Ég kíkti í heimsókn í Sævar Karl í morgun í smá myndatöku sem ég sýni ykkur innan skamms. Draumur minn um að fá að klæðast drauma Alexander Wang skónnum rættist í morgun og ég svíf um á skýji þessa stundina útaf því!
Í leiðinni ákvað ég að stelast til að gera neglurnar fínar fyrir kvöldið en við kærustuparið erum að fara útað borða og svo á jólatónleika. Ég skellti á mig tveimur umferðum af þessu truflaða lakki frá Deborah Lipman en fyrir var ég með grábrún naglalakk en þessi litur er dáldið gegnsær og svartur með stórum gylltum glimmerögnum.
Liturinn heitir því skemmtilega nafni Cleopatra in New York.
Það er hellingur af svona skemmtilegum glimmerlökkum inní Sævari Karl. Ég er að pæla í að fara að venja mig á að kíkja reglulega í heimsókn þangað til að gera neglurnar fínar og fá rjúkandi heitan kaffibolla. Það bjargaði mér alla vega alveg í morgun – það og yndislegur félagsskapur skvísanna í búðinni :)
Glimmerlökkin virðast vera að tröllríða öllu fyrir þennan árstíma. Það er eiginlega undantekning ef það er ekki hægt að fá einhvers konar glimmerlakk hjá merkjunum núna – en mér finnst það bara gaman!
EH
Skrifa Innlegg