Ég elska burstana sem ég á frá Real Techniques þess vegna fannst mér mjög gaman að fá spurningu um þá til mín.
Spurning:
Veistu eitthvað um Real Techniques burstana frá Samantha Chapman? Og fást þeir á Íslandi?
Svar:
Já ég á bæði farðaburstasettið og augnburstasettið – þetta appelsínugula og fjólubláa. Ef ég kemst upp með það þá nota ég eingöngu þessa bursta. Ég elska áferðina sem þeir gefa svo eru þeir svo einstaklega mjúkir og þegar ég er að farða þá hefur fólk vanalega orð á því að burstinn sem ég er að nota sé svo mjúkur. Hárin í þeim eru rosalega þétt saman og þess vegna gefa þér mjög þétta áferð. Burstarnir eru á mjög góðu verði og mér finnst alltaf gaman að sjá glitta í þá í burstabeltum hjá makeupartistum sem ég lít upp til – bæði erlendis og hér á landi það fyrir mér sannar að þetta eru gæða burstar. Á heimasíðu merkisins geturðu lesið þér betur til um burstana og Sam sjálfa HÉR.
Burstarnir fást því miður ekki á Íslandi en það væri nú voða gaman fyrir okkur aðdáendurna ef það myndi gerast einhver tíman – en þangað til færðu þá HÉR
EH
Skrifa Innlegg