Eins og ég var aðeins búin að koma að þá erum við fjölskyldan nýkomin heim úr fríi í Hollandi nánar tiltekið frá borginni Haag. Þar býr bróðir pabba míns og starfar og við ákváðum að nýta okkur boð um fría gistingu og við komum til baka algjörlega heilluð af borginni og landinu. Við náðum að gera og skoða alveg heilmikið á þessum örstutta tíma sem við vorum þar en við ætlum klárlega að fara þangað aftur við fyrsta tækifæri!
Mig langaði að sýna ykkur garðinn sem við heimsóttum síðasta daginn okkar. Garðurinn var í partur af búgarði sem stendur inní miðri borg og var í einkaeigu enn var svo opnaður fyrir almenning. Inní garðinum er japanskur listigarður en fyrri eigandi garðsins var heilluð af japönskum blómum og gróðri og flutti inn til Hollands alls kyns tegundir og muni og úr varð einn fallegasti staður sem ég hef komið á. Við Aðalsteinn sögðum bæði hátt og snjallt VÁ þegar við komum þarna inn. Ég ímyndaði mér að þarna hefði nú svo sannarlega verið æðislegt að ganga um ein í rólegheitunum og njóta þessa gullfallega umhverfis.
Ég var með símann á lofti og langaði að deila með ykkur nokkrum myndum úr garðinum og japanska garðinum líka…
Um leið og maður kom inn í garðinn tóku ofboðslega falleg blóm við manni í alls konar glæsilegum litum!
Hér sjáið þið svo myndir úr japanska garðinum – þetta var alveg stórkostlegt!
Sjáið þessa liti!
Krúttlegt bonzai tré :)
Útsýnið frá einni brúnni yfir sýki…
30 vikna kúlan stækkar hratt!
Litli krúttkallinn minn sem kom allt í einu hlaupandi til mín….
… til að gefa mér blóm – ég bráðnaði…
Tinni Snær skoðar gæsir með Kalla frænda.
Tinni týndi blóm handa öllum – honum fannst þessir garðar alveg æðislegir.
Þessir litir ég bráðna!
Það sem ég kunni líka svakalega vel að meta var að á öllum svona útisvæðum var gert ráð fyrir börnum. Alls konar æðisleg leiktæki fyrir börn á öllum aldri voru í boði og Tinni Snær skemmti sér konunglega og yfirleitt þurfti að múta honum til að ná honum í burtu.
Ég á eftir að sýna ykkur fleiri myndir frá þessari skemmtilegu borg sem ég mæli svo sannarlega með – hún er alls ekki langt frá Amsterdam en Schipol flugvöllurinn í Hollandi liggur eiginlega á milli þessara tveggja borga en það eru um 40 mínútur frá flugvellinum inní miðju borgarinnar.
EH
Skrifa Innlegg