Síðustu daga hefur kuldaþurrkurinn í húðinni minni verið að ágerast. Þetta gerist alltaf þegar frostið hellist yfir veðráttuna – húðin mín skrælnar alveg svakalega upp og ég fæ nánast exem í andlitið. Mér klæjar og ég fæ svakalega ónotatilfinningu í húðina sem líkist því helst að andlitið á mér sé með flösu því dauðar húðfrumur fljúga útum allt – já ástandið er slæmt og þetta gerist svona tvisvar á ári þegar veturinn mætir og þegar sumarið mætir. Ég þoli gjörsamlega ekki þetta tímabil og í alvörunni þá kemur það mér alltaf jafn mikið á óvart þegar þetta gerist aftur og aftur.
Það sama gerðist reyndar líka við húðina mína strax eftir að ég átti Tinna – þegar brjóstagjöfin hófst svo ef þið kannist við þann þurrk þá getið þið líka nýtt ykkur upplýsingarnar sem fylgja hér með:)
Comfort on call frá Clinique – þetta krem er sjúklega þykkt og svakalega róandi fyrir húðina. Þetta er dásamlegt kuldakrem til að róa húðina samstundis en það mætti þó vera eilítið feitara – ég nota það samt ótrúlega mikið því það nær að hjálpa húðinni að gróa sérstaklega þegar þurrkurinn er orðinn extra slæmur.
Ultra Facial Cream frá Kiehl’s – hér er ein vinsælasta snyrtivaran frá þessu flotta merki, ég splæsti í það í Kaupmannahöfn í byrjun ársins útfrá lista yfir mest seldu vörurnar frá merkinu. Kremið er sérstaklega þægilegt og rakamikið en það mætti vera aðeins þéttara – en ég elska það samt. Dýrka líka einföldu og skemmtilegu umbúðirnar.
Nutri Gold Extraordinary Oil Cream frá L’Oreal – dásamlega fallegt krem sem inniheldur olíuagnir. Þetta krem er algjör draumur og ég var fljót að eignast dollu af því um leið og tækifærið gafst. Kremið sá ég fyrst á tískuvikunni í Kaupmannahöfn hjá L’Oreal og ég íhugaði alvarlega að stela einu kremi úr kittunum hjá förðunarfræðingunum – mér gafst þó aldrei tækifæri til þess en kremið var ekki komið í sölu þar í landi. Lyktin af því stuðaði mig reyndar fyrst en ekki lengur – vandist henni vel:)
Triple Active Nutrition frá L’Oreal – hér er á ferðinni eitt sjúklega flott og mega feitt krem se minnir helst á smyrsli. Þetta nota ég t.d. mikið á kvöldin þá sem næturkrem og ég vakna með næringarríka og mjög þétta húð. Þetta var mitt go to vetrarkrem áður en ég kynntist hinum kremunum sem eru með því á myndinni.
Visionnaire frá Lancome – þetta krem inniheldur uppáhalds innihalds efnið mitt þessa stundina, Hyalunoric Acid – þetta dásamlega fyllingarefni fyllir húðina af góðum raka. Þetta krem er ábyggilega eitt það léttasta af þessum sem eru á myndinni þetta og Kiehl’s kremið. Alveg dásamlegt krem í fallegri krukku sem virkar vel fyrir mig.
Nutri Gold Extraordinary Oil frá L’Oreal – þessa andlitsolíu er ég mikið farin að nota undir krem, bæði morgna og kvölds. Ég nota bara örfáa dropa og nudda þeim vel yfir húðina. Olían róar alveg svakalega og það er dásamlegt að nota þessa á kvöldin. Þegar ég er sem verst gæti ég ekki verið án hennar (ég er búin með eina flösku nú þegar) því hún stöðvar kláðann sem gerir mig alveg vitlausa, þegar „flasan“ hrynur af andlitinu. Þessa verðið þið að prófa – hún er dásamleg.
**VANTAR Á MYNDINA***
Rich Nourishing Cream frá Blue Lagoon – kremið sem ég gerði dauðaleit af en ég fann ómögulega. Þetta er eitt það dásamlegasta krem sem ég hef prófað og uppáhalds húðvaran mín frá Blue Lagoon. Þetta krem er líka svona smyrsli sem róar húðina samstundis og treður hana fulla af raka. Ég ofnotaði kremið síðasta vetur og hyggst gera það aftur í ár – svo það er eins gott ég fari að finna það…
Ég mæli heilshugar með því að þið sem eigið við þetta vandamál að stríða með mér að skoða olíu snyrtivörur. Í Reykjavík Makeup Journal finnið þið greinagóða umfjöllun um mátt olíunnar og nokkrar vel valdar vörur sem ég mæli með í tegnslum við greinina.
Ef þið kannist við þetta kuldaþurrks vandamál þá eru öll kremin hér fyrir ofan krem sem ég mæli eindregið með og krem sem ég sækist í að nota. Þetta eru þau sem ég hef notað í tengslum við þennan leiðindaþurrk en þarna vantar þó krem sem bjargaði mér á brjóstagjafaþurrks tímabilinu en það er frá Shiseido og er svona dásamlegt feitt smyrsli – alveg ljúffengt og það var klárað upp til agna.
EH
Sumar vörurnar sem ég skrifa um hér fékk ég sendar sem sýnishorn, aðrar keypti ég sjálf. Það hefur þó engin áhrif á álit mitt á vörunum og eins og alltaf veiti ég hreinskilið álit.
Skrifa Innlegg