms.
Hér sjáið þið umfjöllunina um Halo kinnalitinn frá Smashbox.
Ég mæli með því þið sem þurfið á nýjum farða að halda fyrir veturinn eða eruð hrifnar af því að prófa nýjar vörur – kíkið á þennan farða. Hann er alveg málið!
EH
Skrifa Innlegg