„Vinkona mín“ Camilla Pihl er mætt í Bianco með skólínuna sína – hún mætti reyndar ekki í eigin persónu en skórnir sem hún hannaði eru komnir og það er því nóg fyrir mig. Ég ákvað að það væri nú í lagi að ég gæfi sjálfri mér smá gjöf í tilefni útkomu fyrsta Reykjavík Makeup Journal í prenti svo ég keypti þessa skó handa sjálfri mér – mér hefur alltaf fundist ég vera sérstaklega góð að velja gjafir ;)
Ég er búin að bíða í ofvæni eftir að skólínan kæmi til landsins og allar týpurnar voru á óskalistanum. En efst á óskalistanum eftir mikla umhugsun voru þó fallegu ökklastígvélin með hrjúfu áferðinni og þau eru nú mín og geta orðið ykkar því skórnir fara formlega í sölu klukkan 10:00 í dag! Það komu ekki mörg pör af skónnum svo drífið ykkur af stað ef ykkur langar í par.
Ég ákvað að plata kallinn í að taka nokkrar skemmtilegar skómyndir af mér í gærkvöldi – þetta var útkoman….
Þessi verða held ég bara flott við allt, bæði buxur og kjóla. Sé líka fyrir mér að þeir muni koma vel út við sokkabuxur og kósý knit peysu – helst með rúllukraga.
Skórnir eru úr alveg sjúklega flottu og mjúku leðri og ég sé fyrir mér að nota þessa mikið. Nú þarf ég bara að muna að spreyja þá vel með sílikon spreyi til að verja þá í íslenska vetrarveðrinu.
Skórnir eru mjög þægilegir og mér finnst lögunin á þeim svakalega flott. Þessi smá skil sem eru í leðrinu á tánni gerir alveg svakalega mikið fyrir skónna að mínu mati. En sömu skór eru líka til bara með sléttri áferð.
Stílhreinir og svo fallegir skór en ásamt þeim komu þrjár aðrar týpur en þið getið séð þær allar HÉR og lesið ykkur aðeins til um innblásturinn á bakvið hönnunina.
Dýrka þá og þessir eru strax orðinir uppáhalds – ásamt hinum Camillu skónnum sem ég keypti líka… – æjj ég gat ekki valið á milli svo ég fékk mér bara tvö pör ;)
EH
Skrifa Innlegg