Að mínu mati eru tvær vinkonur mínar að slá í gegn með myndaþáttunum sem þær eru búnar að vera að gera saman í MAN Magasín. Ég hef áður sýnt ykkur myndaþátt sem þær hafa gert fyrir blaðið en ég stóðst ekki mátið með að fá að birta líka þessar myndir sem birtust í jólablaði MAN sem kom út í gær. Þetta eru ljósmyndarinn Íris Björk og förðunarfræðingurinn Margrét Magnúsdóttir en ég var með þeim báðum í Versló á sínum tíma. Þær eru báðar búsettar í London, Íris er að klára ljósmyndaranám í London College of Fashion og Margrét lærði förðun útí London og starfar nú sem sjálfstætt starfandi förðunarfræðingur.
Sjálf er ég ekki búin að hafa tækifæri til að fletta í gegnum tímaritið en myndirnar sá ég á Facebook í gær. Mér finnst lýsingin á myndunum alveg fullkomin og svo finnst mér gaman að sjá hvað förðunin hjá Margréti er litrík og flott.
Njótið myndanna ;)
Ljósmyndari: Íris Björk
Stílisti: Marina De Magalheas
Förðun og hár: Margrét Magnúsdóttir
Neðsta myndin er í uppáhaldi hjá mér af þeim sem birtast í þessum myndaþætti. Hrikalega flott :)
Hlakka til að sjá hvað þær gera næst ;)
EH
Skrifa Innlegg