Múmínálfahjartað mitt tók auka slag þegar tölvupóstur frá þeim sem ég fékk í gærkvöldi innhélt mynd af jólabollanum í ár. Ég er almennt algjörlega á móti því að byrja að hugsa of snemma um jólin og ég vil helst bara ekki gera það fyr en eftir að ég á afmæli (27. október). En ég viðurkenni það alveg að mig dauðlangar að panta mér þennan – en ég ætla þó að bíða aðeins þar sem ég hef nú yfirleitt fengið jólabollann í afmælisgjöf og vona að það verði ekki breyting á því.
Bollinn er nú ekki kominn í sölu á Íslandi af mér vitandi en hann fæst nú HÉR.
Í ár er myndin sem skreytir bollann tekin úr teiknimyndasögunni Winter Follies…
Einnig er fáanleg skál með sömu skreytingu sem er fullkomin undir jólasmákökurnar við fallegt kertaljós með heitt súkkulaði í múmínbollanum.
Hvernig líst ykkur á jólabollann í ár – er hann á ykkar óskalista?
EH
Skrifa Innlegg