Kannski finnst ykkur þetta trend einum of mikið 80’s en þetta er skemmtilegasta trendið að mínu mati. En með því að blanda fallegum og áberandi litum við ykkar litarhaft lítið þið alltaf út fyrir að vera nýkomnar inn úr hressandi skokki – húðin verður svo fersk og lífleg.
Michael Kors FW 2012
Rodarte FW 2012
AF Vandevorst
Issa
Þetta eru kannski svolítið ýkt dæmi en það er oft þannig á tískupöllunum. Kinnalitur á að fara í epli kinnanna svæðið sem verður hringlaga og útstætt þegar þið gerið stór bros. Svo ef þið viljið ýkja hann aðeins þá færið þið litinn uppmeð kinnbeinunum. Reglan er að setja sólarpúður undir kinnbeinin og kinnalitinn á þau – þá poppa þau út og gefa andlitinu fallega lögun.
Kinnalitur er ein af uppáhalds förðunarvörunum mínum – mér finnst þetta alveg vanmetin vara því hún getur breytt svo ótrúlega miklu við útlitið okkar. Ég hvet ykkur til að prófa ólíka og nýja liti á hverjum degi bara eftir þí í hvernig skapi þið eruð. Ég hef mest notað krem kinnaliti á sjálfa mig undanfarið því mér finnst koma svo fallegur glans – ég held ég skipti þó yfir í púðurlitina í vetur, ég skiptist líka eftir árstíðum. Glans á sumrin og matt á veturna.
EH
p.s. ég er að rembast við að taka fallegar makeup how to myndir á kvöldin, þær eru bara ekki alveg að koma nógu vel út. En þetta verður nýjung á nýju síðunni minni sem fer vonandi að birtast sem fyrst. Útitekna lúkkið er komið á hugmyndalistann og endilega sendið mér ef það er einhver sérstök förðun sem þið væruð til í að læra að gera:)
Skrifa Innlegg