Ég varð bókstaflega eins og lítill krakki í nammibúð þegar ég fékk nýju Real Techniques burstana í hendurnar. Á næstu dögum ætla ég að fara í það að taka upp sýnikennslumyndbönd fyrir merkið eins og ég gerði þegar burstarnir komu fyrst. Mér finnst alls ekkert leiðinlegt að fá að vera hin íslenska Samantha Chapman í þessum sýnikennslumyndböndum sem ég vona að ykkur hafi þótt hjálpleg :)
Hér sjáið þið þessa fimm glænýju bursta en fyrir utan þá þá munu einnig bætast við þeir burstar frá RT sem hafa ekki verið fáanlegir á Íslandi eins og Travel Set burstasettið og litli Kabuki burstinn. Auk þess þá held ég að settið sem inniheldur alla uppáhalds burstana hennar Samönthu sé á leiðinni. Svo það verður fjör hjá förðunarburstasöfnurum eins og mér!!
Stór Duo Fibre Bronzer bursti og kabuki bursti er meðal þess sem er væntanlegt.
Varalitaburstinn er eilítið kúptur en ekki alveg flatur sem er mikill kostur að mínu mati.
Ég er alveg að missa mig yfir þessum sílikon eyelinerbursta – hef ekki enn haft tíma til að prófa hann en ég er langspenntust fyrir honum. Hann gefur okkur kost á að gera alveg þráðbeina línu sem er alveg eins báðum megin þar sem það eru engin hár sem geta sveigst útaf eða mótast á einhvern sérstakan hátt. Ég sé fyrir mér að ég fái sömu útkomu með þessum bursta í geleyelinera eins og ég fæ með því að nota eyelinertúss.
Ég er engin svampkona og nota þá eins lítið og ég mögulega kemst upp með en þennan hef ég heyrt mjög góða hluti um. Hann þarf að bleyta áður en hann er notaður til að dreifa farðanum….
Mér finnst þessir fimm burstar alveg frábær viðbót við burstaflóruna sem er nú þegar til hjá Real Techniques!
Þrír af þessum fimm burstum eru hugsaðir þannig að það sé hægt að taka þá með sér í töskunni til að lappa uppá förðunina. Svo með þeim fylgir lok til þess að vernda hárin og koma í veg fyrir að förðunarvörur sem verða kannski eftir í burstunum smiti frá sér :)
Ég lofa svo að láta vita um leið og burstarnir eru komnir í verslanir – ég reyni svo að sjálfsögðu að fá kannski nokkra bursta til að gefa heppnum lesendum síðunnar. Það er svo gaman að geta glatt fólkið í kringum mann!
EH
Skrifa Innlegg