Að ná að juggla öllu, vera mamma, húsmóðir og útivinnandi manneskja með alltof margar vinnur er dáldið mikið mál. Ég held þó að ég sé á réttri leið og allt að koma hjá mér. Ég bugaðist þó gjörsamlega þegar ég var að undirbúa 1 árs afmælið hans Tinna. Sem betur fer hafði ég eina góða og aðra auka sem hjálpuðu mér og veittu mér andlegan stuðning við afmælikökugerðina.
Svo ég segi ykkur nú frá þessu þá ákvað ég að afmælisveislan hans Tinna yrði flottasta veisla sem nokkurn tíman hefði verið haldin. Ég er alveg á því að það hafi tekist þó svo það hefði ekki litið út fyrir það á ákveðnu tímabili eða þegar eldhúsið mitt leit svona út, ég var öll útí smjörkremi og með tárin í augunum.
Ég hafði ætlað mér að búa til tvö listaverk – uppúr nýju Disney bókinni sem þær í Allt í Köku gerðu. Frábær bók og ég fékk æðislega þjónustu þegar ég kom í búðina til þeirra til að kaupa allt sem ég þurfti. Svo þegar allt fór í rugl hjálpuðu þær mér aftur og róuðu taugaveikluðu móðurina niður ;)
Þetta eru kökurnar sem ég ákvað að gera, reyndar ákvað ég að vera ekki með regnbogann heldur bara vera með kökuna bláa:)
Eftir mörg tár og langan dag voru listaverkin loksins tilbúin og allt tókst – LOKSINS!
Afmælisveislan hófst svo í hádeginu á Gamlársdag og heppnaðist svona ótrúlega vel. Hér sjáið þið nokkrar myndir úr veislunni og þá helst af veisluborðinu og fullkomnu listaverkunum mínum.
Tinni skildi ekkert í því afhverju allir væru að syngja….
Afmælisknús – hér sjáið þið hjálparbakarana okkar Tinna – Sirru og Evu sætu sem er verðandi tengdadóttir mín ;)
Tinni og afi hans með eina af afmælsigjöfunum.
Eitt mjög mikilvægt sem ég lærði á þessum bakstursævintýrum var að það er nauðsynlegt að anda mjög rólega og slaka á inná milli, það er í lagi að allt sé kannski ekki alveg fullkomið, vera með stóra svuntu og ekki í glænýjum gallabuxum en fyrst og fremst að fá pössun – það er ekki hægt að baka köku með mömmusjúkan dreng á mjöðminni :D
EH
Skrifa Innlegg